حوامل اكتووبر هذا تجمعنا 15

سلامون

شخباركم مامات وحواملنا الحلوين

المامات الله يساعدكم على السهر والتعب بس لازم تصبروا ما في شيء سهل ... أنا من غير مبالغة من الساعة 4 لي قبل عشر دقائق بس وأنا حاملة بنوتي وأدور فيها وموسوعتي الغبية تقول الطفل في هاي العمر ما ممكن يواصل ساعتين بدون نوم !!!!

عصفورتي يومياً من 3 أو 4 لحد 6 أو 7 يكون مزاجها معكر وتعبانة وتصيح أغلب الوقت بس اليوم إكسترا من كثر صياحها قلت أكيد ما في حليب وهي جوعانة واستسلمت و سويت لها رضعة ومن أول قطرة رفضتها و زادت عصبيتها وصياحها وبصعوبة هدأت وألحين لما نامت رحت اشفط شوي اشوف هل المشكلة أن ما في حليب أو ... طلع في !!!! فتعرفون شنو حسيت أن أنا السبب

اليوم زام زوجي اكرهه وتعاملت مع ولدي الصغير بطريقة خطأ وكلش متضايقة من روحي واحس هذا انعكس على بنوتي لأن في هذا العمر هم حساسين كثير للمحيط فيهم غير إن احنا ننقل لهم مشاعرنا مع الحليب فانتبهوا لهذه النقطة

................

وعن الوزن تصدقوا رغم أن أنا هم اغلب ثيابي للحين ما رجعت مقاسي وهذا شيء استغربته لأن في ولادتي الأولى فقدت الوزن ومعاه زيادة مباشرة !!! لكن مو كثير متضايقة لأن مع وزني الحالي للحين ناقصني 5 كيلو عشان أوصل الوزن المثالي !!!

بس طبعاً هذا لا يمنع الترهلات والتشققات هالمرة كمان أكثر حبتين من المرة الأولى بس أنا ما أحب اعقد نفسي ... لازم احنا نؤمن أن احنا جميلين في كل الحالات عشان ازواجنا والمحيطين فينا يؤمنوا في هذا ... إذا ركزنا اكثر من اللازم على هاي القصة شلون ما راح ينتبهوا لها ؟؟؟

مساء الخير

شخباركن ياحلوااااااااااااااات

انا البارحه محمد فديته ماخلاني انام كله يصيح وبالقووووووووووووو

من الساعه 2 لين الساعه 10 إلا ربع

وطول الليل احطه على صدري وهو يصيح واتم اهز به ع ريولي

بس اخر شي من كثر ما انا مسطله ابا انام............

حطيت ولدي بالمنز ( سريره )وانا يلست اهز بريولي على بالي محمد

على اريولي ومحمد فديته في منزه يصيح وانا اهز على الفاضي

استغربت ليش وااااااااااايد ايصارخ يوم بطلعت اعيوني ماحصلت ولدي ع اريولي

قلت اكيد طاح دورت ما حصلته عقب سمعته بالمنز شليته بسرعه لانه من فتره يصيح

وتميت لين الصبح نش ريلي الساعة 10 مسكه شوي وقمطه نمت اقل عن ربع ساعة

نشيت لقيته واعي

اخاف اليوم بعد يسهرني حدي تعبانه وخاطري انام

هلا ام سليم

شخبارج يالغالية شخبار سليم

بسير اشوف صورة

أم سليم

فدييييته الحلو اللي كبر وصار يلعب

ما شاء الله تبارك الله كبران وكل ما يكبر يحلى .. الله يحميه ويخليه

شيؤؤخية

الله يساعدك ويثيبك

فعلا مرات من التعب ما نكون حاسين لروحنا بالمرة ... أنا خلص تعودت أنام وأنا قاعدة من غير احساس حتى لما تنام شوي وارجعها سريرها اصحى مرات القى نفسي نايمة في وضعية الجلوس !!!

مساء الخير

انا للحين صامده وبقوه بعد

كل يوم ادخل اقرأ ردودكم واعرف اخباركم

صور اولادكم ما شاااااااء الله يهبلون ويشجعون الوحده تولد بسرعه

در وحشتينا يالقاطعه من زمان ما شفناش لا يكون زعلانه واحنا ما ندري

يلا راوينا صورة جمان بسرعه نبي نشوفها

لوليتا كسرتي قلبي حاسة بمعاناتك مع جسمك بس وااااااااايد زاد وزنك بشكل مبالغ فيه

يمكن عندك سوائل محتبسه وما في افضل من المشي لانزال الوزن

بنات الله يساعدكم على التعب والسهر تحملوا ان شاء الله يكبرون وريحونكم

شيوووخيه وانتي تتكلمي عن ولدك كأنك تتكلمي عن بنتي الاولى اول ما جبتها صعبه وايد وايد ونومها صعب حده

يمكن الولادة المبكره لها دور بهالشي لاني يبتها في الاسبوع 34

بنات شلون اقدر اسيطر على وضعي النفسي احس صعب ادخل ولاده ومرحله جديده وانا بهالنفسيه

اهلين الغالية ام سليم منحن بخير وماشاء الله سليم ريال

الله يحفظه لج

والله الله يعينا على التعب

در مكنون

خليها ع الله دوووووووووووم وانا يالسه عند ريلي ولا اهله انام وانا يالسه

هلا كشورة

والله يمكن لانه فديته واااااااااااايد متعبني ويمكن لانه اول واحد

ام سليم

سلامتج حتى انا اعتقد من كثرة الجلوس انا مرات اسحب محمد ويوم ايشوفني ريلي يعصب علي

اقول له انا تعبانه شو اسوي ايقول لي خبريني انا بشله

مرحبا بنات

الله يساعدكم وكل شي بأجره ان شاء الله

و الوضع عادي خصوصاً لأول مولود بس شوي شوي بيتعدل نوم البيبي


شيوخه

يمكن اللم الي عندش من طريقة الرضاعه ارفعي البيبي لعندش مو تنحنين له اثناء الرضاعه



بروح اشوف الصور وبرجع

صاااااااااااااااااااااااااااااااااااااااااااااااااااااااااااااااااااااااااااااااااااااامدة وبقووووة هع كملت 4 ايام في العاااااااااااااااااااااااااااااشر وللحين ماشي اي بوادر ولادة %___%

بيق سمايل ونوور ام وكشوورة انا بعدني صامدة للحين وما خونت فيكم>> شفتوا كيف الوفا