انا عملت لزوجي عمل

السلام عليكم اخواتي
انا بقول الصدق انا عملت لزوجي عمل يعني سحرته وصار بايدى زي العجينة :cool::cool::cool::cool:
وبدي كل وحدة فيكم تعملو لزوجها
انا زوجي قبل ما اتزوجه كان سيء كثير مع اهله ويضرب اخواته
واصلا زوجوه عشان يخلصو منه وانا طبعا كنت كبش الفداء
بس شوفي انا شو سويت
من اول ما تزوجنا عملت لنفسي بريستيج ووضعت حدود للكلام وشو مسموحلك تحكي وشو مو مسموح
وبعدين حسسته انو انت انسان جميل جدا وطيب وخلوق حتى لو ما كان فيه هاي الصفات انا زرعتها جواته
والمرحلة الي بعد هيك اعطيته الاهتمام والاكل الطيب ونظافة البيت ولروائح العطرة ودللته مثل الطفل الصغير وازود كمان
حتى تغيرت جميع تصرفاته وصار يحسب ميت حساب للكلمة قبل ما يحكيها
ولصلاة ما يقطعها كل صلواته بالمسجد
حتى تغيرت معاملته لاهله وصار كثير احسن
بس طبعا امه ما تقول الا انو عند زوجته صار زي الخروف
وتقول اني انا عامليته عمل بس انا فعلا عملت تقريبا سنه كاملة وانا اعالج فيه مثل الدكتور النفساني:sick:
الي بدي اوصله الكم ما في انسان بطبعه سيء خصوصا الرجل
وانا اكتشفت انو تصرفاته مع اهله كانت ردات فعل لتصرفاتهم
الرجل طفل صغير بحاجه للاهتمام والرعاية
بس لازم انك اتحسسيه بستقلاليتك وانك الك راي وشخصية