ممكن تفيسر حلم جزاك الله خير

سامسون;15768735:
بسم الله الرحمن الرحيم

السلام عليكم ممكن ام عبداللطيف الله يعطيك العافيه تعبريلي الله يجزاك الجنه هذا الحلم امي حلمت بي
حلمت أمي كاننا ذابحين ذبيحه واننا تقطع هذي الذبيحه وشوي جيت انا لي أمي وقلتلها أمي يقولون الرجال اللي ذبح الذبيحه متفحمه كبده من الدهون ولازم نأخذ من جلد الذبيحه ونحرقها علشان انا اتشفى قالت أمي عماني اذا ذبحوا يرمون الجلد والكرش للذبيحه وشوي تقول امي كانني اردت الذهاب للنوم ثم تذكرت كلامي وقالت هذي البنت وسوسة ايه الخرافات والخزعبلات لازم اروح اقولها تبتعد عن هذي الافكار وانتهت الرؤيا وانا فهلا عندي دهون على الكبد لكن من زمان ماكشفت ولا اجري هل الى الان عندي دهون ع الكبد او لا

أختي الكريمه
حلمك الأول يدل على شفاؤك وأنك عرفت أن مرضك سببه أنت أو من اهمالك لجسمك
كل ما عليك أن تعدلي من نظام اكلك وما في الا الخير إن شاء الله والله أعلم.

وفيه رؤيا ثانيه ام عبد اللطيف الله يجزاك الفردوس شفت كاني في عزيمه عند قرابة أمي وهم يطالعوني وكانهم معجبين فيه ويحبون وانا كنت فرحانه انهم معجبين فيه ويحبوني وشوي كان صديقتي تخرجت وكنت ابغى اهديها هديه لقيت أختي الصغيره جابتلي ساعه برونزيه حلوه وناعمه عجبتني وجابتلي طقم ذهب كان ثقيل لكن كان شوي ضخم وقالت اعطي صديقتك هديت تخرجها وانا انحرجت من اختي واقول من وين جابت الفلوس واشترتلي ذهب وش دراها اني ابغى اهددي صديقتي وانحرجت منها قالت بسرعه اختاري واهدي صديقتك واخترت الساعه وانا اقول في نفسي ماكنت ابغى الساعه لانها هيه اهدتني الساعه لكن الذهب مو حلوه والساعه مره حلوه واهديتها صديقتي وشوي كاننا في رمضان في ليلة 29 كان اقول الله واكبر كيف مرت السنه وعدنا 29رمضان وكان بكره عيد وكان اهل ابوي جداني مسويه عزيمه وقاعدين نتعشى مع بعض وشوي زوجة عمي قالت انا عندي لك عريسين عيال خالتي واحد صيدلي واحد كانه تاجر في اشياء تجميل او شي كذا ماني فاكره لكن جلست تمدح هذا الصيدلي ونجاحه وتقول لو ارسلتهم توافقين وكاني انا ما ابغى لانهم ناس شوي مو ملتزمين وانا ابغى واحد ملتزم وكان امي جالسه تبغاني اقول موافقه وانا ما ابغى وشوي قالت امي طيب ولد محمد راشد اللي كلمتيني عنه اللي قالوا انه كان يبغاني كانها في الحلم قد قالت لامي ان في ولد هذا الرجال يبغى يتزوجني قالت ما ادري بسالهم واردلك خبر وانصدمت انا وكنت فرحانه في الحلم وكان في الحلم جاني هديه ساعه ما ادري من وين بس كنت فرحانه فيها ومحافظه عليها وكنت فرحانه ان فيه احد يبغى يخطبني .. وانتهت الرؤيا ومحمد راشد هذا عنده اولاد لكن كلهم متزوجين
مشكوره ام عبداللطيف الله يجزاك الجنه ومشكره مقدما

الحلم بكل ما يحمل من رموز يدل على حديث نفس من رغبة بلقاء زميلاتك السابقين
ومن رغبه بالزواج ومحتاره من أمر ما يعرض عليك من خطاب ومن مواقف تمرين بها من أهلك.
والله أعلم

أتمنى في المرات القادمه أن تكتفي بحلم واحد فقط بارك الله فيك

السلام عليكم
مكن ام عبداللطيفالله يجزاك الجنه انا حلمت اني قصصت اظافر ايديني ورميتها في الارض في غرفتي وقلت باكنسها بالمكنسه وبعدين كاني معي علبة خل تفاح وقمت ارش جسمي فيه وراسي وقلت والله ما توقعت انه كذا توقعت اسواء من كذا كنت دائما ابغى استعمله لكن توقعته سي لكن هو عادي وقمت ازيد من رشه ع راسي وجسمي ووجهي وكاني شربت منه بس ماني متاكده إذ شربت منه او لا ..انتهت

الله يجزاك كل خير أم عبد اللطيف ومشكوره

أختي الكريمه
الحلم طيب ويدل على انك راغبه في التغيير من حياتك الى الأفضل
لكن عليك الحذر من التغيير لأن رمز الخل يدل على غرابة الأوضاع والله أعلم