استفسارات و تساؤلات الماميز عن .. سمنة فلذات كبدهن

فراولة ما شاء الله اللهم صلي على النبي


ان شاء الله ازيد كمااان المرة الجاية والله يحفظها العسووولة


وربي يسلم قلبج

مشكورة عزيزتي ما قصرتي .. فيه بسكويت جاهز على سمسم إذا حصلته بشتريه أسهل لي لأنه تحب البسكويت ..

هلا غناتي H & M

العفووو ولو حاظرييين لج


اييي نسيته اني هههه زين ذكرتيني فيه

مشكوره على الوصفات الروعه
وان شاء الله تجيب نتيجه مع ولدي

قريت موضوع لوحده تشتكي من نحف بنتها وقالها الدكتور تضيف ملعقه زيت زيتون صغيره مع حليبها وراح تزيد وايد في خلال شهر واحد
فشنو رايك؟؟؟
وها الموقع طبي وبالصدفه قريته وانا ابحث بقوقل

احلااام هلا فيج غناتي

وان شاء الله تفرحيني بعد مدة معينة



شنووولة لا لا لا مانصحج تخاطرين

صح اني ما ادري منه مضرة او لا بس زيت ويا حليب ؟!! ما دخلت مخي

حتى لو موقع طبي لا تخاطرين بحياة ولدج عشان سمنة

خلج ع سيريلاك التمر و السمسم و ومنقوع التمر وبيسمن غصب عنه ههههه

wardat amal;13512109:
H & M العفووو عمري ..

دامها تحب الزبادي على طول عطيها كامل الدسم لانه افود شي

وحطي لها سمسم فيه ملعقة صغيرة

واذا تحب الزبادي يعني تحب توابعه الدانيت وهالسوالف عطيها منهم

واهم شي قد ما تقدرين تحطين في كل شي لها سمسم

وان شاء الله تصير زينه الوردة

بس الشيبس يعني قصدج البطاطس والا شيبس اللي بالاكياس

اذا شيبس بطاطس اوكي اما الثاني لا تعطينها مو زين

وعن التمر اخذي كاس ماي ساخن صغير حطي فيه 3 تمرات هي بقشرها ومنزوعة النواة

وخليها 3 ساعات وبعدين صفيه وعطيها اياه

او اغلي التمرات في ماي و صفي الماي وعطيها

اي ينفع الرطب بس التمر اغنى لان فيه كمية من الدبس




دلووعة زوجها ربي يسلمج خيتوو



شنووولة ربي يسلم لي قلبج

ايييه حدي فرحت لمن شفت الزيادة ان شاء الله ياربي ع طوول

وراها وراها لين ما احصل نتيجة هههههه دامي الحين قادرة عليها

بعدين بتكبر ما بقدر عليها :|




نسيت اقولكم يا بنات حاولت اسحب كلام من الدكتورة اليوم بس ما عطتني فيس :lol:

تقول لي شلج بالسمنة اهم شي هي دمها اوكي :!!:

بطت جبدي مو حاسة فيني ذابحة عمري ااكل فيها عشان بس يوصل وزنها تمام

الله يعينا بس



والا بقولكم بعد لمن تكمل بنتي سنة افكر اشتري لها بيديا شور

مغذي يسمن الاطفال شرايكم فييه ؟؟!!

خيوو آنه بنتي عمرها سنه و4 شهور وزنها 7.5

دابحتني مو عارفه شنو اعطيها

كل ما اجرب لها شي ما تاكله

وبموعدها في التغذيه كتبو لها حليب بديا شور

وكل يوم اسويه وما تشربه

وهالمره غيروه و عطوها نيوترن جونيور

وكالعاده ما ينشرب

والحين بتابع معاكم

وان شاء الله اسوي شي يعجبها

المجهوولة هلا عمري حياج الله وهلا فيج

صراحة تضايقت عليها سنة و 4 شهور وتوها 7 كيلو وشوي

يبيلها من قلللللب تسمين هههه

خيوو سوي لها كل شي تحبه

واعتقد انها بتحب الدانيت وهالسوالف

خدعيها وحطي لها سمسم مطحون في كل شي تقدرين تضيفينه له

السمسم واجد مفيد ويسمن بصورة سريعة ما شاء الله

وحتى التمر حاولي تحببينها في الاكل بأي طريقة

سواء بالاشكال والتنويع في الاكل وانج تذوقينه وتقولين لها لذيذ باكله عنج

وخليه تاكل ويا جماعه عشان تتشجع شوي

واكلي من اكلها عشان تتشجع

وفي بعض الوصفات كتبتهم اني في بداية الموضوع

تفيد في التسمين حاولي تسوين منها اطباق ليها ممكن تاكلها

بس اهم شي السمسم حاولي تخبينه لها في الاكل خخخ

وعن الحليب مو مشكلة بس اهم شي تاكل تعوض

كثري لها من الاجبان والقشطة والجبنة والدانيت وضيفي السمسم

وان شاء الله بتسمن

بس انتي قولي لي شنو تحب تاكل يمكن افيدج بعد اكثر

والدي مجنني حتى اذا حطيت الاكل في فمه بعد لحظات يلفضها بره فمه

بصراحه موضوعك روعه بس بنتي اللي توني والدتها 46يوم نتفه ماقدر اشيلها أخاف تتعور وش اللي يناسبها عشان يسمنها؟

لالالا
أموله لا تخافين ما راح اجربه كلش بس حبيت اكتب المعلومه واشوف ردج وردود البنات
ما تقصرين حبيبتي

wardat amal;13534297:
المجهوولة هلا عمري حياج الله وهلا فيج

صراحة تضايقت عليها سنة و 4 شهور وتوها 7 كيلو وشوي

يبيلها من قلللللب تسمين هههه

خيوو سوي لها كل شي تحبه

واعتقد انها بتحب الدانيت وهالسوالف

خدعيها وحطي لها سمسم مطحون في كل شي تقدرين تضيفينه له

السمسم واجد مفيد ويسمن بصورة سريعة ما شاء الله

وحتى التمر حاولي تحببينها في الاكل بأي طريقة

سواء بالاشكال والتنويع في الاكل وانج تذوقينه وتقولين لها لذيذ باكله عنج

وخليه تاكل ويا جماعه عشان تتشجع شوي

واكلي من اكلها عشان تتشجع

وفي بعض الوصفات كتبتهم اني في بداية الموضوع

تفيد في التسمين حاولي تسوين منها اطباق ليها ممكن تاكلها

بس اهم شي السمسم حاولي تخبينه لها في الاكل خخخ

وعن الحليب مو مشكلة بس اهم شي تاكل تعوض

كثري لها من الاجبان والقشطة والجبنة والدانيت وضيفي السمسم

وان شاء الله بتسمن

بس انتي قولي لي شنو تحب تاكل يمكن افيدج بعد اكثر

هلا خيووو

بنوتي ما تحب الدانيت والروب وهالسوالف يعني لو بتاكل ملعقه ملعقتين بس

بس تحب تاكل التمر والرطب اعطيها منه

والاشياء اللي تاكلها شوربا ومعكرونه

ولو ضفت وياها شي مستحيل تاكله

يعني المعكرونه مرات اضيف لها خضروات او دجاج ما تاكله

بس تحبها فاضيه

والله محتاره وياها

بس لو تشوف حللاوه او شبيس تنجن

وقاعده احاول اني مااعطيها بس مااقدر

لو آنه مااعطيها تشوف الباقي ياكلون ويعطونها

ولاني عايشه مع اهل زوجي مو قادره اسيطر عليها

ان شاء الله بتابع وياكم

يمكن القى شي تحبه

احلااام يؤؤؤؤ ولدج بعد شكله عنييييييد

حاولي تلهينه باي شي يحبه وانتي تأكلينه مثلا التلفزيون

او العبي وياه وانتي تأكلينه عل وعسى يتشجع :confused:



لمعة عطر تسلميين خيووو وبالنسبة للنونوة الشي الوحيد اللي تقدرين

تعطينها اياه الحين منقوع التمر

انقعي التمر يوم كامل ويوم ثاني صفيه وعطيها منه يوميا


شنوولة ههههههه اشوه :lol: :L: :o:cool::D



المجهوولة يؤؤؤؤؤؤؤؤؤؤؤ الشي اللي يموتون فييه البيبيز ما تحبه :-o

بس واجد زين انها تحب تاكل التمر والرطب

عطيها قد ما تقدرين واذا تحب التمر سوي لها كيكة التمر تراها لذيذه

وتقدرين تسوين لها كرات التمر المغموسة بشوكلاته مثل شوكلاتة نسكويك

او كيندر او حتى بجوز هند

والرطب على طول حطي لها ع الغداء

حطي قليل مطحون سمسم في اكلاتها عشان ما تحس فيه

واولردي ما بتحس فيه اصلا مجربة اني :lol:

بس مشكلتها الاجباس والحلويات :celebrate:

ان شاء الله خيوو

كل يوم اخليها تاكل رطب او تمر

وبكره عندها موعد في السلمانيه

اكيد الدكتور بيشوف لي وزنها

لان كل موعد يتابع وياي عن وزنها

وان شاء الله خير

ان شاء الله خير يا عمري فديتها سميتي ^_^

عاد لا تنسين تطمنينا عليها

والله يسمنها ياااااااااااااااااااااااااارب

الله يعطيج العافية وردة
موضوع مهم ومفيد

انا مو مهم عندي انه ولدي يمتن اهم شي انه يكون اكله صحي
ولدي وزنه 8.5 كيلو وعمره 10 شهور واسبوع تقريباً

ولدي مايفطر الصبح لانه يقوم من نومه الظهر ومن يقعد اعطيه حليب وبعدين اغديه وغداه يكون اما ارز وسمك او ارز ودجاج
وبعد الغدا مباشرتاً اعطيه عصير كي دي دي او جونيور ويكون اما على جزر وعنب او على تفاح او فواكه

والعصر اوقات اعطيه دانيت او كراميل
والمغرب اعطيه روب يومياً

وقبل لا ينام اعطيه سيريلاك قمح وعسل

اتمنى انوع له بالأكل بس ماعرف شنو اعطيه بعد

وبالنسبه الى السمسم اخده واطحنه واعطيه اياه ؟ والتمر انقعه واعطيه الماي الي نقعته فيه او التمر نفسه؟
ويعني عادي اخلط له صفار البيض مع الروب؟

اخاف اعطي ولدي اكثر من نوع اكل في وجبه وحده اقول يمكن بطنه مايتحمل اكثر من نوع

wardat amal;13552582:
ان شاء الله خير يا عمري فديتها سميتي ^_^

عاد لا تنسين تطمنينا عليها

والله يسمنها ياااااااااااااااااااااااااارب

هلا خيوووو

الحمدلله اليوم كان موعدها عن الربو

كان صدرها نضييف حالياً

بس لمن وزنوها ما رضت توقف ع الميزان


قعدها بميزان الاطفال لصغااار

الحين توه صار وزنها 8 كيلو وعمرها سنه و4 شهور كم اسبوع مثل

ما تشوفينه في الشريط

يقولي شوي فيه تطور وزنها لكن المفروض يكون اكثر

وان شاء الله خير

ام الحلو ربي يعافييج غلاتي

تسلمين ;)

حبيبتي لازم تفطرينه حتى لو قعد متأخر مو مشكلة اخري له الغدا

اني بنتي الحين تقعد الساعه 11 اعطيها شي خفيف

توسته وحده ممسوحة بجبن واعطيها رضعه

وااخر الغدا ليها لين 3 وساعات 3 وشوي

اعطيها عيش وسمك او عيش ودجاج

والباقي مثلج يعني العصر دانيت والمغرب ساعات فواكه ساعات زبادي

وساعات بس عصير كي دي دي

بس العشاء احس :thumbs_down: يعني لازم تعطينه اشياء غير بالنسبة لعمره

اني ساعات اسوي لبنتي شوربة اندومي بس بطريقتي طبعا

احط الاندومي مكسرة صغار واضيف ملعقتين شوفان

واحط خضروات منوعه ولمن تستوي الشوربه اهرس الخضار فيها


وساعات اسوي لها مهروس بطاطا وحده ويا جبنة كيري

وساعات اسوي لها شوربة الهريس

اضيف حب الهريس و قطع دجاج صغيرة و طماط مبشورة وبس اخليها لين تستوي

ولمن اتملل كلش اسوي لها ارز باللبن او بالروب تموت عليه خخ


اتمنى افدتج لو شوي حبيبتي


وعلى فكرة نوعي له بعد في الفطور


احيان سوي له توست وجبن واحيان تشريبة توست بالحليب تبعه وشوي جبن

واحيان صفار بيض وجبن واحيان صفار بيض مع زبادي


خيوو السمسم اخذيه وحمسيه شوي ع النار وطحنيه

وحطيه بكل شي تقدرين تحطينه له خصوصا الزبادي

بس ملعقة طعام وحده كفاية لليوم الواحد

ومنقوع التمر تنقعين التمر يوم كامل وتعطينه منقوع التمر مو التمر

اي عادي تسلقين البيضة وتاخذين الصفاار وتخلطينه مع الزبادي

لا تخافييييييين خيووو ولدج الحين عمره 10 شهور يعني لااااااااااازم تغيرين له

عشان تغذيته تصير منوعه واكثر

المجهوولة الف الحمد لله والشكر

الحمد لله انه فيه تحسن وحاولي تسوين لها اي شي مفيد تقدر تاكله

من اللي كتبتهم لج وان شاء الله نلاقي تحسن اكثر المرة الجاية

مشكوره خيه عالرد....