وكاله عاااااااااااااااااااااااااااااااااااااااااااااااام ه

من حرصي اني ابلغكم بكل شي يستجد في موضوعي وأهل زوجي ..... اليوم على العشا كنت انا تعبانه وزوجي ظل يواسيني ويقرأ علي حسيت بنظافة قلبه وتندمت اني قلت لكم اني اكرهه وانه منافق وبلحظتها شد علي ايدي وطالعني بنظره تخنقها العبره ونظره فيها خوف انا انتبهت لها وحسيت اني نسيت ألمي وتعبي وانتبهت لها ... قال لي لا تخلين احد يفرقنا ... انا خذيت هالكلمه اللي قالها انها مجرد تقويه لعزيمتي وصبري بس بعدها قال ....... ترا بصراحه اهلي ....... قالها وهو متردد وما قالها الا بعد ما حلفته انه يتكلم واني ما ازعل قال الكلمه اللي حسيت عقبها كنه احد معطيني كف على وجهي قال (( يا بنت الناس ترا اهلي يبون يطلقوني منج باي طريقة بس انا راااااااااااااااافض ومابي اخسرج وبالذات خواتي )) انا هني تذكرت كلام كل وحده فيكم ردت علي احسه مر علي مثل الشريط قدام عيني ...... بس بجد ما توقعت يطلع من خواته وامه كل هذا !!! معقوله توصل للطلاق ؟؟؟؟ ليش انا وش سويت لهم عمري ما ظنيت فيهم هالظن ولا عمري ضريتهم بشي بالعكس كانت نيتي فيهم طيبه ليش يكرهوني ليش

اختي الحبيبه اول شي كل الشكر على دعواتك الطيبه ربي يتقبل منك ويرزقك كل الي تتمنينه يارب اختي الحبيبيه الحين لاتبحثين على اجابات حاولي انك تبنين حصن حوالينك انتي وريلك يكون من القران والدعاء والحب والثقه والحترام لريلك وثاني شي لاتسوين بهاذا الحصن نوافذ او ابواب الي اهي الاسئله والتفكير بالاسباب لان يا اختي ان فكرتي فيهم بتحاولين انك تلاقين اجابات مثل اول مره لما اتصلتي عليها وقطت عليك كلام خلتك تشكين بريلك وهني ربك ستر ماصار بينك وبين ريلك شي او انه انتي كبر عندك الشك والكره لاسمح الله وربي يسر امورك اختي الغاليه انتي اهم شي عندك انه ريلك الحمدالله زين معاك وطيب وخلي يفظفظ معاك ترى كل انسان اذا موكل الناس في بعض الناس يمرون بظروف وماضي مزعج ومرير مع اهلهم اذكر وايد مواضيع عن اخوات عن تعامل امهاتهم معاهم وكنا مانصدق ونصبرهم لان بعد مايصير ننصح بالقطيعه وكل كلمه نكتبه محسوبه علينا "مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ "

ربي ييسر لك امورك وريهدي اهل ريلك ويبعدهم عنك ويشغلهم بنفسهم

الله يعينك
شكل ام زوجك ماتحبك ويمكن تغار هي وبناتها منك
لاتتركين زوجك يسوي لهم وكاله مهما كان
وانتي اعرف بزوجك اذا هو طيب وحنون معك تمسكي فيه وحاولي تعوضينه عن اهله حتى مايؤثرون عليه
بخصوص انه يحكي فيك عند اهله يمكن لانه يبيهم يسكتون عنك ويحسسهم انه مايبيك مجرد كلام علشان مايضغطون عليه
وهو يتكلم فيهم عندك يمكن لانه طفشان من اسلوبهم ومو عارف وش يسوي
موقفه معك وصراحته لك لما قال اهلي يبون اطلقك يدل على انه يحبك وشاريك
يمكن شخصيته مو قوية
لكن خليك معه وحاولي تكون علاقته باهله رسمي سلام وزيارة على خفيف
عليك بالدعاء ان الله يسخره لك ويكفيك شر اهله
خبرينا شنو يصير معك

الله يعينكم عليها ويصبركم ..

أنا راايي من رااي الأخت الأمووومه ..
لا تكلموووونها ولا شي .. بكل بساااطه لا تسوووون لها وكاله عامه اذا كانت فعلا ب هالصفات ..

توني قريت ردج الأخير ..
حبيبتي انا مستغربه من شي .. اذا هم يكرهووونه مثل ما قلتي .. عيل ليش يبون يطلقونج منه ؟؟
هو تحكم والسلام يعني ؟؟
يعني اللي اعرفه .. اذا أخت ما تحب اخوها مثلا .. ما بتهتم هو متزوج منو ولا بيطلق منو .. ؟
ما اعرف .. أحس في حلقه ضايعه في الموضوع ..
يمكن اتكونين انتي حساسه زيادة عن اللزوم ..
ع العموم الله يهون عليج .. وايسسر كل اموركم ..

السلام عليكم ورحمة الله ...... اختي ريوم uae اول شي اشكرج على ردج ونصيحتج لي وبخصوص سؤالج عن سبب ليش يبون يطلقونه وهم مو مهتمين فيه ؟ انا راح افك لج لغز الحلقه الضايعه ..... السبب ان هم بالاول ما كانو يبونه يتزوج لأنهم كانو ياخذون ما يتبقى من راتبه ويحسبون قعدته ومأكله و مشربه واقامته عندهم بالبيت كانو ياخذون ثمن هالشي منه وهو كان يعطي علشان يرتاح لانه اذا شهر ما عطاهم تقوم القيامه عليه .... وعلى فكره هم مو محتاجين فلوس وامه موظفه وراتبها اضعاف راتب زوجي واخواته موظفات وهم رواتبهم اضعاف راتب زوجي ووالده ايضا لكن الطمع والعياذ بالله منه ..... والحين بعد ما تزوج لأنه اخذ التقاعد ومعروف انه اللي ياخذ تقاعد تطلع بأسمه رخص واجازات لعمل محلات وعدة مميزات وبعد التقاعد راتبه صار شوي احسن لأني اول ما تزوجنا اخذته للبنك وضبطت له راتبه بعد ما كان ما يبقى منه شي بسبب القروض لذلك هم الحين يبونه يطلق علشان ياخذون منه كل شي هم راضين انه يقيم عندهم بالبيت مو لوجه الله لااااااا علشان ياخذون اللي وراه واللي قدامه وبعد ما يخلونه على الحديده يقولون له يلا يا بابا امسك الباب ولا عاد نشوفك عاد هو بعدين يسكن سكن عزاب او يسكن حتى بالشارع ما همهم ..... وهذي الحلقه الضايعه لقيتها لج !!!!

وينكم يا اخواتي

حبيبتي الله يكون في عونك
والبنات
اعطوك نصايح حلوة
الله يجزهم كل خير
حاولوا تبتعدوا عنهم قدر الامكان
بس لا تقطعوهم
وطبعا وصي زوجك مايعمل لامه وكالة عامة ابدا
والله يسعدكم ويديم المحبة بينكم
ويكفيكم شر الاشرار

اووووف قويه ام زوجك

يختي ليش الانانيه بالهناس تبي كل شئ لها
عاشت دنياها ودنيا غيرها
بس صدقيني الحل بيد زوجك
لازم تعبي راسه وتقووويه عليها شووي انا ماقول خليه عاق لكن لابد توقفي على رااسه وتعطيه من ذاااك ومن ذاااك
هو اهم شئ بالموضوع الوكااله انتبهي منهاااا:-#
وبعدين يقول لها افتح لك محل بالمقابل تتنازلي عن اي شئ تملكيه لي حالياا
والله ينصرررررك عليها:thumbs_up::thumbs_up:

الله يعيتك واتا مع راي الأخوات لا تحتكي فيهم

كلميها هاذي وشوفي شو موضوعهااااا........................
وما عليج الا بالدعاء
ان الله يحنن قلبها عليكم

الله يكون بعوونج
لا تعطونها الوكااله نهائيا لانه السالفه موب سهله مثل مااهي تتوقع

الله يسهل عليك ويفرررررج همك

اللهم صلي على محمد وال محمد ........

اختي الله يسهل عليكم الأمور...ويكفيكم شر الناس ...

اختي لاتتوترين ولا تنفعلين والجئي الى الله سبحانه وتعالى ...لان زوجك وانتي مظلومين والله سبحانه مايرضى بالظلم ويعجل استجابة دعاء المظلموين .........

قعدي انتي وزوجك وفكروا بروية بالحلول ..........

منها:

قوي علاقتك بزوجك ...فهو يحتاجك جداااااااااا...لقد عاش طفولة قاسيه عوضيه بكل انواع الدلال والحنان ... لانه بالفعل زوج رائع يتمسك بزوجته في اشد الظروف ....

احسني الظن بزوجك دوما واحملي افعاله على الخير ولا تدعي الشكوك تخرب علاقتكم ...لان الشك من الشيطان فلا تبني على الشكوك بل على الاخبار اليقينية ...
تعاملي مع اهل زوجك بحذر وليس بطيبة .........لابأس من الاحترام والتعامل بالاخلاق لكن يفضل تقليل الزيارات الى الضرورية فقط .

والوكالة انسوهااااااا ما يحق لانسان ان يتحكم في حياة انسان اخر حتى لو كان امه وابيه .......والشرع ما يجوز ذلك الا اذا كان برضا الولد ...الرضا الحقيقي وليس تحت الضغوط .

واذا مارسوا الضغوط عليكم تحملوا مردهم بيملون في النهاية اهم شي انكم تكونوا على حق ولا تخافوا الله بينصركم وبيرزقكم الخير الكثير ان شاء الله ...

:thumbs_up::L:

ايشبها هادي بس غريبه
اسمعي لايخطر على بالكم ابدا الشي هادي اصحك تسوولها وكاله عامه ابدا انسو الموضوع ناويه على خبركم هادي مافي ام تقسى على ولدها كدا الا اذا كانت محرشه خليك مصارمين معاهم لما تتقاعد خليها تسوي اللي تبغاه من فلوسها اساسا ماهي محتاجه دام انها تشتغل
انسو الموضوع بس

:o

هلا اختي

اهل زوجك يغارون منك ومسويين لك خطه علشان يستفزوكي وتروحي تتدخلين بينهم او انهم يضغطون على زوجك ويعطيهم الوكاله العامه وبالتالي انتي تزعلين من زوجك وتصير مشاكل وبعدها يصيرون يعبون في عقله انه يطلقك ..

ديري بالك الله باليني في الي باليكي فيه والله يبعد شر هالحمايات عننا