الأُمومة;13544244:
طيب عملتى ايه النهارده محكتيش؟؟
عرفينى بالتفصيل
معلش اليومين دول مش بدخل كتير
بس اتركى اخبارك هنا وهقراها باذن الله
ومتقلقيش انا مبدعيش لنفسى لوحدى ابداً
ويارب يارب يارب يقر عينك بطفل فى القريب العاجل ونسمع كلنا خبر حملك يابيبى ياربي
اارحم الراحمين
لحظة كتابتك لهذا الرد انا كنت في المستشفى
ذهبت بالامس صباحا كان ميعادي بالمستشفى الساعة 8 صباحا وتاخرت في اللبس وتجهيز الفطار لزوجي ونزلنا من البيت تسعة الا ربع وكانت امي وابويا معانا الحمد لله ... المستشفى المفروض مش بعيد عننا هاهاهاها بس نسيت مكانها وندخل من شارع وندخل في شارع وابويا ماشي ورانا بسيارته ولا عارف احنا بنخرج من شارع وندخل في شارع ليه و نفوته بالسياره يرن عالموبايل انتوا فين احنا في شارع كذا .. اطلع الكوبري ما تطلع الكوبري واتاخرنا وتعصبت ووصلنا المستشفى باعجوبة الساعة تسعة وربع ... وكل هذا وانا اقول لنفسي التاخير منن عند الله اكيد الميعاد هيتلغي ولا خير في اجراء العملية ولكن ذهبنا ودفعنا الفلوس وسجلت اسمي وعرفت رقم غرفتي وانتظرت حتى تتم اجراءات تسجيل الدخول ... ما كان فيه عدد كبير منتظر واحد او اتنين باكتير ... وشوية وبدأ الحوامل تهل ...قلت بشرة خير كلهم جايين ميعاد ولادتهم مع الدكتور اسامة شوقي ماشاء الله ربنا يقومهم بالسلامة وطلعت الحجرة
جه دكتور مناوب اقاس لي الضغط واخذ بيانات عني واعطتني الممرضة روب العمليات المفتوح وبونيه للرأس وقالت لي اخلع اي حاجة معدن انا لابساها كالدبلة والحلق والسلسلة ولو فيه طقم اسنان هاهاها قلت لها والبروكة كمان؟
و فضلنا اعدين كتيييير اوي على الساعة واحدة ونص لما اخذوني للعمليات ... كل الوقت ده كان الدكتور اكيد مشغول في عمليات ولاده الله يبارك له وعقبال ما ينشغل معي في ولادتي يارب
خرجت من العمليات قالولي اني جلست بالعمليات ساعة الا تلت اعطوني عقنة مسكن وكتبولي على ادوية ... مضاد حيوي طبعا علشان مايحصلش التهابات من المنظار ... لبوس مشكن .. فسألت هل عند الالم فقط قالت لي الممرضة الدكتور مش كاتب عند اللزوم الدكتور كاتب لمدة خمس ايام يعني تاخدي سواء في الم ام لا كل 12 ساعة علشان يتنظم الانقباضات ... وثالث دواء هو هرمون في قرص مدور كدة فيه 21 قرص نصهم ابيض ونصهم احمر واسمه سايكلو بروجينوفا تقريبا لمدة دورتين من خامس يوم الدورة ولكن قاللي ابدأ من يوم العملية وبعدين لما تجيلي الدورة ابدأ من خامس يوم الجرعة الجديدة ... علشان بطانة الرحم
وقالولي اجي للدكتور اسامة الاسبوع القادم علشان يشرح لي ماذا تم في العملية ويديني السي دي الي متسجل عليه العملية ...لكن الدكتور اسامة نفسه ما دخليش بعد العملي ةوماشوفتوش الا قبل العملية في الوضة جه يشوف الاشعة وفي اوضة اعمليات قبل ما اخد البنج ...بس بسم الله ماشاء الله عليه محترم اوي ... خرجت من المستشفى بعد اذان المغرب ونمت في بيتي وصحيت النهاردة كويسة الحمد لله بس مدروخة شوية يعني حاسة اني نعسانة بس قلت لازم اطمنكم ...هروح انام تاني وربنا يبارك لكم كلكم ويديكم الي بتتمنوه
صاحبة السمو الملكي;13546756:
متواصله معكم
والله يكتب اللي فيه الخير لي ولكم ان شاء الله
قدر الله وما شاء فعل
واحنا كمان متواصلين معاكي وبندعيلك وبندعي لكل الاخوات
اللهم اعطينا جميعا الذرية الصالحة في القريب العاجل واكتب لنا الخير في الحمل و الولادة اللهم امين امين امين