التجمع الثاني لحوامل شهر فبراير ((2))

الفرقد 23;13644944:
اني ما ابي اتاكد خلاص هههه مع اني مو متاكده وستحيل اتاكد الا لمى اولد
زوجي يقول لي لمى تدشين السابع بنروح بعد نجيك ههه اقول له خلااص ما ابي
خلني جدي لمى اولد احسن واريح ليي
وعن التجيهزات .. افكر اوقف ما اشتري شي الحين ..
بنتضر التخفيضات اقدر اخلص الاغراض كلها في مرة وحده
وعشان استغل التخفييضات بعد ..

بنننااات \\ قبل ما احب الحلااوة كلللش ..
الحين صايرة ادمان لازم كل يوم ابي اكل كيك او كاكو
اي شي اهم شي حلااوة
اشتريت لي تمر عشان ابتعد عن الكاكو شوي ههه

بل انا مثلج

والله اجي الدوام الصبح على الكافتيريا اخذ لي ايس كريم ساندوش جان تعرفونه

ولما اروح اصلي بعد امر الكافتيريا اخذ واحد

وقبل لا ارجع البيت اخذ واحد

صايره مدمنه ايس كريم

عاد الحين يوم قرب وقت التحليل دش في خاطري االيس كريم

بالنسبه للتمر ترى وايد زين للحامل يقويها

انا عمتي ام زوجي كل ماتشوفني تقولي اكلي تمر زين لج وللياهل يعطيج قوه وقت الولاده

ف الحين صايره احبه وماستغنى عنه وقت الغدى

أريـــن;13648604:
اهلين بنات ..

اليوم احس بطفش عجيييب ..

والله فيني كتمة بس ودي اتهاوش مع احد ..

يوم تناقشت انا وزوجي فرحت قمت صحت وطلعت اللي بقلبي ..

وماسكني صداع من المغرب عشان نمت نص ساعة وصحاني عبودي ومسكني الصداع ..

امممم وش بعد ...

ايه احس علطول اجوع اليوم وبنفس الوقت مااشتهي شي وعلطول اشبع ..

وحركة البيبي ماشاء الله تعورني احيانا .. واحيانا مااحس فيها ..

برررب

ترى مع الحمل الوحده تصير حساسه حبتين

انا احيان ريلي يقولي يبي شي وانسى اسويه

لما يقول وين اللي قلت لج سويه

احس جنه يهاوشني مع انه عادي يتكلم

وتجيني الصيحه بس عشان قالي ليش ماسويتي

بعد الحين انا ارحم انا في حملتي الاولى

كنت على طول مخيسه النفس ومبوزه والله كانت وايد تصير مشاكل بيني وبين زوجي بسبب الحمل

ماكنت اعرف شنو النساه وهالخرابيط

بس اكتشفت في الاخير اني متنسيه على البيت وعليه ههه

الحين اول ماحملت قلت له لا تزعل اذا شفتني ماده البوز ولا معصبه هاي كله من اللي في بطني مب مني خخخخ

الحين الحمدلله صار متفهم

ههههه سقاني
صار خاطري في أسكريم سندويج هههههه طرشي ليي مالي شغل
ههههه إنيي بعد أول ما تنسيت على طول على أبو الشباب وشقتي ههههه كرهتهم
ضليت في بيت أبويي لمى خلصت الوحام ههههه الحمد الله إمي فهمته ان هالشي عادي
وأوكي تفهم الوضع الحمد الله فتر وعدت

مرحبا

كيفكم كروشات

اليوم صاير عندي ملل مو طبيعي
ابغي اطلع ابغي اروح اي مكان بس الحجي طلع يودي السياره الكراج يعني شكله اليوم ما في طلعه وامس بعد ما طلعت خلاص النفسيه اعتفست

بنات الحين بكتب الاشياء اللي اجوف تحتاجها الحامل

عشان نعرف وش ناقص ووش اللي موجود

واللي عندها اشياء زياده تحطها

هالاشياء بالنسبه لي اشوفها ضروريه
بغض النظر عن الملابس

نحتاج فوط اكثر من فوطه عشان لو توسخت يكون في بديل وفوطه نخصصها بس لما نغسل البيبي نلفه فيها

وفوطه تكون بالشنطه اللي تحطين فيها اغراض البيبي

مشط لو كان اقرع ولا تفكرون تقرعونه مب لازم ههههههههههه

مقص او مقراض اشوف ان المقراض اسهل

جهاز لقياس الحراره انا اشوف اللي نحطه بالاذن اسهل لان الانواع الثانيه الطفل يتضايق منها

جهاز تعقيم المراضع <<< انا هاي ما خذته كنت اغلي المراضع في ماي على الفرن

اسفنجه اللي نحط عليها البيبي لما نسبحه عشان ما يزلق لا سمح الله

طشت حق البيبي احسن من ان نسبحه بالمغسله احس الحمام يخوف

اسفنجه لتنظيف الجسم نختار نوع ناعم مب خشن

مقسم الحليب اللي ينحط بالشنطه

دله صغيره للماي الحار نتأكد منها قبل لانستخدمها انها ماتبرد الماي

مرضاعه للماي

سودو كريم لمنطقه الحفاظات

مصاصات عشان لو طلع صياح

مراضع زجاج (ترى سمعت ان البلاستك مب زينه للأطفال في الاخبار لان الماده اللي فيها تذوب مع الماي الساخن )

فازلين

وزيت بيبي اويل شامبو بودر بس لاتكثرون منه لان يسبب ربو وجفاف في الجسم <<< سمعته في لمسه حنيه

مناديل جونسون عشان لما نغير للبيبي ننظفه فيهم بدل الماي

صابون خاص لملابس البيبي عشان مايتحسس جسمه من الصابون العادي بعدين ثياب البيبي تنغسل بروحها

زيت زيتون عشان كل ماصداه مغص نمسد بطنه فيه

ملابس داخليه لنا طبعا قطن والستيان افضل قطن كامل بدون حديد لان الصدر يعور اول الايام من الحليب وسهل للرضاعه

فوط حق الصدر عشان الحليب ما يوصخ الملابس <<< هاي حق اول ايام

ديتول الاخضر حق بعد الولاده

انا كنت استخدم بنج موضعي كنت احطه على الخياط بعد ماولدت لاني ماكنت اقدر اتحرك ف كان يخفف لي الالم

فوط صحيه لحد يستخدم الوز والله كلش مب شي

وبس هاي اللي يحضرني الحين

ميقات \\
الله يكون في العون اكره شي احبسه في البيت
اني بعد اذا اقعد باليومين احس روحي مخنوقه والنفسيه زفت ابي بس اطلع
لو اروح بيت ابويي اهم شي اتباعد عن شقتي شوي
وساعات ما احب اطلع كلش يصيدني بالثلاثه ايام قاعده ما اشوف الشارع وعندي كلش عادي
هههه الحمل لاعب فيني لعبه ...

سقاني \\
مشكووورة على التذكيرر خيووو .!!

العفو خيووو

هلااااااااا كروشـــاااات
ادري صارلي جم يوم ما بينت , عاد الحين بقرأ الواجب وبرد عليكم
انشغلت ويه اختيو بيت ابوي قاعدين يعدلون ويشتغلون فيـه واني هالفتره مقيمه عندهم
من جذي ما عندي مجال ادخل النت بالمره


برب << << أقرا الواجب

إئي ما تبينين
الله يكون في عونكم
يا الله أقري الواجب وتعالي

ميقــات : ألف مبرووووك البنوتــه , الله يجيبهـــا بالسلامه
وتبلغون فيهـــا ,,
أفااااا ما سمعت عن تخفيضات سنتر بوينت

وباقي الكروشات ,, مبروك عليكم مشتريات الكتاكيت

مرررررررحبا يابنااااات كيفكم وكيف بيبياتكم
يارب تكونو بخيررر..

اليوم رحت للدكتوره بدون موعد من رااسي
الموهم كشفت عليه وشفت النونو بالشاشه وعطتني صوره
بصرااااااحه خفت :-oشكل النونو مره مش واضح قعد اركز:confused:
بالاخير مدري شو تخيلت قعدت اصيح بعدين تعوذت من ابليس
ورديت اركز مدري شنو يتهيأ لي.. بالاخير قطعت الصور
وتوكلت ع الله

[COLOR=SeaGreen]عاد الخبر الثااني قالت لي انتي بالاسبوع 31 ويومين والولاده في 10 يناير:-o:-o
قلت تستهبلين كنتي تقولي 18 فبراير شو صاار قالت والله هذا طالع ع الشاشه شوووووفي^o)

[COLOR=Red]اخاف اروح المره الجايه تقول يلا ع الغرفه بنولدك:hysterical::hysterical:

[COLOR=Orange]معقووووووله كانت غلطانه عاد الصوره الي عطتني فيها فوق
وزن الجنين وكم اسبوع وكم يوم وتاريخ الولاده.

[COLOR=Magenta]عااااااد من صار له كذااا !!!!!!!!!! لاني مش مصدقه
[/COLOR][/COLOR]
[/COLOR]
[/COLOR]

حبيبة لولو

يووووو شلون جدي \\ ..
احسبي تاريخ اخر دورة جتش ماعليش من الجهاز
يمكن مثل ماقالت ام فطوم الجهاز مخرف ..

اااييي حبيبة لولو الببيي ما يبين واضح في الصور بس صوري فيديو وبتشوفيه اوضح

واكيد الجهاز على قول الكل مخرف ما عليش منه او جيكي في عياده ثانيه

سقاني مشكوره وكفيتي ووفيتيي

الفرقد اني ما اتحمل اقعد فترة طويله في الشقه حدي يومين اني ما اطلع واذا ما طلعت تعالي شوفي النفسيه

جمال الزهره ياهلا ومرحبا شرفتينا حبيبتي
الله يبارك فيش ويبلغنا نشوف بيبياتنا بخير وبصحه

هلا والله
ام فاطمه والفرقد
مدري ولافكرت بيوم احسب ولا اعرف اصلا
واخر دوره كانت بشهر خمسه عاد اي يوم ممكن 5 او6 ودورتي منتظمه تأخذ تقريبا 6 ايام

ميقات العمر جد ياقلبي انا اخذت صوره بشهر 2 وبشهر 5 وكانوو يجننو واضحين وكيوت وكنت متحمسه لهصوره بس جد اتفأجأت مافي ملامح واضحه ومقربه كثير الوجه بصرااحه مدري وشو ذا:-o
والدكتوره تقول ياماشاء الله بتجنن البنت :-o وانا مو شايفه شي^o)^o)

[COLOR=Green]والله زوجي جنني لحتى رضى يأخذني ع الدكتوره يقول مافي موعد
عاد لو اقوله ابي دكتوره ثانيه:mad::mad: بيعصب عليه

[/COLOR]

حبيبة لولو \\
احسبي من كل شهر تاريخ 6 او 5
وشوفي جم شهر صار اليش

هههههه وعن الصور \\ اني بعد اول مرة صورو لي صورتين في المركز وحده واضح فيها انه شكل الراس والعيون والرقبه
بس لصورة الثانيه ليومش هاذا ما ادري وش فيها \\
ومرة الثانيه رحت عند منى الشرقي
صورت لي صورة وحده بس حق العمود الفقري واضح عددل \\ بس ما ادري وش معنى العمود الفقري شنو اسوي فيه يعني ؟؟!!
ارتحت اليها من ناحية انها طمنتيني عن البيبي \\ بس الا ضايقني انها تقول بسرعه بسرعه احسها مستعجله واجد واجد ..
والدكتورة الي في المركز كانت على راحتها ومروقه اكثر منها بوواجد ..
عامتنا الدكاترة في الخاص لو في الحككومي مثل الشي \\ هههه

الفرقد حبيبتي يوم قريت احسبي عورني راسي
ماافهم شي ..
اذا احد يتبرع لي مشكوووووووورين

الصوووره اااااه ياقلبي ياريتني مااخذت صرت موسوسه
وادخل ع القوقل وادور صور اجنه وبقق فيهن زين ومو طالع معي شي..

يلا الحمدالله والله يصبرني للموعد الجااي بمووووتها اذا ماتعطيني وحده واضحه زي الناااس

ههههههههههه عادي الصووور

الحين انتين في الشهر السابع يمكن بداية السابع

بس اذا في بنات يعرفون يحسبون احسن ان شاء الله يحسبون اليش

ههههههههههههههههاي يارب ارحمني
الله يرج هالدكتوره بس

حتى وزني اخر مره قالت 65 اليوم تقول ماشاء الله وزنك 65:!!::!!:

قلت يعني مازدت قالت لا اخر مره كنتي 63:-o

يا انا ماانتبه يا هي مخررفه وتعباانه من الدوام وانا الضحيه