ازالة ترسبات وكلس الحنفيات ؟؟؟

a

alsabera

عروس مشاركة

25-10-2010 | 05:19 PM

السلام عليكم

عندي استفسار حول طرق ازالة ترسبات وكلس الحنفيات ( في الحمام) ..؟؟

D

Daisy Ash

مشرفة سابقة

27-10-2010 | 04:51 AM

و عليكم السلام و رحمة الله و بركاته...

جربي الخل عزيزتي لأنه فعّال في كل شي!

جيبي فوطة مطبخ أو مناديل المطبخ النوع المتين و بلليها بالخل و لفيها حول الحنفية و اتركيها نص ساعة، و بعدين جيبي فرشاة أسنان قديمة و أفركي التكلسات عشان تشيلينها... إذا حسيتي إنها للحين ما نظفت، بللي الفوطة بزيادة خل و اتركيها بعد ساعة...

و لو كانت الترسبات على فتحة الحنفية، صبي الخل في كيس بلاستيك صغير، و دخليه في راس الحنفية و ثبتيه بلزقة أو مطاط، و اتركيه ساعة و أفركيه نفس الشي بالفرشاة!

و مرة قريت لأخت كانت تستعمل ملح الليمون لإزالة الترسبات الكلسية في غلاية الماء، و فعلاً جربتها و كانت فعّالة بشكل عجيب، فأنتي شوفي إذا ما نفع الخل، جربي ذوبي شوي من ملح الليمون في كمية ماء قليلة و استخدميها بنفس طريقة الخل!

إن شاء الله تنفع معاج هذي الطرق...

موفقة عزيزتي F:

D

Dreamer Lady

عروس مبدعة

31-10-2010 | 02:45 PM

اني استعمل بخاخ جف مكتوب عليه يزيل الكلس و ترسبات السابون
حده زين تبخين على الحنفية بعدين تمسحينه بفوطة مبللة بعدين تسير الحنفية تلق من النظافة

د

دلع بس على سنع

عروس نشيطة

31-10-2010 | 09:40 PM

فيه منظف اسمه ميه واحد مره حلو حطيه على الحنفيه وخليه بعدين افركيه وعلى طول ايروح