شكلي بهرب مره ثانيه وربي مليت من هالسالفه الي بتضيعني

واضح جداً أن خطيبك يحبج

بس هو فاهم الحياة شوي غلط!!! واضح إنه يبيج معاه علطول ويبيج حقه وبس


وعنده غيره مب طبيعية تجاهج !! المهم يأختي أنا انصحج أن لا تسرعين وتتركينه

خصوصا أنج تحبينه وهوا يحبج ... بس حاولي تناقشيه بهدوء وتوصلون إلى حلول لمشاكلكم قبل الزواج


لازم يكوون بينكم إتفاق وتفاهم من البداية عشان مايكون فيه خلاف كبير

وإذا صار انكم ما تفاهمتوا ولا وصلتوا لحلول ترضي الطرفين بعدين فكري في الا نفصال ..

لي قعدتي معاه وتناقشتي فهميه عن دراستج وعن الاسلوب الي ما يعجبج وكلشي وكوني معاه هادية ولا تعصبين ومدري والله

الله يصلح حالكم ويوفقج حبوبة

صراحه انتي غلطانه و عقلك صغير .. الرجال خاطب يبي يعيش حياته ويستانس عادي يعني اتفقيه معه كل ويك إند يسولف معك

و لا تقسين عليه غيرك يتمنى رجال و الدييره مليانه بنات ..

و اذا قالك حيوانه ردي عليه بالمثل بس مو تتعدين عليه و تهكرين ايميله لو انه رجال هو الي يتركك

اسلوبك وقح مع اخته .. وين الي تقولين اسلوبج مايجرح و انتي جرحتي اخته

عموما : اذا مو عاجبج تركيه و اذا جا واحد غيييييييره لا تعاملينه زي اسلوبك مع هذا

و فكري بتصرفاتك الطفوليه ..

صراحه صدمتيني على زفتك لأخته

بصراحه وبدون زعل احس كنكم بزران ووتخانقون
هو سبك وانتي زفيتيه ماقصرتي لكن انك تفسخين الخطوبه ماادري وش اقول بصراحه بس لازم تحلون المشكله وتعدونها
حاولي تتفاهمين انتي وياه بهدوء
وضحي له ان المزح بحدود واشرحي له الي يضايقك ويزعلك من الي يسعدك يعني لازم يكون من الاول اتفاقيه بينك وبينه عن الي يصلح والي مايصلح علشان ماترجعون تتخانقون
انتي مثل ماقلتي مومتعوده على هالالفاظ بس يمكن هو متعود يقولها بين اصحابه وقالها لك هي ان جيتي للحق فالحق معك المفروض ماقالها وانتو بفترة خطوبه بس مثل ماقلت اول انتي ماقصرتي كفيتي ووفيتي معه
اما مسألة الغيره ممممم مدري وش اقول بس هو عارف من الاول انك بجامعه مختلطه يعني راضي من البدايه بهالشي فهميه وقولي لاصرت انا وياك تحت سقف واحد البي طلباتك ولك الي يرضيك
ووضحي له شروطك من البدايه قبل لايوقع الفاس بالراس
واسألي نفسك هل انتي ودك تكملين المشوار معاه ؟,وهل هو الشخص المناسب لك ؟ والي مرتاحه له وتحبينه؟<<هذي امور انتي ادرى فيها

ويارب يصلح حاله ويسهلها عليك ويوفقك بدراستك وتتخرجين بامتياز

بس ما يكون خطيبك اسمه راشد و من الفجيرة بعد

الله يعينك

بصراحة اشوف ليكي حق تزعلي من الشتيمة،،اصلا لازم يكون في خط احمر يلتزم الشريكين بعدم تعديه،،و الشتيمة تعتبر تعدي و قلة احترام، و اللي سويتيه معك حق بيه،،،بس لا تزوديها اقرصيه يعرف ان هالشي لازم ما يتكرر و بس،،لما تحسي انه نادم و حابب يصلح غلطه خلاص اعطيه فرصة.

اسمحي لى اختي فترة الخطوبة للتعارف .. ولو قلنا غلط عليك ..هو لسة مايعرف طريقة تفكيرك ولا تعاملك ..وشوفية قام يعتذر يعني حس بغلطة ..واكيد عرف لشخصيتك ..اعطية فرصة ثانية ولو كرر مثل هذا التعامل لك حرية الاختيار ..
بس احس السالفة هذي تبع الكلمة ..... هي القشة التى قصمت ظهر البعير ..يعني انتي مجمعة من قبل اشياء كثيرة علية وانفجرتي بالاخير..لو شايفة مافية توافق بينكم وماراح تقدرو تكملو مع بعض انتي لساتك على البر ..
ولو تحبية وتموتي فية اكيد راح تعديها له لانة فية ناس ينضربو مو ينجرحو من الحبايب وتصير نتيجة للعصبية ويعتذر الطرفين وتمشي الدنيا ..الانسان مو معصوم من الخطا ..فية مثل يقول غلااك نساني خطاك ..لو لة غلا واعتذر وعرف قيمتك عديعا ولاتخلى الشيطان يدخل لك مع ابواب تجهليها .. الله يهدي سركم ويسعدكم

حبيبتي اذا مو مرتاحة معاه فاحسن لك تتخذين قرار من البداية احسن
اخت صديقتي ملكت ومن الخطوبة تقول لامها اذا رجعت لكم مرة ثانية مو ذنبي لانها ماكانت
تبيه تقول اسلوبه غير عن اسلوبي وفعلا تزوجت بس للاسف تطلقت بعد شهر يعني حطي ببالك
امور الحياة بعد الدراسة وحياتك معه كيف بتكون
واتمنى لك التوفيق غاليتي

لا لا لا الصرااااااحه انا اقوول ماتتركيينه
لو انا مااتركه انتي ماشاء الله ماقصرتي وبعد رجع يبكي هذا يحبج لا تتركينه مابتلقينن شرااته
الريال معروف انه ماينزل دموع ع شي سهل وهذا يصييح عشاانج شو تبين اكثر
لا تتركينه والدراسه لاحقه علييها
ريلج اهم
والله يوفققج

لللاسف اسلوبج معاه مو حلو كان مفروض تفهمينه بطريقه راقيه على قولتج وليش هالكلام قلتيه لااخته كان قلتيه له بس واضح انه يحبج واكثر اللي يخطبون يحبون يتصلون وايد اجل ليش مخطوبين واذا انتي مو حابته لا تكملي معاه وغيري اسلوبج مع احترامي لج الانسان لما يجي يتفاهم مع احد مو جذيه على كلمه قالها صارت جريمه

اختي اذا انتي تقولي باختصار شديد انك تركتيه اجل ليش جالسه تقولين وش رايكم ووش رايكم ؟

صدق مثل البزارين شتمني وشتمته اسلوبك كلش موزين اببببد يقول كانك طفله مو بالجامعه

واذا بتقولين ابس هاذا وما ابي هاذا بكرة لاجا المعرس بيسال عن اسباب فسخك خطوبتكم بتقولين شتمني ههه والله خوش سبب

اختي تدرين شنو الي عجبني في اسلوبك ..

انك فعلا وضعتي له حد ... ان ما يكرر هالكلام معاك ... لانك انسانه مب متعوده تسمعين هالكلام..

والريال صحيح ان يمزح... لكن كانت جس نبض لو كنتي سكتي ... كان بتمادي باشياء اكثر باسم المزح


بالنسبه للانفصال او انك تواصلين فالقرار راجع لك... ولحساباتك وتقديرك

بس ردي لك ان كفو عليج...... ليت كل وحده مثلج..

ام جنى

حبيبتي انا يو م كنت مالكه كانت حركاته كذا ومشاكل وعلى اتفه شي ويقول ماعندي اسلوب
ومن كثر المشاكل كنت ادعي عليه يوم الجمعه.حتى نحفت وسمرت من كثر الظغط النفسي
بس الحمدلله احس اني اسعد انسانه وعرفت فايدة المشاكل انك تدخلين عليه وانتي عارفته زين ترى كل هذا خوف لانك بعيد عنه اقولك زوجي يشك لدرجة يدق علي ويقول احد دق عليك اذا قلت ليش يقولي لابس لقيت واحد من اصدقائي على جوالي ويمكن اخذ رقمك والخيار بالاخر لك استخيري

اذا مابينكم عقد قران افتكي
اذا وانت لسى مو عنده مجننك شلون لصرت معه وخف الحب والاشتياق الحياه الزوجيه تحتاج عقل وفهم مو جرح وقط حكي

الله يعينك

ليش من البدايه تفتحين باب الحوار معه ؟!
هو خطيبك !!
اثقلي لااتكلمينه ولااتعطينه مجال يكلمك واذا قال شي قولي ذاك الوقت اذا صرت في بيتك كلمني 24على 24 ماعندي مانع !!
تقبلي كلامي بصدر رحب :)