اول شيء انظف المنطقة عدل عدل وقبل ما انظفها اغسلها بماي دافئ واغسلها بغسول المنطقة من كيرفري
بعدين انشفها عدل بفوطه هب كلينكس لاني اتحسس من الكلينكس
وبعدين اييب النشا
وانثره عالمنطقة وبعدين اييب الموس
من امواس فينوس واشيل الشعر من كل مكان حتى من المؤخرة
خلصنا شيل اييب زيت جنين القمح
واحط منه على راحة ايدي وامسح المنطقة كامله من بين الفخوذ والمؤخرة
واخليه تقريبا اللين ما اتسبح تقريبا ساعة جي واشل بالموس تقريبا كل جمعة لانه شعري قليل
العناية اليومية
لازم اذا دخلت الحمام اغسلها بالماي الدافئ مع صابونة البابايا
اتنشف عدل بالفوط الخاصة للمنطقة
لاني اتحسس من الكلينكس ما اقدر استخدمه
وبعد التنشيف
احط على راحة ايدي اشويه من كريم جونسون وامسح المنطقة فيها بشوي اشوي والمؤخرة بعد
وبعدين احط
بودرة جونسون اشويه على راحة ايدي وامسح فيها بين الفخوذ ومنطقة العانة من فوق والمؤخرة
يعني مثلا احسبي كم مره ادخل الحمام فاليوم مثلا من مرتين الى ثلاث مرات اسوي هالطريقة وقبل النوم
لازم اغسل المنطقة بماي دافئ مع صابونة البابايا
وانشفها عدل بالفوطه
بعدين احط عليها كريم وهذا المفروض استخدمه مرتين باليوم وانا استخدمه مره باليوم بس فالليل
ولازم الفوط اليومية البسها
وبس
والعناية الاسبوعية
لازم ثلاث مرات فالاسبوع اتمسح
شوفوا شو اسوي اييب دبة مسافي كبيرة فيها ماي واصب ديتول العناية الشخصية ست غطايات داخل الماي واخلطهم مع بعض واستخدمهم ثلاث مرات فالاسبوع والدبة تنحط فالحمام مع قطن الوجه
اقشر المنطقة كل جمعة من مقشر بودي شوب
هذا المقشر حق الجسم كامل وكل جمعة يوم اقشر جسمي اقشر المنطقة بحركات دائرية خفيفة
وبس
هذا اللي اسويه لاني بنت هب متزوجة عشان جي ما اقدر على الخلطات اخاف
ومن خلاصة عنايتي
استخدم غسول كيرفري مره فالاسبوع
استخدم كريم ساوث بيتش مره فاليوم
استخدم المقشر مره فالاسبوع
استخدم الموس والنشا مره فالاسبوع
استخدم زيت جنين القمح مره فالاسبوع
عنايتي فالدورة الشهرية
استخدم فوط نانا وفوط برايفت من احسن الفوط وماتسبب حساسية ولا حكه
لازم اذا بغيت امشي على السيراميك ولا الرخام البس دلاغ والبس نعال
وحتى انا يلسة بالصاله لازم اكون لابسة الدلاغ
مشروب القرفة لازم ثلاثة ايام اشربه
مشروب الزعتر
مشروب الزنجبيل
فواكه
آكل جرجير وايد
اشرب وايد ماي
واكيد تغيير الفوط كل ثلاث ساعات
وبس
وبعد انتهاء الدورة عني
شو اسوي نفس اللي فوق طريقة الموس وكل شيء وارد نفس عنايتي
بس لازم اسوي المسك ثلاث ايام متواصله
وطريقتي فالمسك
دامني بنت احسن استخدم مسك الحجر طريقتي ابشره في الفنجال وبعدين اصب عليه ماي ورد واخليه ينقع ربع ساعة تقريبا واييب القطنه واتمسح فيها بس بين الفخوذ والمؤخرة
اتم استخدم المسك ثلاثة ايام متواصلة وبس
وهذي هيه عنايتي ان شاء الله تعيبكم
والصراحة بيني وبينكم ما اعاني من شيء في هالمنطقة الحمدالله
واهم شيء فالسالفة النظافة ثم النظافة ثم النظافة فقط لاغير