صبايا.....متى انسب وقت عندك لتحملي بالطفال الثاني........شاركونا بأرائكم.............

~ عروس مغربية ~;13528512:
انا بفكر في الحمل الثاني ان شاء الله لما يكمل ابني 4 أو 5 سنوات ويكون معتمد على نفسه فكل شيء

كل وحدة ووجهة نظرها سبحان الله

سبحـــــــــــــــــان الله

ريحانتي;13528638:
حسب طبيعة الطفل الاول
عني بنتي تحتاج اهتماااااااااام كبير مني
وما فكرت بالثاني الا لمن سيطرت على بعض الاشياء وهي طلبت مني بعد
ان تبي اخت تلعب معاها ..
وريحت جسمي شوي..
بس لمن يكون الطفل الصغير هادئ ومريح بالتعامل
بيكون شي طبيعي تفكري بالحمل اذا كنتي مشتاقه للاطفال..

كلامك صح .............ويسلمو ع الطرح الحلو

ميثاق;13528883:
اني رأيي ان الوحدة تجيب اثنين ورا بعض وتالي ترتااح

لا حرام والله تعب ................

أوركيدة السماء;13529057:
انا ماكنت افكر ان اجيب على ولدي ولكن قدر الله وماشاء فعل
وحملت بنتي لما كمل ولدي سنه كامله بالضبط
والفرق بينهم سنة و9 شهور كامله
وبالعكس صحيح متعب في التربيه الاهم انهم قراب في العمرر يلعبو مع بعض
احس الوحده تجيب 2 على بعض حلو وبعدين توقف تتفرغ لتربيتهم وبعدين بعد 4 سنوات او خمس لو فكرت تجيب الثالث تمام
اما تجيب الاول وتقعد عليه 4 سنوات او 3 سنوات الفرق كبير بين الطفل الاول والثاني وحتى طريقة تفكيرهم ابدا لاتتوافق مع بعض
وهذي وجهة نظري

ربي يحفظ عيالك ..............

ام هنـد;13529598:
ان دخل الاول الروضة حملي فالثاني

لا انا افكر اذا خلصت السنتين احمل ........

nice-girl;13529635:

اذا انتي قاردة وتشوفين نفسج قد المسؤلية حملي الحين ليش لا وخصوصا اذا كنتوا متفقين انتي وزوجج والاخت اللي تتكلم عن الرضاعه الطبيعية انا كنت مثلج انصح فيها قبل ماتزوج واولد وارضع ههههه صج صعبه ويبي لها صبر واحنا اللي خرب علينا الحليب الصناعي اللي الكل ينصح فيه حتى اهل زوجي يقولون لي انتي تعبانة وحليبج مايكفي ياخذونه ويعطونه وخبرج الوحدة عقب ولادة تبي الفكة وشوي شوي الياهل مايبي صدر امه:|

ماشاءالله حلو جذيه يكون اصدقاء مع بعض والله يخليهم لج


بالنسبة لي احب يكونون متقاربين في السن ولو علي حملت على ولدي عقب 6 شهور بس انا تعبت بعد ولادتي القيصرية وايد وظهري اكثر شي والحمدلله بعد السنة جسمي رجعت صحته لكن علشان دراسة زوجي في الخارج اضطريت ااجل الموضوع شوي لاني اعرف امكانياتي لازم احد يساعدني في الثاني وصعب اغصب امي وام زوجي اييوني ويشوفوني والحمدلله ولدي الحين عمره سنة ونص وافكر احمل اي وقت الحين لانه خلاص الصيف اخر شي ونرجع للوطن واكون جنب الاهل وطبعا حق الثاني لازم اييب خدامه لاني باذن الله بشتغل احتاج مساعده خارجية خخخخخخخخ

يسلمو عسولة .............وربي يوفقك انشالله

rose2006;13529893:
بنسبه لي انا بعد بنتي البكر ماكنت ابي احمل الى ان يصير عمرها سنتين وبعد كنت بغربه وماحبيت اني احمل واولد الى يم اهلي ولما صار عمر بنتي ثلاث سنوات جبت بنتي الثانيه وكنت حابه انه يصير عمرها سنتين لكن قدر الله اني احمل واهي عمرها سنه وكم شهر انا من رائي تختلف فكرة الحمل وامكانيته من وحده للثانيه يعني كلن حسب ظروفه صحته وبعد الاطفال ياثرون ان تشوفين طفلك ممكن معاه الحمل او لا انا حاليا تعبت مومثل حملي السابق كانت بنتي كبيره وشايله روحها اما الحين بنتي نووونو وتبي رعايه لكن انا افظل انه الطفل يكمل سنتين بعد يصير الحمل وربي يسر امورك ويكتب لك كل خير يارب

وهذا اللي فبالي ياعسل .......

red ro0ose;13530392:
بالنسبة افضل وقت للحمل

اذا كمل الطفل الاول3 سنوات

راح يكون كمل رضاعة سنتين

واخذ كفايته من الحب والاهتمام

وصار يعتمد على روحه في روحة الحمام والاكل وغيره من الامور

والام تكون اخذت فترة كافية للراحة وعوضت اللي فقدته من الحمل والرضاعة

واشتاقت ان يكون عندها طفل ثاني

غير اذا الطفل بعد صغير ومحتاج رضاعة ومعتمد على امه اعتماد كلي على امه

كلامك عين العقل....:thumbs_up:

hoobie;13532429:
:thumbs_up: انا كمان نفس الكلام ان شاء الله

ربي يوفقك

أم تـــــالا;13532718:
انا بنتي عمرها سنه وشهرين:062: وبصراحه لو ودي اجيب لها اخ او اخت بس لمن افكر
بالتعب اذا هي وحده وبسم الله عليها مجننتني :0100: وبس مطارد معاها:confused:
و كمان توها صغيرها اخاف اظلمها وما تاخذ حقها من اهتمام
وفيه ناس كمان تقول لك جيبي اثنين وراء بعض ويكبرو سوا شفت حمواتي زي كذا بس احسهم يتعبون:worn_out:
والحين مقتنعه بانه اذا صارت تعتمد ع نفسها باكلها وشربها وانتو بكرامه روحت الحمام كذا اكون مستعده اني
اجيب بيبي :063:
F:F:F:

نفس عمر بنتي,,,,,,,,,,,ربي يحفظها لك............وربي يوفقك انشالله

Mojarad Ontha;13533042:
انا متعقدة من الاطفال..وخاصة الولادة
وان شاء الله ربي مايكتب لي الحمل الا بعد 5 سنوااات
بصراحة ولدي متعبني سهر وقلة نوم وتوتر وقلق



تتوقعون معاي حق؟؟

صدق الولادة تخوف ................وكلنا نسهر ونتعب..........الله يقدم لنا الخير

حلو احسن بعد مايكمل سنتين تحملي بالثاني لان يكون الاول اخذ حقه من الرعايه والاهتمام والدلع ويكون قادر يخدم نفسه
والافضل انه لما يتعلم يروح الحمام لوحده

الوفا راس مالي;13533652:
حلو احسن بعد مايكمل سنتين تحملي بالثاني لان يكون الاول اخذ حقه من الرعايه والاهتمام والدلع ويكون قادر يخدم نفسه
والافضل انه لما يتعلم يروح الحمام لوحده

وانا معها :thumbs_up:

انا افضل الحمل بعد سنتين
يعني من سنتين لتلات سنين كويس اوي

انا بصراحه نفسي احمل لمن بندوري يكون عمره سنه وثلاثه شهور عشان يكون الفرق بينهم سنتين بالضبط بس اخاف انه ما اقدر عشان الجامعه ان شاء الله اللي فيه الخير ربنا يكتبه لي ..بس بصراحه حلو الفرق لمن يكون بين الطفلين سنتين او ثلاثه سنين..مشكوره حبيبتي على موضوعك وكان ودي اقييمك بس ميزانك رفض..

sweet lady84;13534040:
وانا معها :thumbs_up:

يسلمو

الوفا راس مالي;13533652:
حلو احسن بعد مايكمل سنتين تحملي بالثاني لان يكون الاول اخذ حقه من الرعايه والاهتمام والدلع ويكون قادر يخدم نفسه
والافضل انه لما يتعلم يروح الحمام لوحده

أكيد

*Om Mo3az*;13534077:
انا افضل الحمل بعد سنتين
يعني من سنتين لتلات سنين كويس اوي

صح ياقلبي

toom2008;13534246:
انا بصراحه نفسي احمل لمن بندوري يكون عمره سنه وثلاثه شهور عشان يكون الفرق بينهم سنتين بالضبط بس اخاف انه ما اقدر عشان الجامعه ان شاء الله اللي فيه الخير ربنا يكتبه لي ..بس بصراحه حلو الفرق لمن يكون بين الطفلين سنتين او ثلاثه سنين..مشكوره حبيبتي على موضوعك وكان ودي اقييمك بس ميزانك رفض..

ربي يوفقك ........انا كمان وراي جامعة

انا افكر انشالله اذا ربنا اراد احمل بعد مايكمل ولدي السنتين عشان مايكون بينهم فرق واجد

Mojarad Ontha;13533042:
انا متعقدة من الاطفال..وخاصة الولادة
وان شاء الله ربي مايكتب لي الحمل الا بعد 5 سنوااات
بصراحة ولدي متعبني سهر وقلة نوم وتوتر وقلق



تتوقعون معاي حق؟؟

معاش كل الحق :thumbs_up:

دام انش تشوفين ان طبيعه طفلش متعبه

ليش تهلكي جسمش وصحتش

أنتظري لين تحسي ان الوقت مناسب توكلي على الله واحملي

وكل أم أدرى بوضع طفلها :)

والله يكتب لش الحمل متى مابغيتي

رأيي في الموضوع

انسب وقت للحمل بعد إكمال الطفل 3 سنوات


وهالموضوع تحكمه عدة عوامل

أولها وأهمها : صحة الأم

يعني ليش الأم تهلك جسمها من أجل تقارب العمر الشديد جداً بين أولادها ويش الهدف من هذا؟؟
أصلا كيف بتقوم ليهم إذا جسمها تعبان كيف بتربي أولادها وصحتها مي كويسه
قول الرسول (ص) : " إن لبدنك عليك حقاً"
على الأقل تكمل رضاعة طفلها عشان صحته ويش تستفيد المرأه من كثرة عدد الأولاد وهي تعبانه مي قادرة تقوم ليهم وهم بعد صحتهم مو مره


ثانياً : طبيعة الطفل الأول

هل هو من النوع الحركي والمتعب ؟؟
كيف بتهتم بمولود صغير محتاج رعاية كاااااملة وأهتمام ومعاها طفل ماخذ كل وقتها
وهذا اللي صار معي للأسف بعد حملي بولدي وعندي بنوته متعبه للغايه وحركية جداً ومحتاجتني 24 ساعة عيني عليها
النتيجه اللي صارت ان حملي الثاني صار متعب جدا جداً للغاية وصارت عندي مشاكل بالحمل بسبة تقصيري في عنايتي بنفسي وغذائي
لدرجة اني اعاني من هالموضوع للحين وولدي للأسف صارت مناعته قليله وبسرعه يمرض لاني مااعتنيت به في فترة الحمل نهائياً
كان كل همي الشاغل كيف أعدل نومة بنتي قبل لاأولد وكيف أعلمها على الحمام بسرعه وفي رقم قياسي قبل لاأولد وكيف انقلها لغرفتها وكيف ..وكيف ..
ومليون حاجه كنت أبغى انسقها قبل ولادة ولدي وهذا ادى لتعبي جسدياً ونفسياً


ثالثاً: المكان اللي ساكنه فيه

إذا كان المكان شقه صغيرونة وين بزحم نفسي بالجهال وخصوصا لو كانوا بنت وولد محتاجين غرفتين منفصلتين أكيد بعد عمر معين ماتقدري تنيميهم مع بعض في نفس الغرفة


رابعاً : وضع الطفل من ناحية أعتماده على نفسه في الحمام تكرمي وفي الأكل والشرب واللبس وغيرها ..
في حالتي بنتي كانت صغيرونه وبالغصب علمتها على الحمام تكرمي لكن بالنسبة للبس والأكل لازم تحتاجني
وأصلاً أني مامداني أعودها على هالأمور لان حملي كان مفاجئ وماعامله حسابي على أي شيء


خامساً : عمر المرأة إذا كانت صغيرة تقدر تباعد بين أطفالها بحدود

أني ماأأيد الوقت الطويل مثل 8 لو 9 وأكثر !! لا
بالكثير بعد الطفل الأول تحديداً كحد أقصى 5 سنوات أكثر يصير مافي تكافؤ فكري بينهم بالمره
ولما يكون طفلين مع بعض يتربوا مع بعض بفرق عمري معقول بينهم حلو كذا يكونوا متفاهمين
لكن بعد الطفل الثاني أحس عادي لو طولت الأم فترة طويلة وأنجبت مولود جديد
لان في كلا الحالات مابيكون في تكافؤ بينه وبين اخوه الكبير



وفي أسباب واجد تحددها الأم والأب وبعدها يقدروا يتخذوا قرارهم بالإنجاب ولا لأ


ومن تجربتي أقول لك موضوع الحمل ورى بعض بفارق بسيط صعب فوق ماتتصوريه وخصوصاً فترة الحمل بالطفل الثاني مجهود جسدي ونفسي
لان تحاتي الوقت ولازم تضبطي طفلش الأول قبل مجيء أخوه وتحسي نفسش في صراع مع الزمن
وتوني بس اللحين اللهم لك الحمد والشكر أحس نفسي تحررت شوي لما دخلت بنوتي للروضة وفطمت ولدي فأحس الوضع اللحين بدأ يصير مستقر نوعاً ما
والغيرة حقت بنتي تجاه أخوها اللي من أول يوم عطته ضربة على الرأس هههههه خفت شوي الحمد لله بسبب انشغالها بالروضة وفرحتها بها


ولهذا انصح

الوحده ترتب أمورها أول مع طفلها الأول من كل النواحي وتتاكد أن معتمد على نفسه في كل شيء عشان ماتظلم طفلها وجسمها يكون ارتاح وولدها مايتعبها في فترة الحمل إلا إذا عندها أحد يساعدها هذا شيء ثاني


وفي النهاية ادعو ربي ان يحفظ لنا أطفالنا من كل شر ويخليهم لنا ويرزق كل محرومة يارب