هلي حارميني من اغلى انسان عندي ساعدوني

اقول لك شي وتصدقيني!!

ياليت أهلك يوافقون على خطوبتكم وبتعرفين اشلون هم على حق انهم مايبونك اتزوجينه وهو ماعنده شهاده وفقير

اللي اقصده بكلامي انك بروحك بتكتشفين انه مايصلح لك من المعاشره وانا مااقصد المعاشره الزوجيه

اللي اقصده انه مب موفر لك شي انتِ تبينه ومحتاجه له والنتيجه الطبيعيه ان الحب بيروح بيخلص 00بح

والله ان اهلك يموتون عليك ويبون مصلحتك وانتِ الله يهديك

حبيبتي أقول لج شي .... خذيها مني أنا جامعية وراح أكمل ماستر قريب وزوجي موظف وشغلته زينه لكن ما عنده شهادة ثانوية للأسف صح انه قاعد يقدم منازل بس بيني وبين نفسي يعورني قلبي احس انا وين واهو وين ما اقول لج ما احبه اهو زوجي جنتي وناري لكن مدري شوصف لج احسه اقل مني وكلش احساس مو حلو ان الريال اقل من المرة فاهلج حبيبتي يبون لج الخير وتوج صغيرة واذا يبيج وشاريج خله يكمل دراسته الحب مو كلمة الحب أفعال ومواقف وهي اول موقف ..

يا سبحان الله .. يا اختي ..

انتي فعلا مب حاسه بعمرج وانتي تتكلمين لان كل كلامج . مبني على عاطفه .. ورده فعل قويه... يا اختي . انا متأكده ان هالشخص معاج بالجامعة .. وماخذتج.. دوامه الحب وغيره ..
لكن حاولي تعزلين مشاعرج شوي ... ولو اصف لج قصص واقعيه صارت جدامي .. بتقتنعين أسمحي لي ..اقولج كم قصه..

(أنسانه قريبه مني ) تدرس ماجستير .. ومعاها بالعمل انسان موظف عنده ثانويه ,, وهي اعلى منه منصب .. كان في اعجاب بينهم.. وتقدم لها .. اهلها رفضوا على اسس وايد.. لان هم يعرفون ان بنتهم عايشه مرتاحه وهو ما يقدر يوفر لها ابسط حقوق الراحه الزوجيه... يعني لازم يعتمد على راتبها !! وهم يبونها ترتاح مو تشقى ..

قامت الدنيا وقعدت ... والبنت خاصمت اهلها ... وعلاقتها كانت سيئه معاهم لمده 3 سنوات بعد فتره انتقلت لعمل ثاني وماعادت تعرف شي عن هالريال .. بعدها صديقتها اتصلت لها من نفس العمل السابق.. وقالت لها ان هالريال تزوج.. بس طلع ان كل مشاكل مع مرته .. واكتشفو ان يشرب ويروح ديسكو... !! والحرمه تعبانه معاه...

البنت هذي تحسفت على كل يوم عاملت اهلها بالاساءه .. عشان ريال كان ممكن يعيشها في دمار... يا ختي الي ما في خير في اهله ما فيه خير بالناس.. والاهل صدقيني دايما احساسهم وشعورهم صح.. الفقر مب عيب لو كان شايل عمره بس الواحد هم يحسبها صح..


عندي صديقه ثانيه .. تزوجت واحد بعد مب مكمل تعليمه... ويكمل تعليمه الحين منازل... ويشتغل براتب ضعيف جدا وعايشين ببيت اجار .. وهي ما حصلت وظيفه تشتغل اعمال يدويه عشان ياله تشيل البيت ... وكل يوم هواش مع زوجها .. علشان الفلوس والراتب .. ومقصر عليها في اشياء وايد .. مع ان عندها اخوان ... كلهم شهادات ومتزوجين احسن زواجات .. بمافيهم اختها ... والحب ( الي تكلمين عنه )) نط من الدريشه.. وقاعده .. كل يوم والثاني تقولي ابي اتطلق..


ليش ما تفكرين فيها جذي .. لو يحبج صج .. اول شي لازم ترضون رب العلامين .. هالعلاقه الي بينكم محرمه اختي وعمره ربج ما ببارك لكم فيها .. لانكم تسوونها من ورا اهلكم ولا في شي اسمها علاقه شريفه او علاقه.. بغرض الزواج.. صدقيني ربج يطرح البركه .. في الشي الي يصير جدام الاهل وبرضا الوالدين ,,,, لا تنسين فضل اهلج عليج عشان واحد حبيته شهر او شهرين او سنه او سنتين .. وهم الي احترق يوفهم علشان يربونج.... كلنا عشان فتره طيش وكرهنا اهالينا .. وكا احنا تزوجنا ولله الحمد والمنه وصار عندنا عيال .. ونشوف نفسنا لا شعوريا نبي الاحسن والافضل ...


يا اختي .. بدل ما كنت تهتمين بدراستج .. وتركزين عليها .. قاعده تضيعين وقتج... بعلاقه .. تهدرين فيها ثقت اهلج ,, وكرامتج.. رفعتج بدراستج وشغلج.. ولو كان الريال .. مقتدر ان يعيشج ويشتغل شغله زينه .. كان ممكن اهلج يتطمنون عليج ..

وبعدين خلي يكون نفسه عدل ويحاول يأمن مستقبله .. مو تكتفين بحجره بحمام ( كرم السامع ) وتقولين بعيش معاه في عشه .. اختي ( العشه ما توكل عيش في البحرين في هالغلاء ) وحتى غلاء المعيشه او علاوه السكن ما بتحصلينها الا بعد خمس سنوات من زواجكم .. ووراج ياهل .. اكيد تبين احسن اللبس .. واحسن الاكل والمدارسه...

فكري بالموضوع عدل ولا تخلين العناد يسيطر عليج..

تحياتي

ام جنى

اكثري من استغفار وقيام الليل والدعاء

وادعي ربك اذا كان خير لك في دينك ودنيتك واخرتك يسهل امركم واذا كان شر لك يبعده عنك انتي ما تعرفين وين خيرك وهل هو خير لك اول لا انتي الحين تحسين تحبينه ولا تريدين غيره بس ما تعرفين هل هو خير لك او لا

وان شاء الله ربك يكتب لك الي فيه الخير

اختي ..مع احترامي لج ... الواحد بدون دراسته ما يقدر يعيش ...

خليه يكمل دراسته ... وانشاءالله ايي يخطبج ...

خليه يتفق مع اهلج انه عقب الدراسة اتعرسووون ...

هلج ما وافقو لانه يبون مصلحتج ما اظن انهم يكرهووونج .....

والله يوفقج ..

الله يعينج ..

Noor1979;13500819:
يا سبحان الله .. يا اختي ..

انتي فعلا مب حاسه بعمرج وانتي تتكلمين لان كل كلامج . مبني على عاطفه .. ورده فعل قويه... يا اختي . انا متأكده ان هالشخص معاج بالجامعة .. وماخذتج.. دوامه الحب وغيره ..
لكن حاولي تعزلين مشاعرج شوي ... ولو اصف لج قصص واقعيه صارت جدامي .. بتقتنعين أسمحي لي ..اقولج كم قصه..

(أنسانه قريبه مني ) تدرس ماجستير .. ومعاها بالعمل انسان موظف عنده ثانويه ,, وهي اعلى منه منصب .. كان في اعجاب بينهم.. وتقدم لها .. اهلها رفضوا على اسس وايد.. لان هم يعرفون ان بنتهم عايشه مرتاحه وهو ما يقدر يوفر لها ابسط حقوق الراحه الزوجيه... يعني لازم يعتمد على راتبها !! وهم يبونها ترتاح مو تشقى ..

قامت الدنيا وقعدت ... والبنت خاصمت اهلها ... وعلاقتها كانت سيئه معاهم لمده 3 سنوات بعد فتره انتقلت لعمل ثاني وماعادت تعرف شي عن هالريال .. بعدها صديقتها اتصلت لها من نفس العمل السابق.. وقالت لها ان هالريال تزوج.. بس طلع ان كل مشاكل مع مرته .. واكتشفو ان يشرب ويروح ديسكو... !! والحرمه تعبانه معاه...

البنت هذي تحسفت على كل يوم عاملت اهلها بالاساءه .. عشان ريال كان ممكن يعيشها في دمار... يا ختي الي ما في خير في اهله ما فيه خير بالناس.. والاهل صدقيني دايما احساسهم وشعورهم صح.. الفقر مب عيب لو كان شايل عمره بس الواحد هم يحسبها صح..


عندي صديقه ثانيه .. تزوجت واحد بعد مب مكمل تعليمه... ويكمل تعليمه الحين منازل... ويشتغل براتب ضعيف جدا وعايشين ببيت اجار .. وهي ما حصلت وظيفه تشتغل اعمال يدويه عشان ياله تشيل البيت ... وكل يوم هواش مع زوجها .. علشان الفلوس والراتب .. ومقصر عليها في اشياء وايد .. مع ان عندها اخوان ... كلهم شهادات ومتزوجين احسن زواجات .. بمافيهم اختها ... والحب ( الي تكلمين عنه )) نط من الدريشه.. وقاعده .. كل يوم والثاني تقولي ابي اتطلق..


ليش ما تفكرين فيها جذي .. لو يحبج صج .. اول شي لازم ترضون رب العلامين .. هالعلاقه الي بينكم محرمه اختي وعمره ربج ما ببارك لكم فيها .. لانكم تسوونها من ورا اهلكم ولا في شي اسمها علاقه شريفه او علاقه.. بغرض الزواج.. صدقيني ربج يطرح البركه .. في الشي الي يصير جدام الاهل وبرضا الوالدين ,,,, لا تنسين فضل اهلج عليج عشان واحد حبيته شهر او شهرين او سنه او سنتين .. وهم الي احترق يوفهم علشان يربونج.... كلنا عشان فتره طيش وكرهنا اهالينا .. وكا احنا تزوجنا ولله الحمد والمنه وصار عندنا عيال .. ونشوف نفسنا لا شعوريا نبي الاحسن والافضل ...


يا اختي .. بدل ما كنت تهتمين بدراستج .. وتركزين عليها .. قاعده تضيعين وقتج... بعلاقه .. تهدرين فيها ثقت اهلج ,, وكرامتج.. رفعتج بدراستج وشغلج.. ولو كان الريال .. مقتدر ان يعيشج ويشتغل شغله زينه .. كان ممكن اهلج يتطمنون عليج ..

وبعدين خلي يكون نفسه عدل ويحاول يأمن مستقبله .. مو تكتفين بحجره بحمام ( كرم السامع ) وتقولين بعيش معاه في عشه .. اختي ( العشه ما توكل عيش في البحرين في هالغلاء ) وحتى غلاء المعيشه او علاوه السكن ما بتحصلينها الا بعد خمس سنوات من زواجكم .. ووراج ياهل .. اكيد تبين احسن اللبس .. واحسن الاكل والمدارسه...

فكري بالموضوع عدل ولا تخلين العناد يسيطر عليج..

تحياتي

ام جنى

:thumbs_up: ; كلامج عين العقل اتمنى الاخت تفكر ولو ان سكرة الحب ماخذتهاا

اذا لك نصيب فيه راح تاخذيه

سمعي حبيبتي والسموحة منج انتي مراهقة بعدج صغيرة .الريال يباج خلية يسعى وبعد يكمل دراستة باجر انت بتندمين يوم تحسين بالفرق بالمستوى المعيشة ومستوى الرفاهية.اهلج عارفين الدنيا وشوة فيها بس ما قادرين يوصلون المعلومة حقج.استهدي بالله وفوضي امرج لله.كلنا مرينى بمثل هذي الامور وبعد فوات الاوان تمنينى لو اي شخص مد يدة وقدم النصيحة.الصبر

اختي ام جني كلامها منطقي .تعلمي من تجاربهم بالدنيا.كل مرة اقر ا كلامها كلة حكم ودرر. اتمنى لو لي اخت مثلها. ربي يعطيها العافية .اغلب الاخوات ما عليهن كلام ,بس كلام ام جني يريحنى .خذي النصيحة من الاكبر منج

الصرآحه لا تلومين اهلج ..
انتي ليحين ما حكتج الحياه ..

الدراسه فعلا مهمه .. ومهمه جداً ..!
بما يترتب عليها من ثقافه .. عقل متفتح .. الأجر الكثير .. بالإضافه إلى الراتب الميسور ..
.
.
ويمكن انتي بعد ما كملتي دراستج ..
اذا شاريج بيسوي الا اهلج طلبوه وبيب لج مهرج (شهادته) ..
وما تدرين لي عقب سنتين لما يقطع المشوار من دراسته ويرد يتقدم لج
اهلج يوافقون لانه شافو إرادته في إكمال دراسته ..

الله يوفقج لما فيه الخير والصلاح ..
ونصيحه .. خلج دايما في صف اهلج حتى لو كنتي تختلفين في الرأي .. من ناحيه الإحترام وتبادل الأراء
لانه في النهايه اهمه يدورون مصلحتج .. انتي في هالحاله ما بتعرفين تفكرين بشكل منطقي وعقلاني ..
.
.
الله يوفقج ..~

الله يعينج تيب واذا مو مكمل دراسته وحالته الماديه مو وايد ما يزوجونه اهم شي اخلاقه ودينه والله ماادري ساعات الاهل كيف يفكرون احس ساعات مايفكرون بسعاده اولادهم

الأخوات ماقصروا معاك بالردود


اتمنى منك ان تأخذي ردودهن بعين الاعتبار ولا تنجرفي وراء تيارات الحب الكاذبه


سيأتي يوم تندمين وتعلمين ان اهلم على حق


أفيقي لنفسك وكوني عااااااقله الزواج اكبر من تفكيرك تماما"


لك ودي واسأل الله لك التوفيق

هلا اختي انا اهلي مثل اهلك .. احب ولد خالتي وهو يحبني بس ماعمرنا تكلمنا مع بعض بس من العيون نعرف ومن التصرفات يعني .. اموووت بشي اسمه محمد ومومكمل دراسه

وابوي واخواني كلهههههم دكاترة خمسه اخوانكلهم دكاتره ماشاء الله المهم ويوم جا يتقدم ابوي واخخواني مارضوا قالوله انت مو متعلم ..

وامي ماكانت متفهمه ابددد رحت انا صرت مثلك واااايد مهلوكة وتعبانه واحس نفسي عندي هبوط وكل ما اتذكر حركاته وتصرفاته وانا مابعيش معاه ابكييييييييييييييييييييييي واموووت بعد كل يوم كنتتت امووووت مية مرة بس لجئت لله واستعنت فيه صليت وصليت ليل بنهار لسا انتي اهلك يقولون له تعلم وارجع انا رفضوه تمااااما
بس هو قال لاهله كمان مرة اتقدم ومارضي ابوي بعدين قال لاهله الحين بيرضون ومارضي ابوي كمان مرة بعدين قال لاهله خلاااص اخر مرة لاكن امه والي هي خالتي ما وافقت قالتلالالا يمكن اتطرد 3 مرات صار هو يتقدم لي لحاله وجلسنا نحب بعض بشكل حلال يعني ولامرة تكلمنا مع بعض من سن14وهو كان عمره 18 يعني بزارين بس راح قدم ثانويه ونجح فيها بجداره وقعدت انتظرة يدرس لين صار عمري 16 وهو صار 20 وتوه ماخلص وتقدملي وخطبت في سن 16 و4 شهور والحين عمري 19 وعمره 22 ومتزوجين بعض وانجبنا ثمرة حبنا بنت

والحمد لله للحين نموت في بعضضض

المهم الي ابيك تفهمينه اذا هو يحبك ججددد خليه يكمل دراسه .. فاهمه موقفك ماتبين تقولينله كمل يبعد عنك ويياس لاكن الي يحب بصدق يا حياتي مايياس ويسوي المستحيل عشان ياخذك
وادعي دااائما وقولي يارب ان كان لي فه خير ترزقني اياه وان ما كان فيه خير تبعده عني وابعدي غضب اللله عنك دائما ارضيه

وانشاء الله يكون نصيبك

أم سلمى2007;13503631:

الله يهديك وينور بصيرتك

ويساعدك لتفيقى من من غيبوبة هذا العشق

المحرم

أختى الكريمة

حبيبتى إنتى تعرفى هم مين الاهل اللى مش

بيحبوا عيالهم

رأيتيهم ....عاشرتيهم

هل لان اهلك رفضوا شخص تقدم لك تتهمينهم

بانهم يكرهونك ولماذا رفضوه؟؟؟

رفضوا تفكيرا فى مصلحتك

انتى الآن فى مرحلة مشاعرك فيها غير مستقرة

يا أختى هذه المرحلة اليوم تحبين فلانة

وغدا تتضايقين منها وتنفرين منها

أختى الكريمة

صدقينى هذا الشخص لا يناسبك بالمرة

وسيظل فقيرا لان هذه هى قناعته

العيب ليس فى فقره

ولكن العيب فى قناعاته

يا اختى لو كان هو شخص حقا مؤهل لتحمل

المسئولية كان قدر حياته جيدا وعلم انه فى

فقره وعدم وجود من يقف بجانبه ويسانده

لن يجد أفضل من التعليم مساندا له ورفيقا حتى

يحقق النجاح فى الحياة

اتعلمين ان الرسول صلى الله عليه وسلم كان

يستعيذ من الفقر لأن يعد من اشد الفتن فى الدنيا

وسيدنا على (كرم الله وجهه) كان يقول: لو كان

الفقر رجلا لقتلته

فكيف بك من اكرم الخلق وافضلهم يستعيذون من

الفقر ويدعون الله ان يكفيهم شره وانتى تريدين أن

تلقى نفسك فى براثنه

معتقدة أن بحبكما ستصمدان وتحققان النجاح

يا أختى هذا الشاب غير طموح وصدقينى لو وافق

أهلك عليه لن يكمل دراسته ولن يحقق النجاح فى

حياته العملية لأن الإنسان إن لم يكن دافعه للنجاح

من داخله فإنه سيفشل فى تحقيق النجاح بهذا

الدافع الخارجى

لان الإنسان تمر عليه فترات إحباط ويأس فتخيلى لو

لم يكن دافعه للعمل والدراسة داخلى من

نفسه هل سيستمر ...لا والف لا

عندها سيترك الجمل بما حمل ويضيع كل سنوات

وقوفك بجانبه

ومن جهة اخرى مشاعرك تلك هى مشاعر مؤقتة

ووالله هذا ليس بكلامى بل بكلام علماء ودراسات

ضخمة اجريت على ألوف البشر

ألا تسمعين كثيرا ان أول أيام الخطبة وأول أيام

الزواج تكون الرومانسية فى قمتها وبعد ذلك

تشتكى المرأة من رتابة حياتها وتغير زوجها وربما

هى أيضا تشتكى من ان مشاعرها الاولى إتجاه

زوجهها ولهفتها على حضوره قلت كثيرا

وغير ذلك

أتعلمين السبب

السبب أن الهرمون الاول هو هرمون العشق والذى

له مدة معينة فقط اقصى مدة لبقائه هى خمس

سنوات وخلال هذه المدة يقل يقل حتى يختفى

تماما بعدها يختفى تماما

وهذا الهرمون يشبه المخدرات تماما

يشعر الشخص بالنشوة عندما يكون فى قمته

ولكن بعد قرب إنتهاء مفعوله ترين الحقيقة امامك

من الم شديد ومعاناة

لأن الحقيقة التى كانت ظاهرة منذ البداية للجميع

بدأت اخيرا تتكشف لك

انت التى كنتى مغشاه عنها

بفعل هذا الهرمون السىء

اتعلمين ان هذا الهرمون هو عقاب من الله لكل من

يخالف أوامره فى إتباع شرعه فى العلاقة بين

الرجل والمرأة

الله وضع لنا قواعد للعلاقة بين الرجل والمرأة

ولم يبح العالقة بينهما إلا بالزواج وبدون مخالفات

شرعية فإن خالفتى ذلك

أعطيتى لهذا الهرمون الإذن بالعمل ليكون سببا فى

عقابك فى الدنيا قبل الأخرة يزيد الهرمون فى إخفاء

حقيقة من أمامك وإظهاره فى افضل واحلى صورة

ممكنة حتى تعيشى احلى اللحظات الزائفة

وعندما تزل قدمك بحيث لا يمكنك التراجع ابدا وإنقاذ

نفسك من الألم تنكشف الحقيقة وتحتفى تلك

المشاعر المخدرة لك وتظهر لك عيوب الطرف

الاخر جلية جدا وتقولين كيف لم أعرفها كيف لم

اراها وهى كانت واضحة وضوح الشمس

فتتعذبين وتظلين تعانين من نتائج هذه المخالفة

لأوامر الله

لذا عندما ذكر الله العلاقة الشرعية بين الرجل والمرأة لم يقل الحب أو العشق

ولكن قال (وجعل بينكم مودة ورحمة )

لان هذه المودة والرحمة هى التى تناسب إستقرار الحياة الزوجية

والضغوط اليومية التى يمر بها الزوجان

والمسئوليات والواجبات الملقاة على عاتقهما

اختى الكريمة

الآن نصيحتى لك

ان تذهبى وتصالحى أهلك وتطلبى رضاهم عنك

فهم جنتك ونارك الآن مادمتى غير متزوجة

ثانيا إقطعى كلامك مع هذا الشاب لوجه الله وحده

وإعلمى أن من ترك شيئا لله ابدله الله خيرا منه

وقولى له فى اخر مكالمة بينكما

إن اردت حقا الزواج منى أكمل تعليمك وحقق

النجاح فى حياتك ثم تقدم لخطبتى

وعندها ستجدنى منتظرة لك

لأنى لن أخالف أهلى وأقاطعهم لأجل شخص حتى

لم يحب نفسه بالقدر الذى يدفعه ليحقق لنفسه

الراحة والسعادة فى الدنيا بدفع الفقر

عنه بالعمل والإجتهاد

وبعدها إقطعى أى وسيلة إتصال بينكما

وصلى دائما إستخارة

فى موضوع زواجك منه

واطلبى من الله العون وأن يرضيكى بما فيه الخير

لك

وضعى هذه الآية أمام عينيك دائما

(وعسى أن تكرهوا شيئا وهو خير لك وعسى أن تحبوا شيئا وهو شر لكم والله يعلم وانتم لا تعلمون[SIZE=5][COLOR=blue])[/COLOR][/SIZE]

وركزى فى دراستك ولا تجعلى هذا الموضوع

يدفعك للفشل فيكون هذا الحب المزعوم بدلا من

ان يدفعك للنجاح يدفعك للفشل

فكرى بعقلك قليلا

وستجدين الحقيقة جلية امامك

ربنا ينور بصيرك للحق

أختك فى الله أم سلمى

اهلك يبون مصلحتك