حلمـ .,;9892431:
أمممم ..,
إذا الحفلة بتكون في البيت
والصالة كبيرة وفيها مجال
فضيها من الكنبات والتحف والطاولات ..,
رتبيها !..
خليها تكون فاضية , لأن أطفال وحركة .. فبيصير فوضى فيها
يعني لصقي فيها زينة بشكل مرتب
و وزعي البالونات على الأرض , وحلو إذا كانت بالونات وايد .. وأشتري لج رش الثلج أو الزري
وأيضاً إلي مثلاً المفرقعات و تطلع منها ( زينة )
وأشتري أغراض الإحتفال ( بالونات مع صفارة , الكاب .. إلخ )
*
الأكل !..
عن الغربال و الآذية
سوي لج بارسلات جاهزة من المخبز وحطي 4 أو 5 قطع
( بيتزا , سمبوسة , سندويش جبن .. إلخ )
وسوي إنتي أشياءات بسيطة وخفيفة في البيت
مثل ( معكرونة أو نودلز , مقليات "فطاير , سجق .. إلخ" )
أشتري حلويات إلي يحبونها الأطفال
يعني ( علكة , مصاص .. إلخ ) وإلي تجي بشكل مرتب ومنسق
وأشتري عصير جاهز
أفضل من تصبين لهم في كاس , حفاظاً على النظافة
/
\
هدايا الحضور ..,
خذي للأولاد لعبة بسيطة تناسبهم ( سيارة مثلاً )
خذي للبنات لعبة تناسبهم أيضاً مثلاً ( دمية )
وللكبار ..,
تقدرين تسوين توزيعات فخمة ومبتكرة ( بخور , عطر .. إلخ ) مثل توزيعات الأفراح
*
الطفل !..
أشتري له بدلة جديدة
و طبعاً لازم يكون كاشخ لأنه ( نجم الحفلة )
*
الأم !..
أيضاً لازم تكشخ
تلبس شي راقي
مثلاً بدلة ( تنورة & بلوزة .. ) ( جينز & بدي .. )
ومثلاً تسوي لها شي سمبل في شعرها
إستشوار & فير تايلندي
وممكن تسوي له بف بسيط
المكياج إذا هي فنانة مكياج , تحط لها في البيت
وإذا ما تعرف
ممكن تروح تحط لها مكياج بو 5 أو بو 7 دينار
لأقرب صالون لبيتها ( ويكون مكياجهم مرتب وشغل عدل .. مب هرار )
*
نجي للكيكة أهم شي!..
لازم تكون طابق واحد
خبرج يهالوه وعفيسة
وتكون كبيرة وايد .. وأعتماداً على عدد المعازيم
/
\
يفضل تكون كلاسيك عادية ( فروت )
لأن هالنوعية الكل يحبها وياكلها
أبتعدي عن الشيز كيك أو الجوكليت .. ربما مو أي احد يحبها
وخذي شكلها ( مربع أو مستطيل ) أسهل في التقطيع
*
عندج أفضل المحلات والتووووووووووووووب صج !..
1) حلويات سعد الدين , جداً ممتازين
2) كيك أم حسام ( وحدة تسوي كيك في بيتها في سار ) بس رهيب , رهيب , رهيب
3) كيك ليلو , طبعاً غني عن التعريف شكلياً وطعماً بلااااااااااوي .. بس السعر غالي
والحين ما يحطون شموع عادية في الكيكة
يحطون شموع الشرار
4 وحدات وزعيها على الزواية
+
شمعة وحدة في الوسط
بعمر الطفل ( تلاقين بكثرة منهم في بردات رويان )
/
\
أممممممممم ..,
نجي للأماكن والأسعار
البارسلات ..,
روحي مخبز عادي ( رخيص وقوي )
يعني الأكل تمام والسعر لا بآس فيه
مثلاً :
مخبز الحجة ( بوري - سوق واقف ) الصحن بكم ؟!..
بيكلفج 150 فلس أو 200 فلس
مخبز الكوثر ( جد حفص )
أيضاً نفس التكلفة
مخبز المرزوق ( توبلي )
مخبز دلمون
/
\
كل أغراض الزينة والهدايا وهالسوالف ..,
بتلاقينها في ( مركز الأنوار ) أغراضهم حلو ورخيصة وايد
/
\
العصير ..,
أنا أحب عصير ( الندى ) لوووول
روحي أي سوبر ماركت وأشتري لج كارتون بالجملة .. وأخذي بالعدد
والحلويات أيضاً ..,
روحي أخذي لج كميات من أشياء لذيذة وجذابة للأطفال
/
\
ذكري لي إنتي من أي منطقة ..,
وبقولج الصالونات إلي شغلها حلوة ونظيف قريبة منكم
*
توزيعات الكبار ..,
أيضاً في الأنوار
بتلاقين قسم مخصص لشغل الأعمال اليدوية
خذي وإنتي سويهم بنفسج
مثلاً ..,
قطع تور وعبيها ببخور وسكريها بحركة حلوة " وردة , فيونكة .. إلخ "
البخور خذي هذولا بو 1 دينار
أحب أنا " أجمل إحساس "
قطعيهم يجي هو 9 قطع
وحطي بكل توزيعة 3 أو 4 قطع
/
\
أمممم ..,
أول ما يجون الضيوف
عطي اليهالوه
الكاب والصفارة
ولين يكتمل العدد
ولعي الشموع وطفوها
ومن بعدها يتعشون
عقب العشا وزعي الهدايا على الحضور
وهم بدورهم يعطونكم الهدايا
وبس !..
( وكل سنة و هالكتكوت بآلف خير )
حلمـ .,;9893432:
*
أممممم ..,
إنتي سوي لج قائمة بالمعازيم
وكل وحدة حطي معاها 2 عدد زايد
يعني ( فلانة + ألاودها 4 + 2 معاها إحتياط ) إلخ
لأن الإحتياط واجب
علشان تعرفين كمية الأكل , و تعرفين وشقد تشترين !..
وحجم الكيكة بعد ..,
/
\
أنا أشوف البارسلات أخف وأرخص عليج
و مع أشياءات إنتي تسوينها , بيطلع مرتب ويكفي
لأن كثرة الأكل و بتحطين في صحون وسالفة
غير بارسل ومعاه صحن صغيرون فيه أشياءات خفيفة إنتي مسويتها
وإنتي وبراحتج , على حسب ميزانيتج
/
\
الصفارات & الكاب وكل هالسوالف
بتلاقين لها أكياس مخصوص للعيد ميلاد
حطيها لكل طفل الأغراض في كيس و حطيهم كلهم في سلة كبيرة ومرتبة
وطبعاً ..,
أول ما يدش تعطينه الكيس
وهكذا !..
وعلى فكرة الحين طالعة سالفة
للولد كاب " قبعة عيد الميلاد "
للبنت بتلاقين تاج وفيه زينة ,
وهالسوالف كلها خصصي لها يوم وروحي (الأنوار) وبتلاقين كل شي بسعر ممتاز (y)
/
\
الصالون ..,
روحي صالون آشرقت - الرفاع
حجزي مكياج بو 10 دينار , عند ( عبير )
مكياجها هادىء ولبناني ناعم
وايد يناااااااااااااااااااسب
وقولي لها إنج بتلبسين الشيلة , وهذي حفلة عيد ميلاد ولدج
ما بتقصر معااج :wink: (y)
