سااااااااعدوني غربلتني يادم الوريد بنااات السعوديه تكفون تعااالو والغاليات كلهم

انه اعرف ثنتين من اهل والمعارف اتزوجوا انه الزوج والزوج حاملين سكلر

وثنتينهم اول ولد حاليا سليم مافيه شيء ..

بس اهو في احتماليه كبيره انه تنجبين مصاب ..


فكري زين اختي .. والقرار يرجع اليش ..

بالتوفيق

الله يرزقج بالزوج والذريه الصالحه

مين قال ان احتمال الاصابه منخفض في احتمال 50% يكون ولدك مصاب
انا عندي مثلك حاامله بس الحمدلله زوجي مافيه’ بس سمعت ان الطب مؤخرا فيه زي الابر تنعطى للحوامل بداية الحمل ماادري شتسوي بس زي الوقائيه
عموما ربي يوفقك ويقدملك اللي فيه الخير

اختي اذا كنتي حاملة المرض اعتقد مافي اشكال
وفي ابرة تاخذها الحامل عشان ماينتقل المرض للبيبي
ودي انا متاكدة منها لان وحدة حاملة المرض وزوجها مصاب وماشاء الله عندهم بنتين وكلهم مافيهم الا العافية
لو كنتش حاملة المرض مو مشكلة بس اهم شي الزوج مايكون مصاب
وكل شي بايد رب العباد
موفقة

الله ييسر امورك اختي بالزوج الصالح غير المصاب

لانج دام انتي حامل للمرض وزوجج بعد حامل فحرام انتي ما تدرين غيرج يابو اول واحد سليم بس انتي يمكن مريض وحرام تضرين ولدج

عن تجربه لاني شفت اخواني يتعذبون من المرض

ولاني حامل للمرض زوجي الحمد لله سليم

بس بنتي حامل للمرض ومريض نقص خميره يعني مثلي بالظبط يعني ضايقني لاني ومثل انتي ما تعرفين على الرغم من حملنا للمرض إله انا احنا نتعرض لبعض النكسات وبالأخص في الحمل ونقص الدم ووقت الدوره

الله ييسر امر

بس نصيحتي اخذي سليم

اختي انتي شكلج ماشفتين مرضى السكلر شلون يتعذبون ذكرتيني بمرة رايحة زيارة لمريض عندنا بالمستشفى وكان في بنت جايبينها القسم ولله ان جسمي اقشعر من صراخها كانت فيها نوبة سكلر وكانت تصرخ مثل المرة اللي تولد والله الشاهد واكثر يمكن تدرين ان مرضى السكلر احيانا يموتون من نوبات سكلر حادة ويتبهدلون على اقل تغير جو او بارد وحار او اكلة معينة هذا غير اللي تسمعينهم يموتون شباب او اطفال بسبب السكلر وتدرين ان بعض مرضى السكلر يتمنون الموت والا العيش مع هالعذاب ويحسون انفسهم مو طبيعين ويتمنون يعيشون مثل غيرهم بدون الم ومعاناة جذي حبيبتي لاتتساهلين بهالمرض تكونين ظلمتين الطفل اللي بتجيبينة لانج عارفة قبل الزواج بهالشي واذا شفتين ضنى لج مصاب صدقيني صدقيني راح تندميين وتتمنين لو الزمن يرجع وماشفتي ضناج قدام عينج يتعذب هذا غير تانيب الضمير .. حبيبتي انتي ليش مستعجلة لابد وراح يتقدم لج واحد سليم مو شرط ان كل اللي يتقدمون لج حاملين انا اول ماتقدم لي واحد كان حامل وانا حاملة السكلر بس ماتمت الماوفقه شي اكيد الواحد لازم ينظر لقدام الشي مو سهل !! انتي تبين الزواج عشان ترتاحين وتفرحين ولا عشان تشيلين هم بعدين ترى لما يصير عندج ولد لو تشوفينة مرضان بس سخونة بسيطة تتقطعين عليه مو يكون يتعذب ويصرخ قدامج وماتقدرين تسوين شي والحمدالله بعدين خذت واحد سليم وبالنسبة للطب اذا كنتي تبين تاخذين واحد حامل وتوافقين عندج طريقين ان لما تحملين تروحين ياخذون عينة من الجنين ويعرفون اذا كان مصاب او لا وتقدرين لما يكون مصاب تنزلينة !! وهذا اعتقد مايجوز .. او انكم تلجئون لاطفال الانابيب عشان يفحصون الاجنة قبل التلقيح ويخلون لج الاجنة السليمة .. وطبعا اظن شلج بعوار هالراس !! والعملية مكلفة جدا هذا غير نسبة نجاحها الضعيفة احين المحرومين من الذرية اليي يضطرون يسون هالعملية عشان ينجبون يتمنون الطبيعي بسبة كلفتها وقلة نجاحها بس مالهم طريق واسمحي لي بس حبيت اوضح لج الشي اللي تساهلتي فيه انة مو سهل !! خصوصا احنا البحرين عندنا هالمرض معروف وعارفين عواقبة وشايفين وتقبلي مروري

في كل حمل نسبة اصابة الطفل25% وهذي نسبه مب بسيطه مرضى انميا المنجليه يعانو بشكل كبير من ألم في الجسم ومع الوقت يتحولوا مدمنين على المواد المخدره الطبيه لان العلاج الوحيد المتوفر لهم

السعاده الزوجيه تكون لما تشوفي عيالج بخير جدامج غير جذيه ما بتحسي بالهنا والسعاده لان الطفل المريض هو حمل على اهله وعلى فكره الطفل لما يكبر يحمل اهله مسؤلية مرضه لان يعرف ان هم السبب بهذا المرض

مرض السكلر عذاااااااااااااااب
ما راح تتحملين تشوفين عيالج يتعذبون و يتألمون جدامج
انتظري النصيب و لا تستعجلين
و اذا الطرفين حاملين المرض فاحتمالية الاصابة مو قليلة احتمالية الاصابة تكون 50% مصاب - 50 % سليم
أهل زوجي فيهم المصابين و فيهم حاملين المرض
و الله يشوفون الموت كل ما تجيهم حالة التكسر ألم و تعب لا يوصف
من كثر تبديل الدم المرارة تتعب و لازم استئصال
أخو زوجي جاه التهاب الكبد من كثر نقل الدم و السنة اللي فاتت كان بين الحياة و الموت و الله ستر و أنا أذكر إني وجهت نداء في هالمنتدى لأهل الخير بالتوجه للمستشفى و التبرع بالدم
من قبل 3 أشهر بس بنت حماتي كانت حامل و هي مصابة بالمرض ولدوا الجنين في الشهر الثامن لأنها أصيبت بنوبة تكسر الدم و كانوا الاثنين بين الحياة و الموت لو لا ستر رب العالمين و الطفل الحين بخير بس الأم لا زالت تعبانة و لازالت راقدة بالمستشفى و الطفل عند أمها
و حماتي الثانية ما نشوفها في البيت كثر ما نشوفها في المستشفى
21 حالة وفاة من مرضى السكلر في البحرين بس هذي السنة و كلهم في ريعان الشباب أكبرهم ما يتجاوز 38 سنة
تحبين تشوفين عيالج يتعذبون كل هالعذاب بس علشان تلبسين فستان أبيض و ينقال عنج متزوجة ؟؟؟
آسفة إذا كان ردي قاسي أو مزعج بس لأني عاصرت المشكلة عن قرب و أعرف بلاوي هالمرض و الآلام اللي يسببها

لا تتسرعيين خيوووه ..

إذا أنتين حاملة للمرض بيجيش نصيبش من واحد سليييم وهذه أرزاق من رب العالميين

أعرف ناس واجد أولادهم مصابيين وتعبانيين معاهم حتى يتمنوون انهم ما تزوجوا ولا يشوفون أطفالهم يتعذبون قدام عينهم

احنا يوم كنا في العملي خلونا في قسم السكلر يا الله لو تشوفين معاناتهم يصيحون صياح شرط الي كنا نتابعهم كبار وبعظهم مزوجيين وكم حالة مرت علينا وفاة من السكلر ..

انتين حكمي عقلش وانظري للمستقبل ككل

الله يرزقك الزوج الصالح حبيبتي ويسهل اموورك ,,


حاولي تستشيري دكتوره لانها تفهم اكثر وخبرتها اكثرر

الله يوفقك يالغاليــــــه ,, استخيري ولا تستعجلي

مشكوورين على المرررووور الاكثر من رااائع

والله يا عسل ما بعرف
بس ما حبيت اطلع بدون ما ادعي لك
ربي يوفقك ويختار لك الخير ويفرح قلبك بالزوج الصالح

اذا الزوج والزوجة حاملين للمرض هناك احتمال ولادة طفل مصاب وسليم وحامل

انتظري رزقش .. ان شاء الله ترزقين بالـ زوج السليم :)

الله ييسر لك اموووووووورك ويوفقك ويرزقك
ماادري والله يااقلبي
مااحبيت اطلع بدوون رد

والله ياحبيبتي انا حاملة المرض وزوجي كمان وجالي ولد مصاب والولد والبنت الحمدالله مافيهم شي لكن تعبنا مع ولدي الكبير شوية لانة الدم كان ينقص ويسعفونة بدم ثاني الحين لنل سنتين ما عطينة دم لان شلنا الطحال

الله يشفيك ويشفي مرضى المسلمين ..

يا عمري لا تستعجلين .. بيجيك نصيبك ان شاءالله وبيكون سليم .. تأكدي إن كل تأخيرة وفيها خيرة ..

حبيبتي .. وش فائدة الكشف قبل الزواج الا علشان يجنبون الناس انهم ينجبون اطفال مصابين لأن حرام الطفل يعيش بعذاب ويتبهذل علشان اهمال أمه وأبوه للأمر هذا ...!!!!

اصبري .. وان شاءالله ربي بيرزقك الزوج الصالح السليم والذرية الصالحة .. عاجلاً غير آجل ..