ولدي جنني

اقرأي كتاب اسرار الطفل السعيد

وترا يعتمد انتو اسلوبكم كيف ف البيت هل اسلوب صراخ مو شرط انتي حتى ابوه واي فرد من العيلة هو يحتك به كثير فتلاحظين ان يحاول يقلده واما ناحية اخته فيعتمد يمكن لانكم اكثر شي تسولفون معها ومعطيتنها اهتمام زيادة امام ولدك فيغار ،،،وغير كذا هل انتو تدافعون عنه امام اي اذا حد ثاني نازعه مثلا،،فتلاقينه يكون عنده ثقة ان اي غلط اسويه محد يقوللي شي بالعكس يدافعون عني وغير جي دوم كرري ان هالشي غلط لن الطفل بطبيعته نساي
اما من الحركة الزايدة فشكله عنده طاقات يبي يفرغها فاحسن حل تخبين العابه القديمة ولينما يمل من لعبته الحالية فشوي شوي تطلعينله لعبة ثانية وهكذا وغير جي حاولي تشاركيه ف النظافة البسيطة مثلا اذا هو كت الحليب ع الارض كوني مصرة ان محد ينظفه غيره هو او لو رمى اي شي نفس الحالة واخته لو تلاعبه اكثر مثل العاب زمان او اي لعبة فيها تحدي مثل تصليح بيت او مزرعة او سباق سيارات صغيرة فراح ينشغل

وناحية الشتايم فاول بأول نبهوه ان حرام واللي يشتم مثلا مايروح الحجيقة وعن جد حرميه من الاشياء اللي يحبه بس عاد تكونين صارمة مو تذوبين من اول صياح ويقولك حبيبي ماما
ومن ناحية لاحظت ان يكذب يعني يرمي اللوم ع اخته وهذي علامة مو زينة
فاولما يكذب قوليله ان ماما تعرف كل شي الله يساعدها ان تعرف من الكذاب وان انتي دايما تشوفيه ولو هو متخبي وتكوني عارفة الموضوع من اخته ان كت الحليب او سوا اي فوضى ثانية وبعدين جدامه سوي كانك عارفة من اصله بدون ماحد يقولك

والله يوفقك ويخليلك اياه وصح انا نصحتك بس جاتلي ضحكة لما قريت عن شقاوته الله يهنيه ويسعده يارب

هههههههههههههه
والله هم يبكي وهم يضحك
الله يعينك اختي على شقاوته
بس مثل ما قالوا الخوات حاولي تلهينه
انك تعطي دفتر تلوين وألوان ، وقلم عشان يشخبط
بس يلهي عنك وعن اخوانه.. موفقة حبيبتي

الله يهديه

هههههههههههههههههههههههههههههه

الله يكون في عونش دايما يقولون الصبيان يعذبون امهاتهم اكثر من البنات فيهم شقاوة اكثر الله يهديه

الله يسعدكم اخواتي ولايحرمني من ردودكم الي تريح الواحد
وبصراحة جداً استفدت من نصايحكم وعطيتوني افكار وحلول كثيرة وبنفس الوقت سهلة
الله يجعله في موازين حسناتكم
ويحفظ لكم عيالكم ويهديهم ويرزق كل محروم بالذرية الصالحة عاجل غير آجل
اللهم آمين