التجمع الثاني لحوامل شهر فبراير ((2))

العفــو عنونــي
وانتــي من أهلـه ,, نوم العوافـــــي

هلا صبااااااااااياااا


نعسااااااااانه وتعبانه

من الصبح قعدتي


بس من الوناسه مو مصدقه خلصت الامتحان ومو قادره انام هههههههههههههههههههههههههههههههه


الا صحيح جهزتوا للعيد لو لا؟؟<<ماجهزت الاخت

ما جهزت خخخخخخخخ
يدوب أجهز لعرس أختــي , الاولى فالأولى
والصراحه الميزانيـه ما بتتحمل طلبات واجد صارت كلهــا في مره
زواج اختـــي
العيد
ثياب شتويـه لهدوي
تجهيزات النونو الجديد

وبالنسبة لنـا محرم جاي عالأبواب

تخيلي الكم الهائل , السالفه يبي لهــا كنــز
الله يكون بالعـــون

صباح الخيررررررررررررات

ماشاء الله تبارك الله فرقود حلوين الثياب بالعافية على حسون وماشاء الله تبارك الله عجبني اكثر شئ الشباحات حق اي لوف مام;)

سقاني حليو المفرش ماشاء الله بس ان شاء الله يضبط ويسونه مثل ماتبين يارب:)
وماتشوفين شر وليش الدم ينزل منك ماعرفتي السبب ربي يتمم لنا على خير يارب

جمولة الله يكون في العون عاد يشين السمن والله بعد الولادة يبغى لنا سمكرة عدل لان من الحين شكلنا صاير كذا:confused:
والف الف مبروك لااختك وربي يتمم لها على خير ويرزقها الذرية الصالحة يارب:)

نص دكتورة الف مبروك حبيبتي وعقبال الوظيفة يارب:)

ميقات مو كأن اني سامعة التخفيضات راح تكون شهر واحد مو 12 على العموم السعودية راح تنور:)

امممممممم اعتقد هذا الي فاتني ومانسيت حد:)

طوق الزهور;13586241:
كروشات حدي مقهوره :mad::mad::mad: اتكشخت وتعطرت وطلعت ملابس حلوه قلت خلني اتكشخ لابو الشباب اليوم جالس معانا بكره مافي دوام بيسهر معانا الا يفاجاني يقولي انا طالع ايش تريدا اجيبلكم :rolleyes:انا هذاك الوقت صرت كذا:I::(:'(:badly::mad: ايش طالع الله يحفضك وخلاني انا ولدي وحدنا في البيت واحس راسي بدا يوجعني من القهر ارتفع الضغط

أريـــن;13578669:
رسيل .. حبيبة لولو

ضحكتوني الله يرجكم ههههههه

لاتقلقون من الوزن وعطوا نفسكم فرصة لاسترجاع وزنكم

لانه علميا غالبية الامهات مايرجع جسمها مثل قبل الحمل الا بعد 6 شهور من الولادة

لا تضيق صدوركم..

واذا انتم مثلي ..

بولادة عبودي اول ماولدت نزلت 6 كيلو دفعة وحدة ..

3 كيلو البيبي و3 المويات والخرابيط ..

بس رجعتها بالنفاس خخخخخ يافرحة ماتمت ..

وفعلا رجعت لوزني قبل الولادة بعد 6 شهور ..

صحيح إنه ينزل الوزن تلقائيا .. بس وش يبي يصبرني 6 شهور
زاد وزني ببنتي بس مو مثل هالزيادة هههههههههه
أهم شي صحة البيبي ..
بالعكس أكل النفاس جدا صحي ومفيد مو مثل أكلنا الحين ..

جمال الزهره;13579065:
تتكلمون عن الأوزان
قبل الحمل كان وزنــي 64 أو 65
والحين 75 :|

رســوله & حبيبــة لولو

ضموني وياكم
احنـا امتن كريشات
بس سبحان الله ما يبين المتون ,, لا تنسون السائل اللي يحمي البيبي له وزن والمشيمه وكل شي يعني الوزن مو شرط يكون في البيبي ولا حتى في الأم

في حملي بهدوي زدت تقريبا12 كيلو ,, لكن بعد الولاده نزلوا ما شاء الله
ان شاء الله بعد هالمره ينزل وزني

أكيد مو كل شي بالأم
أنا بحملي ببنتي زدت بس 7 كيلو
عشان كذا مستغربة من هالحمل للآن 11 كيلو :(
مشكووووورة ع الجدول الله يعطيك العافية

حبيبة لولو;13579099:
مررحباااا
هلا بك جماااال هههه الله يستر .. احس الزيااده مو واضحه بس اذا حد شاافني
يقوووول دوووووبه..؟ يمكن لاني كنت نحيفه ماتعودو هع

الله يطمنك ارين ان شاءالله تخلص الولاده هذا اكثر شي شااغل بالي وخاايفه..
والوزن مو مشكله بعدين نتفااهم

بكررره بروووووح دكتووره
زوجي حط اسيد بيفجر الماسوره حق المطبخ وشميت كثييييييير
بعدهاا صار بطني يعورني وابي استفرغ مدري من الريحه
قلت اصبر اليووم بس ماتحسنت ومحد عنده خلفيه..
نااااااطره ع ناااااار ابي اروووح اطمن .. ادعولي تكفووون حدددي خاايفه

إن شاء الله ما يصير إلا كل خير
ما تشوفين شر

رموووو;13580296:
هلا بنات كيفكم

هلافيك .. تمام الحمد لله
لا تقطعين فينا ;)

yara911;13581751:
صباح الخير شخباركم امس ماقدرت ادخل بنتي تعبانة شوي وماخدة وقتي والحين هي نايمة قلت اشوفكم شوي
البارحة كان عندنا حفلة خطوبة خالتي ومارحت ضليت معاها
بس نفسيتي احسها متعكرة شوي مو مرتاحة باي لبس كل ملابسي ضاقو عليي ودا رحت السوق ما احب اخد اضايق اني اخد اكبر من مقاسي

الله يعينا بس على الثقل اني مليت من الحين لان من زمان نسيت الحمال والتعب وعيالي جبتهم على بعض ماحسيت غير الحين كبار ويحتاجوني وشغل البيت

هلا فيك ..
ما تشوف شر البنوتة
أما اللبس سالفته ثانية إن رحت للمحلات المتخصصين بالحوامل لبسهم كلش مو حلو والماركات العادية متى تلاقين القصة الواسعة ..
الله يعينك يارب ويسر لك

الفرقد 23;13582620:
مرحـــــــــــــــــــــــــــــــــبااااا
شخبااااااركم وش مسويييين صدق صدق وحشوتني :lol:..
جنه صار ليي دهررررر ما دشيييت .. ههههه
قريت كل الي كتبتونه .. وحيا الله الجدد الي انتضمو الينا ولله يسهل على الجميع ...

اقول لكم بنااات والله ماني مصدقه السونار كلللش :lol: مع ان الا يجي من الله حياه الله
ماعندي اعتراض على شي ..

اني امس رحت بيت ابويي تغدديت وعلى طول انظلقنا السعوديه ..
ما شاء الله واجد مغيرين الشوارع وتحويلا ومدري شنو واحنا من زمان مارحنا السعوديه ههههه
وبس تخضخض بطني ههه :lol:..
رحنا اول شي الهرم ماشفت فيه شي واجد وافتريت بسرعه بسرعه
واخذت جم شغله منه وطلعنا ويا اذان المغرب وسكرو علينا
وطلعنا على طول المسجد صلينا وارتحنا شوي عن التعب ..

بعدين رحنا ستي ماكس وافتريت فيه فيه اشياء واجد حليوه بس حق بيبيات كبار ههه يعني مال سنه ورايح وحصلت جم شغله واخذت ليي \\ وتوني رايحه فوق الا بندو اليتات بيبندون عشان صلاة العشا .. بس شفت اقمصه حلوين على قدي بجمات حق الحمل ههههه بس مافي مجال .. نزلت بسرعه بسرعه وحاسبت وطلعنا ..

ورحنا بعدين طابا .. مافيه احد :lol: ولا مرة رحته مافيه بحرينين وااااااجد البارحه مافي احد واجد .. في بحرينيين بس معدودين على الاصابع ..
واخذت جم شغله بعد من عندهم مافي شي محايد:lol: >> مو متنازله ..
وبعدين طلعنا \\ الا الشارع الا متعودين نطلع عليه مسكر ههه واخذنا فره وش كبرهااا وطلعنا على لخبر وطيران على البحرين وخلاص رجعت متكسرره حددددددي ... واشترينا عشا وتعشينا وعلى طووول نمت ماقعدت الا ويا اذان الظهر صليت وقعدت الحين اكتب ليكم التقرير :D

هدررت وااااااااااااااااااااااااااااااااااااااااااااااجد :lol: ..

بتغدى بعد شوي وبصور لكم الا شريته وبراويكم :D ..تســتاهلوون F:

هلافيك .. نورتينا خيتوووو
فيه عندك مجمع الراشد فيه ماركات أطفال حلوين وكمان مجمع الظهران لما أروح ع الخبر ما أروح إلا لهم ..
توكلي ع الله وخذي أغراض أولاد ما أحب المحايد أبد ما تحسين إنك جهزتي ههههههههه
امم حلوين أغراض البيبي يتهنى فيهم والله يجيبه بالسلامة يارب

طوق الزهور;13582946:
هلا كروشات اخباركم جميعا اشتقتلكم انا صراحه ما بقول وزني :-#لاني صراحة دبدوبه صايره فشله:o بس الي مساعد شوي اني طويله بس ملابسي كلها صايره ضيقة بالكروشه بس القهرانه يقولوا لي انه كروشتك لسه صغيره بس انا اشوفها خلاص واضحه :mad:
الموهم رحت يوم الاحد موعدي على الساعة 10 وما رضوا يعالجوني لاني متاخره وكان كثير زحمه وقالوا تعالي اليوم الثاني الساعة 7 بس رحت الاثنين وعملت اترساوند بس كالعاده ما شفت شي الدكنوره اتشوف لحالها واقولها اريد اشوف ولا كانها تسمعني بس اكدتلي بجنس البيبي ولا قالت شي وعاد انا سالتها كيف البيبي وقالت بس زين ولا زادت اي كلمه انقهرت حدي :mad:بس لما رجعت قلت لزوجي قي اقرب فرصه اريد اروح عياده واشوف البيبي
سوري تكلمت كثير ازعجتكم بقصة حياتي

الوزن كلنا ف الهوا سوا ;)
صادقة راحمنا الطول وإلا نكون تحفة صح
الحمد لله تطمنتي ع البيبي وعقبال ما تشوفينه بحضنك

نوادر العرب;13582981:

ماكو طلعه ابد اغير السرير للحمام واحيانا ها افتر في البيت شوي:confused:

ماتشوفين شر
فترة وتعدي إن شاء الله







نص دكتورة
ألف مبروووووك النجاح
بالنسبة لـ لبس العيد خذيت لي بلوزة رسمية من زارا
وبنتي كمان خذيت لها قبل شهر كم لبسه
يعني تقريبا مخلصة من فترة

مرحبا بنات شلونكم


كان عندي موعد اليوم مع الدكتوره

الحمدلله كل شي عال العال

والبيبي يسلم عليكم كلكم

عطتني موعد حق لوعه الجبد اقصد تحليل السكر بعد 3 اسابيع

ومن الحين افكر شسوي بحملي الاولي سويت تحليل وطلع عندي السكر مرتفع شوي وقالت بنعيده

على بالي بنفس الطريقه لكن كانت الصدمه

اول مارحت سوت لي تحليل بعدين عطتني العصير مادري شنو اسمه اشربه كان مركز ماقدرت استحمل بس شربته

عقب سوت لي تحليل بعد ساعه

وبعد ساعتين بعد سوت لي تحليل

بس كان في تحليل بس ماقدرت اغمى علي بروحي عندي فوبيا من الابر

يمكن نص ساعه اقعد على الكرسي كل ماجات تحط الابره اسحب يدي واقول لهم صبرو شوي

لازم احد يكون معاي لاني كل ماسوي تحليل يغمى علي من الخرعه

والحين ميته من الخوف من هالتحليل اقول يصير ما اسويه

بس قالو لي لا ضروري اسويه

والله يكون بالعون

مرحبااااا \\ ...

جمال الزهره ..
الله يكون في عونش .. اكره شي اذا يصيدش اكثر من مناسبه في مرة وحده تحسين روحش ضايعه ما تدري تسوين ويش وتخلين ويش وخاصا اذا كانت الميزانية محدوده :hysterical: ..

نوادر \\ ..
تسلمين حبااابه :D اني بعد زيد شي عجبتني اهي ههههههه :o

هنووف \\
:lol: هههههههههههههههههه لا تحدينها على المعاصي ..


ينابيع الزهور \\
مشكوووورة خيوووو ... اي سويت عند وحده في عالي مو معروفه اهي بس مال عالي يعرفونها :lol: وغاليه واجد .. بس للحين ما استوى الفراش :hysterical: تمهل وااااااجد وااااااااجد رايحه اليها يوم لكنت في الشهر الرابع بدايتة تقريبا .. وقلت اليها شهر 12 ابي اجي اخذه (( يعني مو تتاخرين)) :lol: ...
ان شاء الله من يجهز احطه اليكم :D ..


رسووولة \\

ادري خيو عن المحلات \\ بس اني مفكرة اذا بتشري من محلات الماركات باخذهم من اهني
قلت بروح مجمعات عاديه الان اهني ماعدنا هالسوالف :lol: عندكم اشياء فلتاات ورخاااص حدهم ..
ان شاء الله بتشري الباقي من اهني \\ عدنا بعد ماركات خير من عند الله :lol: ...

سقااني \\
الحمد الله تطمنتين على البيبي \\ سلمي عليه واجد هههه
حاولي لا تاكلين سكريات في هالاسبوعين هههه على ما يجي الموعد ان شاء الله مايكون عندش سكر ..
خلي زوجش وياش عشان لا يصير فيش شي الله لا يقولة ..

الله يساعدني اني بعد حزبانه للتحليل من الحين عطتني موعدي تاريخ 30\11 ...

بالنسبه للعيد

الحمدلله خلصت خذت من ماليزيا فساتين وشنط وجواتي الله يعزكم

عاد ذكرت اني ابي عبايه

بس قلت ماراح اعور قلبي الحين مافي وقت حتى لو بيفصل لي مابيضبطها نفس ماسوى فيني في عيد الفطر

خل اقولكم قصتي مع العبايه في عيد الفطر

رحت له قبل العيد باسبوعين وديت له موديل عبايه

قالي 28 رمضان تعالي اخذيها

بالصدفه كنت طالعه مع ابوي قلت بمر اشوف وش سوى مع العباه كان 27 رمضان

وكانت الصدمه انه للحين ماسوى العباه قلت له ليش قالي ماحصلت سامان

قلت له وليش ماتصلت قال انا اليوم بروح اشوف وبتصل بالليل

قلت بننطر بنشوف وش بيسوي

في الليل اتصل لزوجي قاله ترى انا ماحصلت تعالو اختارو موديل ثاني

ورحت له 28 وعطيته موديل بسيط كلش مب حق عيد حتى قالي اوكي

وقال انه بيخلصها اليوم الثاني الظهر

وكل هاي وانا وريلي ماسكين اعصابنا

راح له ريلي اليوم الثاني قال انا ماسويت مافي وقت اختارو اي عباه من المحل وانا بعدل القياس

عصب عليه ريلي وتهاوش معاه واتصل لي قال ترى ما سوى العباه كنت بصيح اقوله خلاص ما بعيد

قالي معليه بوديج اي محل ثاني اخذي جاهزه

قلت له مافي وقت حتى لو باخذ جاهزة مايرضون يصلحونها الا عقب العيد

قالي اختاري انتي الحين اي عباه وانا عقب بوديج احسن محل بفصل لج

كنت شايفه عنده موديل بس كان شوي دفش بس شسوي اضظريت اني اخذها قاله ريلي جوف تصلحها وفالليل بنجي ناخذها

واذا ماخلصت انا بكلم حمايه المستهلك انت عطيتنا تاريخ والمفروض ان العبايه تكون مخلصه بنفس التاريخ

عاد هو خاف وخلصها فالليل وانا رايحه اجرب العبايه قبل لا اخذها والله كل اللي كانو عنده في المحل يتهاوشون معاه

وكم وحده كانت تصيح مخرب لهم عباياتهم

ولبس عقب قلت توبه اول واخر مره افصل عنده مع انه وايد مشهور في قطر بس على وشو

ف ما ابي اكرر مأساتي ان شاء الله بعد العيد بفصل

يا الله \\ اكره شي هالمواقف تصيير ..
صدق قهر.. الضاهر ان طمعان يبي يخلص اكبر عدد قبل العيد ولا قدر يحلق بس حرام جدي يقص على الناس
الحين الحركة الي سواها بتنزل مستواه من بعد ماكان مشهور ..
اني في عيد الفطر كنت بعدي ويا الوحام سويت لي عبايه ساده ولافيها شي الان ادري عن روحي ما بطلع في العيد
ولا شي بس بنقعد في بيت ابوي العود .. ولحين هالعيد قلت بفصل لي حده ناعمة عاديه بس مافي مجال ولا لي خلق اروح افصل شي

بس سويت لي جلابيه نااااعمه جدا جدا جدا في يشمك قالت لي 10 ايام وتستوي الحين صار لي 13 يوم ولا اتصلت لي عشان اروح اخذها
اخاف اروح اضرب مشوار من اهني الى يشمك ولا جهزت ..

اتصلي احسن قبل لاتروحين

قاصين علينا هالخياييط

ههههه اي والله \\ شايفينا غصبا عنا بننتضر هههه احنا المحتاجين

السلام


كيفكم


حبيبتي سقاني السكر المرتفع في الحمل او سكري الحمل له اضراره على البيبي والاضرار كثيره


فانصحك سويه وكلكم يابنات لازم تسووه عشان لو لاقدر الله فيه سكر حمل لازم تسوو حميه والا البيبي رح يتضرر قلبه وامعاءه غير انه رح يكون حجمه كبير ويااما يولد قيصري او يخلعوا كتفه او يموت في الولاده


لاتستهينوا بهالامور


لانه مابيحطوها لكم على ولا شي

ياااااااااااااااااااي


مااجمل شعووووووووووووووووووور الفضااااااااوة


ترى الفضاوة جميله بس مااحد يعرف لها قدر<<الاخت مستانسه خلصت الامتحان ههههههههههههههههههههههههه


بنات عادي لو جهزنا في محرم وصفر بعد العشره صح؟؟


احس مابخلص في هالمده القصيره



خصوصا خصوصا انه العيد جاااي وعلى الاقل يبغالي اجهز للعيد لي ولزوجي وقلت بخلص مثلا المفارش في هالوقت كمان



شو رايكم؟؟


وقلت على نهاية ذي الحجة بروح اصبغ شعري


لانه الكوافيرات الحين زححححححححححححححححححححححححححححححححححححححححححححمة جدا ومالي خلق استنى 456456 ساعة

يا دافع البلااا \\ الله لايقولة ويصيدنا شي ..
وان شاء الله كلنا بنسوية مو عشانا احنا \\ عشان الروح الي داخل احنا مسؤلين عنها ...