شايله العارطول عمري

حبيبتي انتي ما سويتي شي غلط ماعليج منهم و سحبي عليهم ينطقون بالعنى .. بس الحسد ذابحهم

بعد غلطة ولدهم حافي منتف

صج يقهرون

والله ماقصرتو يابنات بس غصب عني القهراللي انافيه لانهم في كل اجتماع اسبوعي لهم ولبناتهم اسمع اتلميحات اللي مالها داعي وكلام يسدالنفس وكل مره اسبوع اقول ماني نازله بس احساس الوحده ذبحني وانا جالسه ماعندي احد ولا اعرف احد

من جد ناس غريبه هذا بدل مايشكرونك لانك ساعدتي والدهم
يجازونك كذا ..دام اتني وزوجك متفاهمين ماعليك من احد طنشي وعيشي حياتك

بالعكس انا اشوف ان الزواج تم وعقدتوا وش بقى تنتظرين غير الحفله وهي شي كمال
ما عليك من احد طالما انتي على صواب
وتأكدي ان اغلب الناس الحين صارت تسوي كذا
بجد الموضوع مايستاهل تتعبين نفسك عليه عيشي حياتك وانبسطي
اسأل الله ان يسعدك ويوفقك

وين الغلط والعار
انتي تنحطي تاج عالراس
لاتهتمي باي شخص غير زوجج واولادج وعيشي حياتج سعيده
واحتسبي امرج الى الله

أهم شي العقد إلا هو الملكه
وحفلة العرس هذي كلها شكليات لا اكثر
وبالعكس والله المفروض يحطونش فوق راسهم لأنج صتنين ولدهم وما خليتيه يتغربل بسلفيات أكثر
حاسبتي لوضعه وقدرتيه واقتنعتي بالقليل والبسيط

لكن الناس اللي ما تفهم ,, والله يبطون الجبد
ما عليج منهم ولا من حبهم , ولو صار وانفتح الموضع مثلاً حاولي تبينين انج حاسبتي لوضع زوجج المادي وما حبيتي تضغطين عليه اكثر
في بعض العوائل والقبائل جذي , تفكيرهم محدود وجاهلي << مو الكل طبعاً

انتي رضيتي ربج وزوجج ونفسج ,, وما عليج منهم
الله يهديهم بس ,

هم كانوا راضين على هالزواج والا لا؟

شئ غريب فعلاً سبحان الله الناس لايعجبها العجب :!!:.. فبدل من أنهم يعاملونك احسن معاملة ويقدروك لأنك وافقت على ابنهم بكل ظروفه ووقفت معاه وتحملتيه على قلت حيلته .. فهم يعاملوك بالأسوء .. ولكن اكيد فيه سبب فربما كانوا غير موافقين على زواج ابنهم منك أو فيه سوء فهم واصلهم عنك .. فطالما انه زوجك ما أخذ موقف منهم فليش ما تخذين انت منهم موقف وتجتمعي انتي وأهله وتواجهينهم بكل ما عندك وتوقفيهم عند حدهم فليس هناك أفضل من المواجهة .. وأيضاً حاولي ان تكسبيهم بالمعروف وبالهدايا من حين لاخر ان كان في استطاعتك وعن تجربة فقد مر بي موقف شبيه بهذا الموقف مع اهل زوجي وعندما واجهتهم وأوقفتهم عند حدهم بالحق استحوا على وجوههم وبالعكس صاروا يعملولي الف حساب .. ثم اين زوجك من كل هذا .. ؟! فلو لم يحدث اي شئ فما عليك إلا ان تستقلي عنهم وتقللي زيارتك الافي المناسبات ولأوقات محدودة ولاتحسبيهم في الوجود اصلا
والله يكون في عونك فعليك بالدعاء واللجوء الي الله قبل كل شئ ويكفيك زوجك واطفالك ..فهم نعمة من الله

حبيبتي انتي ماسويتي شي غلط وسواء ماعملتي عرس فهذا شي مايقلل منك بالعكس يزيد من غلاتج لان قدرتي ضروف زوجج وماضغطتي عليه ماديا لا تسمعين للناس تره الناس مايعجبها العجب واهل زوجج لا تترجين منهم محبه او احترام لان ماعمر اهل الزوج رضوا عن زوجة ابنهم

الحمد الله والشكر شنو هذا
اول مرة اشوف اوادم تفكيرهم جذي هذا بدال مايفرحون ان زوجة ولدهم صبرت على زوجها وقدرت ظروفه وماحبت تضغظ عليه قاعدين يفكرون بالعرس صج ماعندهم سالفة واغبياء بعد

ياختى ماعليج منهم ولاتشيلين بخاطرج هذيله اشكال تهمهم المظاهر وبس
خليهم عنج وفكري في حياتج وعيالج وقطيهم وراء ظهرج وهذاني اقولج مايستاهلون تكدرين عمرج علشانهم لان اهم مافكرو في يوم يساعدون ولدهم ولما انتي ساعدتيه وقدرتي ظروفه ماعجبهم . الحمد الله على نعمة العقل نعيش ونشوف اشكال والوان

محبتـــــــــــــــــــــك
أم رنيـــــــــم

انتى حاطه ببالك الموضوع والشيطان يوسوسلك لاعار ولاشي اهم شي وجود الاحترام بينك وبين زوجك والحب والا الناس لوانك مسويه عرس باحسن قصر بيتكلمون ولايعجبهم العجب واهله مفروض يشيلونك بعيونهم انك احترمتى ظروف زوجك

والله والله انا لو منك اقولهم زين مني خديت ولدكم كحيان لو انتظر العرس جان هو للحين ايجمع وينكم عنه يوم يبيكم


لا تعطينهم اهتمام طنشيهم والله ما عندهم سالفة خوش والله


شوفي اختي انا بعد سويت حفلة صغيرونة وذهبي ما يوصل 10000 ريال 100 دينار واللي جابلي عادي وما رحت لا شهر عسل ولا شهر بصل وجيت لعنده وسكنت فحجرة فوق السطوح ويا اخوه تصوري حمام واحد احنا واخوه مو متزوج


والحمد لله الحين لين اتقين فنفسك وتعطينها قدرها الكل يقدرك خليها فبالك



وادا جابو طاري دي السالفة تكلمي لا اتسكتين لان بسكوتك بيتبين لهم انهم هم الصح وانتي الغلط والصح انتي مو هم


اغبيا صراحة دام ولدهم مو قادر يتزوج لا يتزوج حتا يمع فلوسه

صدق كلام فاضي وحدهم اغبيه متخلفين حدهم

يا عمري ليش تضايقي نفسج ؟
الحفلة لعيون الناس
الناس ماكو شيء يشبع عينهم
يعني الزوجة لي تساعد زوجها وتخفف عليه مصاريف صار عاااار !
اسمحي لي تفكير متخلف

ما عليج من اهل زوجج
بالطول بالعرض بيرضون
عطيهم طاااف
وتعاملي معاهم بالحسنى
وبيني لهم انج سعيدة

المهم انج مرتاحة مع زوجج
مو مقصر عليج بشيء ولا ضارج وهذا الاهم

محد لج غير زوجج

والله يوفقج يالغالية
ويسهل عليج ظروفج ^_^

اللحين اذا الوحده ماسوت حفله معناتها عاااار....؟؟

اش هالمنطق هذا...ناس ماتعرف تتصرف

دنيا عجائب وغرائب زواج على سنة الله ورسوله يعني صحيح شرعا
المهم الواحد يحصن نفسه والستر بالزواج عالم غريبه اهم شي كرسي جهدك وتفكيرك لله اولا ثم لزوجك وابناءك
تقبلي مروري

حببتي اسمحي ليي بس المجتمع السعودي لحين يعيش ع اطلال الجاهلية
شنوو هل التفكير الا منطقي
اول مره اجوف اهل زو ج جذي
لو كانوو يبغون حفلة جان ساعدو ولدهم او جان لا خطبوو ليه بالاساس
استغفر الله والله دنيا