شوفي حبيبتي
الي يصيبك عادي
انا صار لي فترة والده
بس من الضغط والتعب يجيني احساس اني ودي ابكي ساعات اذبح عمري من العصضبيه وخاطري اكفخ روحي
بس كله ما راح يفيد
لا تنسي كله اجر والله ياجرنا كم تسوى اذا كبروا وحنوا عليك
بالنسبة للنوم انا اعاني كثير
خلي ابوها يساعدك ياخذها عنك علشان ترتاحين
وعلشان تعوديها على النوم فيه نصائح عن بنتي تصير زينة وترد ما تنام والسبب الغازات الي ببطنها والامساك
حبيبتي حاولي تعودي الطفل في فرق بين الليل والنهار
في الصباح عني اصلي وافك قماطها " لفتها" واخليها تتنشط ارضعها وابدل حفاظها
واخليها معي سواء في تحضير الفطور لابوها او في الصاله لما اقضي حاجاتي
احاول اتكلم معاها مثلا لما ابدل حفاضها اسمي عليها بصوت جهرا واكلمها حبيبتي زهور يلا بينا نبدل الحفاض من هالقبيل يقول لج يقوي فهمه لا تقولي ما يفهم بالعكس يصير عنده معجم لغوي ويصضير ذكي ^^
حاولي تشغلي لها التلفاز حتى لو هيا نايمه بس لا تزعجيها كثير المهم حسسيها بان النهار فيه الشغل والاصوات
وفي الليل الاضواء خافته وتتمهد " تقمطيها " تلفيها " وعامليها بهدوء
ربي يفك ضيقتق انا من بس جهت البنوته انا مريضة صار لي الله وكيلك 58 وليما هالوقت ينزل علي اوساخ ودم ما وقف ابد ولا يوم تعبت وضاربني وسواس على الصلاة احس اني كفرت استغفر الله ,,
الله يصبرنا وياجرنا ويجعلهم بارين نفرح فيهم ,,
ترى ناس يتمنون طفل معافى
الحمد لله
ايه تذكرت حاولي تفهمي الطفل شنو يعاني منه يمكن من الغازات والامساك ما تنام
حاولي تريحيها عطيها رضعه كفايه