سؤال يغير مسار حياتي

صلي استخارة

اتركيه

كانت صديقتي مثلك تماما وكانت بفترة خطبة(من دون عقد) واكتشتفت انه يكذب عليها مررررة و كان يطلب منها فلوس وما يرجعها اتخيلي كل ما تقول له فلوسي يصاريخ ويفتعل مشكلة! نذل نذالة ...المهم لما يوم وهي ساكتة معميها الحب لما الله اراد يحميها منه وصار انها شافته مع وحدة تانية اتخيلي صدمتها فيه,,,, وكانت القشة اللي قسمت ظهر البعير والبنت حست انها اشارة من ربنا لها عشان تتركه وبالفعل عافته نفسها وتركته من دون ما تتندم عليه قد ما اتندمت على نفسها مع انسان حقير زيه
,,,,,,,,,,,,,,,,,,,,,,,
على فكرة بعد القصة هذي طبعا بعد ما عرف انها من جد تبغى تسيبه انجن ورجع يعتذر ويوعد بصفحة جديدة ويتأسف بس هي كانت خلاص,,,,,,,,,,,,,,

الان ربنا عوضها بواحد سيد سيده كمان سبحانك يا رب

حبيبتي....... الخلاصة اتركييييييييييييييييييييييييه فورا لانه ما يستاهل ظفرك
ومبين من تفكيرك ومجرد انك تبغي تعطيه فرصة تانية انك انسانة مرررة راقية ومتربية بس هو مايستحقك ,,,,,,,,,,امانة عليك اختي لا تكرري الخطأ وانصحك لوجه الله ,,, وهذا ربنا يحبك وكشفك لك نيته بانه كذاب واستغلالي ايش يجبرك تدبسي نفسك فيه وبعد تنربطين فيه بزواج واولاد

لا والف لاااااااااااااااااااا

بنتدمين وبتكون غلطة عمرك

ربنا يوفقك

ابو طبيع ما يجوز عن طبعه
دام قبل الزواج جذي بعده شلون ؟
ودام ساحب فلوس يعني مصلحة

الله يعوضج باللي افضل منه

اذا تحبينه مره حبي نفسك 100 مررررررررررررة

وش دعوى تحبين واحد كذاب شالفايدة تعيشين كل حياتك بكذب لهالدرجة مسترخصة نفسك؟؟

كذب اليوم.....عادي يكذب بكره

ماله آماااااان شلج فيه !! فكري بعقلج مب بقلبج

استخيييييييييري

اهو للاسف مو السؤال الي بيغير مسار حياتك الشخص هاذا بيدهورها كلها يعني انسان كذب ولاا بعد فوق شينه قوات عينه ياي ييبي يتزوجك

وييييييييي من صجج انتي تفكرين تكونين زوجه له؟؟؟ لا انا نصيحتي انسيه وربي يرزقك ويبعد عنك كل من يريد بك الاذى

مشكورات خواتي و الله يقدم الي فيه الخير

مدري بصراحه بس كل اجوبه البنات كانت سلبيه وماكان فيها وحده تشجعك اوتحدك على شي انا بالعكس اشوف ان الواحد لازم ينعطى فرصه ومافيها شي لوكدب مره الحين انتي ابد ما اظطريتي للكدب بحياتك ابد مافي انسان ماكدب وبعدين الحياه تعلم ومن قال انك ماتقدري تغيريه تقدري تغيريه حبيبتي وادا هو رزقك لاترديه وكل شي بعدين على الله خليه الامل بالله موجود ولاتاثر فيك اغلبيه الردود معهم حق لوكان بالكدب مشهور بس لوكان مره مرتين مالهم حق يحطو انفسهم مكانه ويشوفو كل واحد كم مره بحياته كدب واتمنى اكون افدتك بشي

اختي العزيزة ...

بقوولج شي انا تعلمته في حيااتي ... مع انه صغيرة بس والله تبت .. ما قمت اثق في اي حد ...

وكيف اذا هذا الشخص الي تتكلمين عنه ...خضتي معاه في تجربة ..... كيف تثقين فيه ؟؟؟؟؟

هو ما كان يعرفج قبل ...شو الي غيره ..؟؟؟

انا نصيحتي لج لا تثقين فيه ....

لو يحبج ما سوا فيج الي سوااااه ؟؟؟؟ صح ولا ...

والله يوفقج ويرزقج الريال الصالح الي يقدرج ...

حبيبتي طبعا القرار راجع لك اولا واخيرا

اهم شي استخيري الله

ولو يريد يتغير بيثبت لك هذا الشي وكنتي بتلاحظي

الكلام انه يحبك ما ينفع

لازم الافعال يا اختي

والي انا اعرفه انه الواحد يستحي ياخذ فلوس من وحدة

وخاصة اذا هو مو زوجها

فكري والاهم استخيري الله

والله يعطيلك على قد نيتك يالغالية

انصحج بصلاة الاستخارة ..والتوكل على الله في اتخاذ القرارات

بس براي كوني قوية في تفكيرج وخلي عقلج كبير

اختي اذا اليوم قال هاي الكذبة باشر بقول اكبر منها

1- كذب عليج
2- خذ منج فلوس
وجاي يتزوجج !!! عزيزتي المرة لين جات بتتزوج تتزوج رجل عن جد يسندها ويكون حامي لها مايرضى عليها من نسمة الهوى الطاير مو ياخذ منج فلوس !!

تعودنا في بيوت اهالنا عيب الريال يطلب فلوس من حرمتة يستحي اصلا يقولها

هذا بالله اذا تزوجتية شو بيسوي / نصيحة لج اعيدي التفكير هذا زواج - لو قايلة زوجج وخذ فلوس منج باقولك في الزمن هذا مطلوب الزوجة تساعد زوجها بس في وضعج شيئ ينفر صراحة

{ اختي متأملة فيه ع أي اساس؟؟......~

اخذي شخص عنده احترام لذاته
علشان يحترمك
شخص مو محترم نفسه ولا يستحي
وخذ فلوسك باي طريقة كانت
تنتظرين منه التغيير ف المستقبل
بعد الزواج والمسؤولية !!!

طبعاً لا
ومستحيل
اتركيه واهربي بجلدك !