Anan_Me;13759737:
صباح الفل والياسمين
الحين كملت 25 اسبوع ونفس الحاله النوم صار لي ثلاثة ايام استنه ما اقدر حتى انفس بعض الاوقات
امممم بديت اجهز رحت سويت مفارش ومخدة رضاعه وغطا للمراضع والامور الي تجي طقم عند ام فاطمة شفت شغلها عجبني وحسيته مميز مو مثل البقيه
رحت شفت اشراقة رضيع واريام حسيت اشكالهم مألوفة يعني حتى سوق واقف تحصلين شي يشابهم
صباح الورد خيو
تقطعينهم بالعافية من أم فاطمة ياليت تفيدينا عن تجهيزاتها والأسعار ووين مكانها :)
دموع ساخنة;13760184:
مساء الخير
باقي يومين عن موعد السونار وزوجي يمكن ما يجي وياي لان عنده شغل ضروري
يمكن اروح بروحي
حسافة حلو اذا الزوجك معاك يستانس وبنفس الوقت تحسينه انه يعيش الدور أكثر لمسؤوليته وصفته الجديدة ان شاء الله يتغير الوضع ويقدر يروح معاج واذا ماصار ان شاء الله الجايات أكثر
ريماس23;13763922:
بخير الحمد لله.. بس بالدراسة احس نفسي ما دا افهم شي :lol:..
التركيز صاير صفر.. اجلس افكر بكل شي بالدنيا بس الدراسة اخر شي :hysterical:..
شكلي راح اسقط هالسمستر.. الله كريم..
اه والله قمة الأحراج :o.. صرت كله لابسة القمصلة و جالسة حتى ما تبين الكرشة :p
اني قلت بس اعرف شنو جنس البيبي على طوووووووووول اطلع اجهز له.. و لليوم بعدني مو طالعة اجهز له شي :lol:..
بس ان شاء الله بعد الأمتحانات اطلع اشتري له..
اللي جهزت ياريت تكتب شنو اشترت او تحط الصور عشان نستفيد من بعض :thumbs_up:
[/CENTER]
طبيعي يضعف التركيز خلال فترة الحمل الله يعينج
حاولي تراجعين دروسج أول بأول لاتضغطين على نفسج مرة وحده
لووول لاتعيرينهم أهمية وخلج نورمل
أن شاء الله انا بعد اذا عرفت جنس البيبي اجهز له
Um Abo0od;13765354:
مرحبا بنات
شخباركم
شمسوين
هلا أم عبود
الحمدلله بخير بشرينا عنج ان شاء الله بخير
منار النور;13766935:
اليوم رحت الموعد .. قلت اول بروح للسونار بعدين بروح الى الوزن
رحت للسونار اليوم ما في .. يقولون لي بس يوم الاحد .. ما ادري ليش
المهم رحت الكتاب الا اتقول لي روحي للممرضات وشوفيهم
رحت الا الممرضة مستحمقة اتقول لي من عاطنش الموعد على السونار قلت لها المكتب ..
الا اتقول كل مرة تغلط وانقول اليها .. المهم ان طلع الموعد مو مسجل في الكمبيوتر
رحت وطلعت الفايل وانتظرت
عطوني تحليل للدم .. ما ارتفعت نسبته 11.3 مثل الشهر اللي طاف واتقول لي زين
دخلت على القابلة بعد انتظار .. اتقول لي ان حجم البيبي زين وسمعتني دقات قلبه .. وخوفتي بعد تقول لي ان عندي تلوث في البول الله يعزكم
اني خفت واااايد .. لان كان عندي التهاب أبوال .. بس في النتيجة خف مني بس عندي تلوث في البول .. ما ادري هذا شنو بعد ..
عطتني ارد اسوي تحليل ابوال واتقول كل مرة بتسوي لي عشان تتأكد ان ما رجع لي الالتهاب ..
وقلت لها ابغي مواعيدي على يوم الخميس ما اقدر على الثلاثاء .. بسرعة حولتني وما قالت شيء
وموعدي الجاي 23/12 .. باقي شهر .. الله يصبرنا ..
ماتشوفين شر غلاهم
يلوعون الجبد الحمدلله ماقطوا غلطهم عليج
أنا القابلة يوم تعطيني موعد لسونار عطتني بيوم يختلف عن التاريخ ومشيت على التاريخ
شسوي لهم لازم ننتبه ونختـار
عروسة مشتاقة للجنة;13770521:
"" صــــــــباااح الــــــخــــــــيـــر "" .... شخباااااركـــــم ؟؟
والله داااايخة ماشبعت رقاااد مع اني نمت من وقت .. بس حالتي حالة مع التقلب فليل .. ما اثبت على جنب واحد عشر دقاااايق ..ان رقدت على جنب اليمين تعبت لازم أغير والعكـــــس غير الحاااارج اللي يذبح :badly:..
صباح الخيرات
الحمدلله بخير انتي شحالج؟
ههههههههه الظاهر من عوارض الشهر الي احنا فيه غلاهم
نفس الحالة على النوم والتقلب طول الليل الله يسهل علينا
AM Mariam;13770582:
صباح الخير كروشات ، شخباركم؟؟
الف شكر ريماس على القائمة الجديدة
عروس مشتاقة للجنة ما تشوفين شر
مافي جديد غير الثقل الي يخلي الواحد ما يقدر ينام لا مني ولا مني الله يعينا على التاسع
ما بديت اجهز بس شكلي خلاص مع بداية الشهر اليديد راح اابتدي التجهيزات واولها راح افصل مفرش مع شنطة للبيبي
راح اسوي إنشاء الله الترسوند ملون عند حكيمة الهاشمي في الأسبوع28 او32 للعيوب الخلقية
وسلامتكم
ام مريم
الله يسهل ونجهز وكل وحده توري الثاني تجهيزاتها :D
اذا سويتي الاترساوند خبرينا عن التجربة والنتائج