استفسارات وتساؤلات الامهات عن كل شئ (الجزء الخامس)

انا رحت كشفت ليا امبارح ورحت تاني لجوجو بردو، المهم انا طلع عندي حساسية شعبية علي الصدر قوية زي نزلة شعبية يعني قوية، وجوجو حاليا اخر حاجة وصلتلها بعد مراحل كتير نزلة معوية في المعدة من البلغم وسخونية والتهاب في الحلق ادعولنا جامد بقي اوي وخست كيلو في اليومين دول كمان وفيه تفاصيل تانية بردو بس ده المضمون يعني وجوزي ابتدي امبارح بالليل اتعدي مني :)

katkooota_7aboooba ام حــور;13629443:

الف سلامة على جوجو ربنا يطمنك عليها ويتم شفلها على خير يارب

الله يسلمك يا جميلة

مشمش ام محمد;13629447:
كتكوتا الف سلامه عليها ايه يا بنتي هي بنتك مالها كده في ايه ارقيهااا وحصنيها يا بنتي وكنيها يف البيت شويا بعيد عن عنين الناس وحاولى تاخدي بالك عليها كويس ربنا يعافيها يارب ويرفع عنها كل مكروه

الله يسلمك يا ندي مش عارفة والله فيه ايه ، انا اصلا مش بخرج كتير غير اليومين اللي فاتوا عشان اجيب لبس الشتا او نروح لحماتي فقط لا غير :sick::sick:

Boody we zady;13629868:
أنا كنت جايبه لبودي و زيزو كيس نوم البيبي زي اللي في الصورة ده بصراحة ممتاز كنت جايباه من مذركير بس اسألي في لفلي و المحلات المعروفه ان شاء الله تلاقيه

ما انا كنت جيبلها بورت وهي مولودة وواسع وحلو اوي وبيدفي بس مش ينفع للسن ده يا ام بودي خالص مش هيطيقوا يقعدوا فيه ولا حتي اللي بالدراع عشان مقفول كده حتي لو وسع وفيه منه بكم علي فكرة، لو لقيته هفكر فيه انا كنت بشوفه قبل كده كتير.

sweetylolla85;13630133:
الف سلامه يايمي علي جوجو ربنا يعافيها يارب
بنات انتو بتاكلو عيالكم من امتي ممكن كل واحده تقولي بدات من امتي بصو عشان انا بتلخبط تقولي مثلا وهي عندها اربع شهور ونص بدل نص الخامس عشان بتلخبط اوي

الله يسلمك يا ويلا، بصي الاكل من بداية الخامس يعني تكون خلص الشهر الرابع بطريقتنا احنا ودخل في الخامس بقي، بقولك انتي كنتي قلتي ان الدكتور كتبله مضاد حيوي 500 صح تقريبا، اصل كرم كاتب لجوجو دلوقتي كده بس حقن بس تتاخد علي نصين ، يعني هما 3 امبولات وكل واحدة تتقسم نصين كل 12 ساعة يعني 6 مرات فهمتيني.
جربت واحد اسمه محمد فاروق هناك بردو رحتله 8 الصبح لقيته شغال كويس بردو بس الراحة النفسية بردو لكرم طبعا وهو اللي متابعة معاه الاساسي عشان كمان بشوش كده.

((K~A~T~O));13630337:

كتكوتة سلامة جوجو الف سلامة خدى بالك منها الجو وحش وربنا معاها بس عل فكرة ياايمى هى ممكن تكون بتسنن كمان اميرة وهى 8 شهور سننة وكانت عطول اسهال وهى مش بتاكل بصى كدة على اللثة عندها ورامة ولا حاجة او فى حتة بيضة صغننة باينة السنة يعنى

الله يسلمك يا ايمي، بصي هو السبب في ده كله ان كان عندها بلغم وبعدين نزل علي معدتها بقي فعملها ترجيع علي اي حاجة تشربها وفضي معدتها خالص وبعدين جالها نزلة معوية في المعدة بسببه بردو، وقلتله التسنين له علاقة بالاعراض اللي حصلت دي ولا لأ قاللي لأ خالص، انا كنت فاكرة الاول انه كده لغاية ما لقيت الموضوع فيه حاجات تانية كتير.
هي مسننة الحمدلله بقالها فترة وفعلا بتسنن تاني كمان ما شاء الله.

رجائي رضا ربــــي;13630646:


كتكوتة الف سلامة على جوجو ربنا يشفيها ويعافيها ارقيها وربنا يخليهالك

الله يسلمك يا جميلة تسلمي يارب.

hoba555;13630865:
ايمي الف سلامه علي جوجو ربنا يشفيها يارب

الله يسلمك يا هوبا

sally2007;13632704:


انا بعمل زيك كده بضبط وبخف احط الغطء على ايده ليرفعه ويجى على نفسة

هى فكرة حلوة بس المشكلة انى بلاقى كف ايده ساقع تلج اعمل ايه بقى وعندى جونتى اللى هو كف ده وحاسة انوا هيضيقة لو لبستة ليه

بس يا سالي ابنك لسه صغير علي الفرك اللي انا اقصدهن انا كنت بغطي جوجو عادي خالص وهي في سنه ومن غير ما الغطا يتحرك والحمدلله كنت بعمله زي اللفة كده بالظبط بس اسيب مساحة تحت للرجل عشان لو حبيت تحركها او ترفعها ومبقاش مكتفاها

ازيكم يا قمرات ...

هوا التليفزيون غلط على عين البيبي ؟ لان ابنى علطول لما اشيله ادام التليفزيون معلق عينه عليه

دلوقتى الحمد لله بدأ يظبط نومه وبينام فترة حلوة عن الأول بس كميات اللبن اللى بيشربها زى ما هيا نفسي اطول فى الوقت واديله رضعة كاملة لكن هوا كل ساعة بالكتير يعيط ووقت ما اعمله الرضعة مش بيخلصها ,,, مع ان اللبن اللى بستخدمه ليه مكتوب عليه 5 رضعات فى اليوم يعنى هما بيمشو على النظام دا ؟

عايزة أقولكم على كتاب تحفة اشتيرته من يومين اسمه ماذا يحدث لطفلك فى عامه الأول فيه كل ما تتخيلي وبيشرحو بالصور كمان ان شاء الله كل ما أقرأ معلومة هنقلها ليكم


انا شفت معظمكم بيسأل عن فيتامين د ... انا قريت ان لو الرضاعة الطبيعية بيكون من أول شهرين وفعلا فى المستشفى لما كنت برضع طبيعي كتبوه لابنى من اول يوم

انما لو الرضاعة صناعي مش لازم الفيتامين لانه موجود بالفعل يعنى اى بيبي بياخد اكتر من 450 مللي من الصناعي يبقى مش محتاج مكملات ,,, لان الافراط فى فيتامين د غلط ,,,

كتكوته اللي أنا بقول عليه ده غير البورت ده كيس نوم فيه منه مقاسين من 0 الي 6 و 6 الي سنة اللي كنت جايباه سن سن غير البورت تماما ده بتلبسيه و متبطن ديباج و بتحطيه في سريره و كمان تغطيه و مهم شال الغطا هو مدفي فاهماني؟

Boody we zady;13644419:
كتكوته اللي أنا بقول عليه ده غير البورت ده كيس نوم فيه منه مقاسين من 0 الي 6 و 6 الي سنة اللي كنت جايباه سن سن غير البورت تماما ده بتلبسيه و متبطن ديباج و بتحطيه في سريره و كمان تغطيه و مهم شال الغطا هو مدفي فاهماني؟

اه ما انا عرفاه يا بسمة مش بقولك فيه منه بكم وكنت بشوفه الكم هايبقي احسن طبعا عشان مشكلتي الاساسية في الدراع نفسه :):):) بس بيبقي وسعه حلو من تحت للكبار بحيث مش يضايقهم؟ ويتحركوا براحتهم

CuTie KaTkOoTa;13644464:
اه ما انا عرفاه يا بسمة مش بقولك فيه منه بكم وكنت بشوفه الكم هايبقي احسن طبعا عشان مشكلتي الاساسية في الدراع نفسه :):):) بس بيبقي وسعه حلو من تحت للكبار بحيث مش يضايقهم؟ ويتحركوا براحتهم

ده ممتاز بصراح و واسع جدا و مش تشيلي هم بس مش عارفه اللي بكم ده ايه نظامه

اه فى منه بكم شوفى كده فى لفلى و انا شفت كمان مقاسات كبيرة منه هنا

Boody we zady;13644521:

ده ممتاز بصراح و واسع جدا و مش تشيلي هم بس مش عارفه اللي بكم ده ايه نظامه

خلاص هشوف اللي موجود هنا كده بإذن الله واشوف خامته حلوة ولا لأ عشان ساعات اللي بلاقيه مش بيعجبني اوي ربنا يسهل

Bossy22;13644675:
اه فى منه بكم شوفى كده فى لفلى و انا شفت كمان مقاسات كبيرة منه هنا

اه فعلا في لفلي وكان في ريموندس ومحلات كتيرة


بنات شفتوا الحظ السيء، دلوقتي جوجو المضاد الحيوي اللي بتاخده اخدت نص امبارح ونص الصبح النهاردة تمام، بعدها كده بشوية لقينا جسمها ابتدي يبقي مليان نقط حمرا ويتزيد بقي في كل جسمها ووشها كمان وواضحة اوي دلوقتي فكلمت الدكتور بقي عشان اقوله قبل ما تاخد الجرعة التانية عشان لو كانت حساسية منه ولا حاجة ولا تكون من السخونية بس، المهم قاللي اه يبقي كده وقفيه خالص دلوقتي يبقي هي عندها حساسية منه ومتدلهاش اي حاجة تانية وقلتله عندها زكام قاللي لا لا متديهاش حاجة خالص.

مفروض كان ميعادها بكرة اخر واحدة وتروح بعدها للدكتور يشوف الاخبار، بس بما اننا هنوقفه بقي فاحتمال اروحله النهاردة بقي بس بالليل متأخر بعد 12 لما ميعاده يجي احسن بجد كده حرام بقي.

ازيكم يا بنات مش عارفة هو موضوع التجهيزات اتقفل ؟؟؟

اصلي كنت عايزة اسال في كذا حاجة ينفع هنا ؟؟؟

بنات انا عايزة اعرف من اللي بيتعاملوا مع مستشفى تبارك اللي في الجولف انهي دكتور احسن فيها؟؟ محمد العشماوي ولا هشام السبيل؟؟ انا بجد نفسي الاقي دكتور واحد اتعامل معاه علشان يوسف مش عايزة اتنطط مع كل دكتور شوية...

bosy82;13645178:
ازيكم يا بنات مش عارفة هو موضوع التجهيزات اتقفل ؟؟؟

اصلي كنت عايزة اسال في كذا حاجة ينفع هنا ؟؟؟

هما فعلا قفلوه طيب بصي انا فكرت في فكرة انكم تكتبوا اسئلتكم بتاع التجهيزات في تجمع الحوامل والامهات مؤقتا لغاية ما نشوف هيفتحوا التجهيزات تاني ولا لأ

http://forums.3roos.com/showthread.php?p=13645870#post13645870

وانتوا يا ماميهات بقي ردوا علي الحوامل هناك لما يحطوا اي سؤال متنسوش

ياسمينا الف سلامة على ابنك و ان شاء الله ربنا يشفية

كتكوتة الف سلامة عليكى و على جوجو


كنت بسئل على البامبرز مافيش منة مقاس 5؟؟ بسئل على المصري الاخضر
مقاس 4 بيسرب جدا انا بلبسهولة بس وهوا نايم لازم القية مسرب و كمان جالة دور برد جامد جدا تقريبا بسبب الموضوع دا


و كمان بالنبة للتسنين هوا كدا محمد اتاخر ولا اييييييييييية؟

بنات هو الكرسى ده اسمه ايه وبيستخدم للى عندهم كام شهر وبكام فى بيبى شوب لانه جايلى هدية؟؟؟

dr_hienar;13646872:
بنات هو الكرسى ده اسمه ايه وبيستخدم للى عندهم كام شهر وبكام فى بيبى شوب لانه جايلى هدية؟؟؟

كرسي هزاز ده و بيقعد فيه البيبي لحد ما يقدر يقوم لوحده يعني ممكن 5 شهور بالكتير عشان بعد كده بيتقلب و سعره مش عارفه بس أنا كان عندي من مذركير و كان هديه برضه بس سعره 10 دينار يعني 200 جنيه

m@hy;13646511:

كتكوتة الف سلامة عليكى و على جوجو

كنت بسئل على البامبرز مافيش منة مقاس 5؟؟ بسئل على المصري الاخضر
مقاس 4 بيسرب جدا انا بلبسهولة بس وهوا نايم لازم القية مسرب و كمان جالة دور برد جامد جدا تقريبا بسبب الموضوع دا

و كمان بالنبة للتسنين هوا كدا محمد اتاخر ولا اييييييييييية؟

لا فيه 5 يا ماهي شفته قبل كده تقريبا، انا جوجو دلوقتي بتسرب بردو بس عشان عندها برد واسهال، بس هو ال 4 حلو معاها بس الجوانب بتبقي عالية شوية عن رسمة الفخد فاهمة قصدي عشان كده بتسرب بردو ساعات غير مقاس 3 هو كان ضيق عليها اه بس الجوانب كانت قدها بقي بالظبط فالتسريب كان اقل،/ لكن لسه شوية كبير بس المهم انه مريح ليها.
والف سلامة علي محمد، ومتأخرش ولا حاجة في كتير بيبتدوا علي 10 شهور مثلا، انا جوجو عكست ابتدت التسنين واجلت القعاد والزحف والمشي وكده

M!ss Tuky;13552830:

كوبي يا بوسي من الى انا عاوزة اقولو بجد همووووت وصداااع هيفرتك دماااغى


الف سلامه يا لولا عليه ربنا يحفظهولك ويحميه يارب


ده لو انا مش هوصف الى بيحصل معايا كده انا بردو بنفس الشكل قمت من البنج لقيتها ف بقها التتينه ودلوأتى مش عاوزاها عاوزة صدرى تنااام وتقوم عليه بس 8o|



انا بديلها سايمثكول بس بحس انو مبيعملش حاجه تايا بتفض تتلوى من المغص والانتفاخ والغازات الى عندها روحت للدكتور عشان الامساك والحجات دى كلها مرضيش يديني ولا دوا وقالى انتى عندك امساك عشان كده هى عندها امسك عالجى نفسك الاول

صحيح يابنات تايا مولوده وفي جزء عامل كيرف ف رقبتها انا قولت عشان وضع الولاده مقلوبة فوضع معين من الشهر السابع بحسبها العضمه وهتتعدل مع الوقت الدكتور قالى دى عضله مش عضمه واروح بيها ع دكتور جراحه اطفال وبجد قلقانه جدااا عليها من الوضع ده ادعولها ربنا يكرمها وتكون حاجه بسيطة

حمدالله على سلامتك انتى وتايا تتربى فى عزكم
ماتقلقيش يا قمر بنتك زى بنت واحدة اعرفها كان عندها حاجة كده برضه فى رقبتها من الولادة وعملت شوية جلسات علاج طبيعى وبقت كويسة خالص الحمد لله

كتكوتةالف سلامة عليكى و على جوجو رنا يتم شفاكم على خير يارب
دلوقتى ابنى عنده 6 شهور و نص المفروض يكون وزنه كام و ينفع أأكله كبدة فراخ و لا لسة شوية؟ و قولولى عموما يه ممكن ياكله غير الزبادى و الخضار و السيريلاك و لسان العصفور؟

ياسميينا الف سلامة على ابنك ياقمر ربنا يشفيه ياارب

كتكووته الف سلامة على جوجو ياحبيبيتى ربنال يخليهالك ويشفيها ياارب

بناات هو تطعيم ال6 شهور ده شدييد فعلا اكتر من الباقي ولا اييه يوسف طول النهار من ساعة ما اخده وهو سخن الحرارة بتقل وبتزيد لكن مش بترووح خااالص معرفش اعمل ايه ومكان الحقنه بيوجعه اوىى وهيموكلار ده بتاع اطفال ولا هيموكلار بتاع الكدماات اللى هو بتاع الكبار عاادى انا لقيته عندى بس معرفش هو ده اللى قصدكو عليه ولا لا

سؤال بقى مهم وانا سالته قبل كده وكزاا بنوته جاوبتنى لكن للاسف مكتبتش الانواع ونسيت الحدييد كل واحده تقوللى نوع الحديد والجرعه الوقائيه ولمده اد ايه يفضلو يدوه لان اخر دكتور رحتلو قاللي لا لازم تحليل لو طلع نقص يبقى اوك ومش راضي يكتب جرعه وقائيه وانا خلاص مسافرة الكويت الجمعه وكنت عايزة اخدد وعايا بليييز يابناات متتاخروش علياااا

وكماان الحديد بيكون مجموعه فيتاميات ومن ضمنها الحديد ولا حدييد بس عشان فيه دكتور رحتلو قبل ده كان كاتبلي مجموعه فيتاامينات وفيها حديد اسمه توتافييت والكالسي كال الدكتور بيقول 2ونص سم مرتين ف اليوم والنشرة مكتوب فيها يدى مرة واحده فقققققققققط

كيوت كاتكوته متقلقيش ابني عمل نفس الموضوع ده المضاد الحيوي وجاله حساسيه منه وحبب وقفته ومدتهوش حاجه كنت بحميه بمايه دافيه بس
بعد كده اعرفي اسم الدوا علشان بعد الشر لو تعب تقوللي للدكتور انه عنده حساسيه من مكونات الدوا ده فاميكتبهوش في دوا تاني علشان في ادويه بتبقا نفس التركيب بس تحت اسماء تانيه المهم تقولي ليه ان التركيبه الدوا ده عملت ليه حساسيه
واغلب مضادات بتعت البردد خصوصا فيها نوعيه بتعمل حساسيه للاطفال وانا كمان جالي بردوه حساسه من المضاد الحيوي بس نوع معين
في دكاتره بتكب ادويه شرب للحساسيه للاطفال عادي متخافيش منها ديه علشان لو الحساسيه شديده شويه ولازم يتقضي عليها بدوا لانها في الدم
المهم الدوا لما تاخديه حاولي تقريه عنده في اي حتا او نت او اي دكتور صيدلي شاطر ماتمن ويقولك الدوا ده نظامه ايه يمشي ولا لا شديد علي الولد ولا لا
انا طولت عليكي بس اصل الموضوع ده مريت بيه وحبيت اقولك علي اللي حصل

بحجز مكان بس وهارجعلكم تانى :)