@قنوت@;14235037:مرحبا بنات الله يسهل عليكم ويرزق المنتظرين
حبيت استشيركم بيت الطفل نقدر نستخدمة في الصيف أو بس الشتاء وهل اهو عملي او الفراش أفضل؟؟
هاي من تجهيزات وحدة من العضوات وين أقدر ألاقي مثلة في البحرين مال سنتر بوينت ما عجبوني
تسلمووون
@قنوت@;14235037:مرحبا بنات الله يسهل عليكم ويرزق المنتظرين
حبيت استشيركم بيت الطفل نقدر نستخدمة في الصيف أو بس الشتاء وهل اهو عملي او الفراش أفضل؟؟
هاي من تجهيزات وحدة من العضوات وين أقدر ألاقي مثلة في البحرين مال سنتر بوينت ما عجبوني
تسلمووون
نمله لابسه برقع;14236401:
سلام عليكم
بنات بغيت اسئلكم
وين احصل دميه هالو كاتي
حق ستاند بغيتها؟؟
الي شافت بليز تخبرني
سُكر زيادة;14239132:
بالنسبه للمعقمه ..اني اشوف اختي تغلي المراضعين او تغلي ماي وتصبه عليهم
المعقمه احسن يعني من هذي الطريقه ؟؟
@قنوت@;14237586:بنات من عندها صور شغل محل رويال بيبي وبيبي ايف تنزلهم نشوفهم
وشلون أسعارهم؟؟
عبيرالنرجس;14231586:
بصراحه انا استخدم زيت rok واجد زين بدت تطلع لي لخطوط من شهر الرابع وقلت لدكتوره وصفته لي ما شاء الله حتى الخط البني الي يطلع في بطن فيني خفيف نفس ما طلع اول شي ما يبين بعد من بعيد صدق غالي شوي ب 13 دينار وتعبنه واحنا الندوره بس حصلناه في صيدليه جعفر = رويان شارع لبديع وللحين عندي فيها شوي باخذي لي وحده ثانيه بعد :thumbs_up:
أنا الشوق;14233894:
أنا كنت استخدم بايو أويل
تحصلينه عند صيدلية بوتس في الستي والسيف، الحجم الصغير ب5 وشوي والعود ب10 ونص أعتقد
خذت العود من أول الحمل وتوه مخلص من اسبوعين
بس عاد انا مادامت عليه مرتين يوميا :o
والحين استخدم كريم أفالون للتشققات
هو معصاره حجمها متوسط وسعره 4 دينار
بس أحسه مايكفي الا حق اسبوعين ماكسمم اذا تستخدمينه بشكل يومي
وبنجوف اذا خلص بعد شبنستعمل
أفكر بزبدة الشيا :study:
محد يسوى;14233485:
بيبي بورن 17555668
النجم الجميل 17644564
اشراقة رضيع 17263079
ريام 17740041
حورية انسية;14240870:
اي افضل اختي حسيتي في النتيجة
افالون او بايو اويل ؟
حورية انسية;14240950:
تالي رحت محل النجم الجميل : في مفارش عجيبة والوانها
زاهية وخصوصا للي تدور بيت الطفل عندهم اشكال عجيبة
واسعارهم تمام ..
..
حبيبته ♥;14237406:
ينات أنا محتارة وايد في التوزيعات
مادري شسوي
من ألحين وقاعدة أفكر
وفي الستاند وهالسوالف بعد!
وفراشات سديم كم يبي لهم حتى يجهزون؟
جنه الشيخة سوت عندهم ؟
ياليت تراوينا جزء من شغلهم
أبي أروح لهم بس مو لاقية وقت مناسب ..
أنا قلت بسوي 4 فراشات وباخذ اثنين حق البيت
بسوي في رويال بيبي
وسديم
وريام
وبيبي ايف
هذول لزوم الكشخة
والثنين الباقين باخذهم جاهزين
من اشراقة رضيع و عند وحدة من التاجرات في النت ؟
قولكم أوكي وإلا تحسونه وايد ؟
امممم
بعد مادري
وايد اشياء علي ماسويتها
ولا شريت
واحس نفسي كثرت من ثياب البيبي يورن
جان ما يطيحون في جبدي
وخاطري اتشرى ثياب حق سنة
بس الكل يقول لي لا تاخذين لأن ماتعرفين مقاس البيبي عدل
بس أغراض اليهاال وثيابهم لا تقاوم
VIP Lady;14238246:
بنات
المعقمة تحسونها مهمة واايد !!
أنا للحين ما شريتها وأفكر هل هي وايد مهمة أو لا ؟؟
خصوصا اني ما أبي أعود ولدي على الصناعي واايد
حورية انسية;14240950:
بخبركم عن تجربتي ويه محلات مفارش البيبي
عشان تستفيدون .
هاذه اول مولود وماكان عندي خبرة ابدا في المحلات
شسويت ؟ قمت رحت معظم المحلات الي البنات
مدحو شغلهم وهاذه ملخص عن كل محل رحته .
المحلات الي في سوق واقف : كانوا اول المحلات
الي رحتها وجاني احباط لان المفارش كلش ماعجبتي
وماحصلت سلة كشخة ولاشي باختصار عجبني . :thumbs_down:
محل اشراقة رضيع : تعبت على ما حصلت المحل
لكن كان يستاهل التعب وارتاحت نفسيتي شوي
يوم شفت نوعية المفارش والشغل عجبني لان كنت
احاتي من عقب صدمة سوق واقف! شغلهم مرتب
وحلو .:adore:
ورحت محل ريام الي صوب صيدلية ناصر : مفارشهم
ناعمة وفيه تطريزات بسيطة بس حلوة لكن اسعارهم
واجد غالية :$: احسها يعني الشنطة بروحها بـ 30 او 35
والمفرش بـ 35 بعد ! وبدون بساط
تالي رحت محل النجم الجميل : في مفارش عجيبة والوانها
زاهية وخصوصا للي تدور بيت الطفل عندهم اشكال عجيبة
واسعارهم تمام ..
اما محل فرحة ام فكنت متشجعة اروح من زود ما يمدحونه
البنات : ويوم رحت شفت الاشياء كلش عادية واقل من عادية
وماعجبني شي بالمقارنة مع المحلات الباقي .
محل الرياحين الصغيرة : كانت مفارشهم مخمل وعندهم عادية
والنوعيتين ماعجبوني ، حسيت ان الشنط تصميمهم مو داك
الزود . واسعارهم اقل من ال، 30 للمفرش والشنطة .
محل بيبي بورن : عجبني شغلهم من الألف للياء من المفرش
والشنطة والجلابية والسلات عجيبة وعندهم كتالوج تقدرين تشوفينه وتختارين
الي تبينه ويسوونه ، واسعارهم بعد تمام .
في النهاية قررت آخذ مفرش من بيبي بورن بالشنطة والبساط وقماط
واحتمال السلة بعد .
والمفرش الثاني متحيرة حدي آخده من النجم الجميل او اشراقه رضيع
لان شغل المحلين عاجبيني ثنينهم !
وان شاء الله تستفيدون من تجربتي ..
