أزمتي مع الرياضيات فيدوني بآرائكم

أهلين بنات

أنا عندي مشكلة صار لي أعاني منها من أبتـدائي:-#

انا طبعا عندي ازمة بالرياضيات ازمة مو طبيعية لدرجة ان كل مقررات الرياضيات

كنت اعيد المادة فيها حتى التخصص بالثانوية رحت أدبي لسببين اول شي

لانه ما فيه رياضيات ولاني كنت احلم ادرس اعلام.

وبعدها اتخرجت وشاءت الأقدار أن انا ما اروح إعلام لان المشكله لجامعة اللي تدرس

هالتخصص

ما عجبتني ورفضت ادخلها وبالجامعة اللي انا فيها اول سنة عدت على خير ثاني سنة

اجبرتني مرشدتي اني اخذ رياضيات قالت ليي ما يصير ما تاخذينه لمتى بتأخرينه

تراه يفتح مواد واايد وانا فعلا يوم جلست تخبرني وتشرح يفتح شنو شفت انه وايد

اشياء يفتح لي يعني ان ما اخذته هالكورس لازم اخذه اللي وراه.


فرضيت بالأمر الواقع وقلت خلاص اترك الدلع وخليني اخذه واللي ربي كاتبه لي بيصير

جينا للمشكلة الاعظم افهم على شرح الدكتور ولما اذاكار بنفسي عال العال

واحل المسائل بكل سهوولة وبكل ثقة وامس دخلت اختبار شهري رياضيات

كتب السؤال لما كتبته السؤال من قلب حسيت نفسي مو فاهمته رغم انه شرحه

أكثر من مرة ورجعت سألته ورجع شرحة لي بس ما فهمته رغم ان المادة حدها سهلة

وسخيفة واتضايقت من نفسي طلعت من الاختبار ولما رحت السيارة جلست ابكي

من القهر متخيلين يا بنات دارسه لكتاب من بدايته لنهايته والقهر الاكبر اني كتبت الجواب

الصح ورجعت محيته وكتبته غلط لاني من اساسه السؤال ما كان مفهوم.


والمنتصف هالاسبوع وماني عارفة شسوي وانا جامعتي غالية ما اتحمل اني ارسب في اي

مادة القهر اني ادرسه و احل بكل سهولة بس لما يجيني السؤال ما ادري شنو يبتليني مرة

وحده وانا بخلي اختي تدرسني اياه يمكن انا فاهمة شي غلط ولا شي بس اخاف

ان بعد فووق كل هذا ارجع و ارسب وانا من قلب لاعت جبدي من الرسوب بهالمادة احس

الشي من قلب زاد عن حده .


فيدوني بأرائكم ...!