زملتي بالدوام تستغل طيبتي وسكوتي

ب

بيااارق

عروس مشاركة

15-10-2010 | 09:22 PM

السلام عليكم ورحمة الله وبركاته

ادري ان زملتي راااح تقرأ الموضوع لانها تمر على المنتدى بعض المرات;)

انا يا طويلات العمر اشتغل شغله اداريه في مدرسه معاي زميله واحده بحكم نصاب عملنا

انا الاقدم والاكبر بالسن :Dوخدمتي فوووف 16سنه
وهي خدمتها ثمان سنوات بس يعني النص

الاخت معطيه عمرها الراحه ولا تحب تبادر ولا تحب تسوي شي لارم انا احن عليها ومرات الزمها ومرات تطنش
بس دوريها عند الاقسام الثانيه والمتفرغات نفسها والسوالف الفاضية المكياج الفلاني و الصبغ الفلاني والعطر الفلاني ولو تشوفونها ما توحي بهالشي

اكثر وقتها تقضيه خارج القسم والربع الاخير نايمه بالغرفة الداخليه واذا جانا شغل خارج المدرسه فيه مسئوليه تهربت وتعذرت بألف عذر وقطت الشغل علي

انا اللي اسوي الشغل الفني وانا اللي اطبع وانا اللي يكون كل شي بوجهي

تعبت منها حييييل ومن استغلالها لسكوتي على استهتارها :mad:
تعبت وانا كل يوم اقول يمكن تحس يمكن تفهم خصوصا اني اعاني من مشاكل صحيه
ومسؤولياتي اكثر منها بالبيت وهي توها ام لطفلة يعني مسؤليتها اقل وقع
بس ماكو فايده
احيانا تجرني رجولي للمديرة لازم ابلغها بس تعوذ من الشيطان وارجع :-#

ما احد يشمت فينا خصوصا انا ثنتين بس في هالقسم

وودي تضحكون:lol:
اخر السنه تقارن نفسها فيني وفي تقييمي وتزعل اذا حطوا لها اقل من الامتياز واذا جتنا الموجهة قامت تشرح وتبين الشغل والسبب انا لاني :-#

وش الحل برااااايكم

ف

فجر عمان

عروس رائعة

15-10-2010 | 10:13 PM

روحي كلميها في البدايه واذا ما فاد روحي وكلمي المديره او اي احد
او وصليها للمنطقه التعليمه

أ

أحاسيس منثوره

عروس مبدعة

15-10-2010 | 10:20 PM

عطيها كلام حار قوليلها ان الانسان لازم يحلل راتبه والا يصير مال حرام خبريها انك صبرتي واايد وما يصير تستغلج ابدا

اذا ما نفع وياها الكلام خبري المديره هذا مب عيب العيب انج تخليها تستغلج

ربي يوفقج

ح

حافظه القرآن

عروس نشيطة

15-10-2010 | 10:31 PM

أختي الله يعينك عليها ..كيف ترضى لنفسها تاخذ راتب من دون عمل ...
أقوول أختي لو أنا منك من زمااان متهاوشه معها ؟؟؟
كلميها بكل هدوء .. وقسمي العمل معها ..وإذا ما نفع خبري المديرة أو حد من صديقاتها قريبه ليها في العمل ..

ج

جــرح

عروس مبدعة

15-10-2010 | 10:32 PM

اسمحي لي اختي انتِ غلطانه وتستاهلي
لأنك عطيتيها الضوء الاخضر له الفعل
والا لوكنتِ من اول شذيدة معها ماكان صارت كذا
هي مستهونه فيكِ ولاهي عاملتلك اي حساب
ومن راي انك تكلميها لوحدكم وتفهميها باسلوب لبق مع اني اشك انها حتستجيب
واذا مانفع معها روحي على طول للإدارة وكلمي المديرة
لأن الي قاعد يصيرغلط وانتِ تتحملين جزء من المسؤلية لانك ساكته عنها
خذي قرار حاسم معها وان شاء الله مايصير الاكل خير
ولاتزعلي مني وربي انقهرت من الموضوع حيييل:o

ع

عسولة قلبه

مشرفة سابقة

15-10-2010 | 10:32 PM

امبيه نفسسي بسس فيه اختلاف

انا توني يديده ما صارلي سنه حتى .. والي معاي قديمه صارلها تقريبا 9 سنوات

بلييييده بصورة مو طبيعيه وكأنها ما صدقت يت وحده تاخذ الشغل كله حتى مرات تبيني اسسوي ششغلها الي انا مو دارسته ولا اعرف له اساسا

واذا ما سويت الي تبيه تزعل هههههه

شوفي سسوي مثلي وخلج قويه انا قلبي اطيب منه مافي ولا ارد احد < مو مدح ترا ههه

باختصار طنشششي اذا قالت لج مالي خلق ولا عندي ششغل .. حطي الشغل ع مكتبها و امشي
خليها تحسس انج مو على كيفها وانه الشغل مقسم بينكم ولا يهمج شي

انا الي معاي حتى كلام وسوالف ما تسسولف معاي وشايله بخاطرها مادري على ششنو

المهم انتي خلج طبيعيه سلمي وسولفي عادي وضحكي كأنه مو صاير شي
اذا كلش الموضوع مافاد , عادي قعدي معاها وقولي لها الي مضايقج .. بشرط وجود المدير احسن واضمن الكلام يكون جدامه

وبس والله ينصرج < ههه حسيت داشين حرب

موفقه

D

Daloe

عروس مشرقة

15-10-2010 | 10:34 PM

وعليكم السلآم ورحمة الله وبركاته

بغض النظر عن انها سوت الشغل ولا ماسوته !
احترام الكبير واجب وبحكم انج انتي الاقدم والاكبر بالسن فأحترامها لج واجب !!!
انها اشوف هالانسانه بلاذوق ولا ادب حتى .. وعيب عليها هالحركات

وبصراحه !! انتي بعد السبب الضاهر انج من البدايه عطيتيها المجال
ولا هالاشكال ماينفع معاهم لانه " ان انت اكرمت الكريم ملكته , وان انت اكرمت اللئيم تمردآ "

انا اقول شغلها مالج شغل فيه !! ولاتسوينه ابداً وخليه يتراكم يوم بعد يوم
لين تجي المشرفه وتشوووف خمالها !!!! وتحس بعدين على دمها هذا اذا كان عندها دم ..

يااااااارب تصلح احوال المسلمين :(

ـ

ــ بكتب همومي ــ

عروس جديدة

15-10-2010 | 11:30 PM

أنتي غلطاااانه لو من البدايه ماسكتي لها وماتقوومي بشغلها (ماشاء الله والله شي يقهر)
كلميها وحطي عينك بعينها ولا تقولي هذي صاحبتي ولا بعدين اذا تبينها تسووي شي ماتعرف وتقوول لك انتي اعذاار ...
واجهيها واذا تعذرت ردي عليها قولي لا تعتذري حافظه اعذااارك كللللللللها
واذا مانفع والله كلمي المديره عليها
(أنا بنت خالتي زي كذا تقوولي انا اسكت
أقوول لها لا تسكتي روووحي كلميها ولا كلمي المديره حتى لو زعلت في الاخير بترضى ..
(وهذا من راايي)>>أنا مرره عصبت بس وربي من كثر ماتحكيني بنت خالتي على شغلها وهي ساكته انقهر
أقوول لو أكون مكاانك كان سوويت حرب في الدواام <<هههههههههه

آ

آخـــ العنقود ــــر

عروس جديدة

16-10-2010 | 12:15 AM

فجر عمان;13397397:
روحي كلميها في البدايه واذا ما فاد روحي وكلمي المديره او اي احد
او وصليها للمنطقه التعليمه

انا رايي من رأي فجوره اول شي كلميها واذا مافاد روحي للمديره
والله الطيبه والسكوت ماتنفع هذي الايام حقك يروح قدامك وانتي تتفرجين

ب

بيااارق

عروس مشاركة

16-10-2010 | 10:14 AM

حبيباتي
اللي تقول قسمي الشغل
الشغل مقسم والاخت ولا هامها واذا جات المشرفة بزيارتها الشهريه وشافت شي ناقص وجهت الكلام للكل
واللي قاهرني زيادة ان محد في المدرسه يحاسبها اكثر وقتها برا القسم ولا عمرها بادرت او تطوعت لازم انا السكرتيرة واذا طلبت منها شي تجيبه ناقص او يفشل
ودايما تسأل كل سنه شنهو حطوا لفلانه(انا) هي حاسبه نفسها تشتغل وتقص على الوكيلات تطلع بحجة التكليف علشان تقضي حوايجها بالمقام الاول
والله افكر انتقل واخلي الميدان لها لاني معاها لوحدنا ومو عدله افتن عليها عند المديرة اخلي الميدان علشان بنفسهم يعرفون من اللي كان الشغل على راسه

ا

الجوهرة

مشرفة سابقة

16-10-2010 | 05:25 PM

والله شوفي مصلحتك

اذا تقدرين تنتقلين انتقلي أريح لراسك

والله يوفقك

ب

بحيره

عروس مبدعة

16-10-2010 | 05:33 PM

الله يساعدج

ك

كادي الدلوعه

عروس فضية

16-10-2010 | 06:11 PM

يختي وش جابرك ع السكوت اختك تقربلك وحتى لو انها اختك ماتسكتين على التسيب بالعمل :worn_out:
هاذا العمل الي تقومون فيه امانه بين ايديكم خاصه في هالمجال تربيه الامه الاسلاميه.....
وبعدين مو بلاش الاخت تتشتغل يعني لابد تحلل راتبها :$: يعني هي ماتعرف الوظيفه الا عند الراتب بس:$:
سكوتك عنها يسسبب لك حاله نفسيه وصحيه انتي في غنى عنه :sick:
يعني العمل بكل صراااحه مافي عووواطف ابداااا:L::thumbs_up:
والله حابه تشتغل اهلا وسهلا مو حابه ارفعي فيها تقرير تجي عندك بديله افضل منها:thumbs_up:
وبلغي الادااره :thumbs_up::thumbs_up:
وتمنياتي لكي بالتوفيق بحياتك العلميه والعمليه وبوركتي لكفائتك بعملك اسأل الله لكي ولنا ثبات الاجر :thumbs_up::thumbs_up:
وتقبلي مرووري اختك كادي:L::L:

ـ

ــ بكتب همومي ــ

عروس جديدة

16-10-2010 | 06:40 PM

بيااارق;13401723:
حبيباتي
اللي تقول قسمي الشغل
الشغل مقسم والاخت ولا هامها واذا جات المشرفة بزيارتها الشهريه وشافت شي ناقص وجهت الكلام للكل
واللي قاهرني زيادة ان محد في المدرسه يحاسبها اكثر وقتها برا القسم ولا عمرها بادرت او تطوعت لازم انا السكرتيرة واذا طلبت منها شي تجيبه ناقص او يفشل
ودايما تسأل كل سنه شنهو حطوا لفلانه(انا) هي حاسبه نفسها تشتغل وتقص على الوكيلات تطلع بحجة التكليف علشان تقضي حوايجها بالمقام الاول
والله افكر انتقل واخلي الميدان لها لاني معاها لوحدنا ومو عدله افتن عليها عند المديرة اخلي الميدان علشان بنفسهم يعرفون من اللي كان الشغل على راسه

لالالا تتركي شغلك وراتبك لها هي
اذا شافتك راحت اكييد راح تشد بالدواام وتاخذ راتبك وأكثر لانها لوحدها ...
لا تتركي الميدان لها ياقلبي
انتي من البدايه في هالمكان والحين بعد ماجات هذي وماتعرف شي بتتركي لها الشغل ...
انصحك لا تتركي شغلك ..
أما اذا قصدك نقل من مكانك لمكان ثااني (فايكووون احسن)...
الله يكوون بعووونك
ومن رااأيي تكلمي المدريره ...

أ

أناناس & فرولة

عروس فضية

16-10-2010 | 07:33 PM

وليش تسكيتي؟؟؟ حالها من حالك موظفه مثلك وعليها اشغال وفي النهايه الشهر انتو ل2 تقبضون الاراتب يعني ليش ترضي انتي تسوي شغلها وهي من ولا شي تداوم وتاخذ راتبها بارد مبرد

جلسيلها بلمرصاد وحللي راتبها غصب8o|
اذاجلست تتحجج خبريها نفس الظروف الي عندك انا بعد عندي وزيدي زياده من عندك حتى لو ما عندك اي ظروف خبريه ما يصير كله انا اسوي كل شي وانتي جالسه تتمشي ف الدوام:0100:

واذا بعدها ما غيرت او قلت احترامها عليك سيييييييييييييييييده على مكتب المديره والحق معك:092:

ك

كتكوته2008

عروس نشيطة

17-10-2010 | 07:44 AM

السلام عليكم ورحمة الله وبركاته
أهلين بيارق:014:
خلها زميلتج تقرأ المقال وتنقهر لأنج كشفتيها على حقيقتها
هههههههههه وناسة:03:...هالشخصيات التعاطف معاهم مرفوض:059:
أنا كنت مثلج بس الحمدلله تغيرت للأفضل
الإنسان بطبيعته الإجتماعية:051: يحتك بشخصيات متنوعه وهذا شي حلو..بس وين المشكلة؟؟
هل نحن نعرف كيف نتعامل مع مثل هذي الشخصيات؟؟
هل دربنا شخصياتنا في هذا الجانب؟؟
الشخصية تحتاج إلى تثقيف وتطوير :082:مستمر وإلا بتضعف بمرور الوقت وبتكون فريسة سهلة..
ولكل شخصية أسلوب مناسب في التعامل معها..
فتعاملنا مع الشخصية المحترمة غير عن تعاملنا مع الشخصية الحقودة ..صح؟؟
وتعاملنا مع الإنسان الإيجابي غير عن تعاملنا مع الإنسان السلبي (مثل:الإستغلالي الأناني:047::061:)..صح؟؟
. . . . . . . . . . .
من تجاربي الشخصية الناجحة(الحمدلله)
كانت عندي صديقة مثل زميلتج كانت تستغلني وأنا ما كنت أدري لأني طيبة وحليلي:087:،ومع مرور الوقت اكتشفت إنها مستغلتني استغلال،فحولت حياتي من سعادة إلى تعاسة،تعبت منها خلاص،فكرت وفكرت كيف أبتعد عنها..بعدين قلت هذا هروووب:059: من المشكلة وليس حلاً،جلست أفكر في المشكلة شهوراً وبعدين اكتشفت إني كنت مُستغلة(قصت علي)ولامجال للهروب لازم أواجه المشكلة،لأني ما أبغي أكون فريسة سهلة للشخصيات السلبية الاستغلالية المفترسة:098:،وأخيرا عرفت إني ماعرف كيف أتعامل مع هذي الشخصيات المتنوعة،رحت أقرأو أبحث وأثقف نفسي وأطور من شخصيتي لين صارت شخصيتي قوية:092:،أتحداها تستغلني ألحين حتى ولا تقدر تحط عينها في عيني:066:أحسن،ألحين هي صارت تتهرب مني خوفا :096:من شخصيتي القوية،ههههههههههه هذا أحلى شيء،امممممممممم وأخيرا أقول إن الحياة حلوة والتجارب أحلى شيء فيها..
صدقيني مهما اشتكيتي للمديرة،مشاكلج حلها بيدج إنت مب بإيدها
..
بيارق قبل القراءة::020::036:،وزميلتها::055::054:
وهذي المواقع اللي استفدت منها..
نصيحة مني اقري مرة ومرتين وثلاث،
وطبيقيها على طول مب على عرض ههههه
http://go.3roos.com/qnt7o0srng8

http://go.3roos.com/3lhkd5h2hqe
بيارق بعد القراءة::076::046: ، وزميلتها::071::024:.
أتمنى إني أفدتك،وسوري عالكاريكاتير بس حبيت أشجعج
ولاتنسيني من دعائج

ب

بيااارق

عروس مشاركة

19-10-2010 | 09:03 PM

كتكوته2008;13411080:
السلام عليكم ورحمة الله وبركاته

أهلين بيارق:014:
خلها زميلتج تقرأ المقال وتنقهر لأنج كشفتيها على حقيقتها
هههههههههه وناسة:03:...هالشخصيات التعاطف معاهم مرفوض:059:
أنا كنت مثلج بس الحمدلله تغيرت للأفضل
الإنسان بطبيعته الإجتماعية:051: يحتك بشخصيات متنوعه وهذا شي حلو..بس وين المشكلة؟؟
هل نحن نعرف كيف نتعامل مع مثل هذي الشخصيات؟؟
هل دربنا شخصياتنا في هذا الجانب؟؟
الشخصية تحتاج إلى تثقيف وتطوير :082:مستمر وإلا بتضعف بمرور الوقت وبتكون فريسة سهلة..
ولكل شخصية أسلوب مناسب في التعامل معها..
فتعاملنا مع الشخصية المحترمة غير عن تعاملنا مع الشخصية الحقودة ..صح؟؟
وتعاملنا مع الإنسان الإيجابي غير عن تعاملنا مع الإنسان السلبي (مثل:الإستغلالي الأناني:047::061:)..صح؟؟
. . . . . . . . . . .
من تجاربي الشخصية الناجحة(الحمدلله)
كانت عندي صديقة مثل زميلتج كانت تستغلني وأنا ما كنت أدري لأني طيبة وحليلي:087:،ومع مرور الوقت اكتشفت إنها مستغلتني استغلال،فحولت حياتي من سعادة إلى تعاسة،تعبت منها خلاص،فكرت وفكرت كيف أبتعد عنها..بعدين قلت هذا هروووب:059: من المشكلة وليس حلاً،جلست أفكر في المشكلة شهوراً وبعدين اكتشفت إني كنت مُستغلة(قصت علي)ولامجال للهروب لازم أواجه المشكلة،لأني ما أبغي أكون فريسة سهلة للشخصيات السلبية الاستغلالية المفترسة:098:،وأخيرا عرفت إني ماعرف كيف أتعامل مع هذي الشخصيات المتنوعة،رحت أقرأو أبحث وأثقف نفسي وأطور من شخصيتي لين صارت شخصيتي قوية:092:،أتحداها تستغلني ألحين حتى ولا تقدر تحط عينها في عيني:066:أحسن،ألحين هي صارت تتهرب مني خوفا :096:من شخصيتي القوية،ههههههههههه هذا أحلى شيء،امممممممممم وأخيرا أقول إن الحياة حلوة والتجارب أحلى شيء فيها..
صدقيني مهما اشتكيتي للمديرة،مشاكلج حلها بيدج إنت مب بإيدها
..
بيارق قبل القراءة::020::036:،وزميلتها::055::054:
وهذي المواقع اللي استفدت منها..
نصيحة مني اقري مرة ومرتين وثلاث،
وطبيقيها على طول مب على عرض ههههه
http://go.3roos.com/qnt7o0srng8

http://go.3roos.com/3lhkd5h2hqe
بيارق بعد القراءة::076::046: ، وزميلتها::071::024:.
أتمنى إني أفدتك،وسوري عالكاريكاتير بس حبيت أشجعج

ولاتنسيني من دعائج

جزاك الله خير
الكاركتير يهبل وعسل على قلبي
مشكورة يالغاليه
انشاء الله نتطور للافضل الله يعينا:)

R

ROSE3ROOS

مشرفة سابقة

20-10-2010 | 12:49 AM

والله يااختي الحل بايدك انتي موبايدنا كلميها واجهيها مافيها شي وفهميها انه في شي اسمه شكوى واحتمال تكتبن فيها شكوى لانها ماتقوم بعملها وتحلل راتبها الي تاخذه ولان بعد في سبب قوي انه لما يصير تقصير يتوجه الكلام للكل موبس لاها والله يصلح الحال

ب

بيانسيهq8

عروس ماسية

20-10-2010 | 08:43 AM

لا تكلمينها ..لانه ماكو فايده
هالاشكال لا احساس و لا ضمير

كلمي مديرتج وقوليلها عاللي قاعد يصير

ولا تشتغلين الا شغلج بس .. شغلها مالج شغل فيه
حتى لو تأخر الشغل .. انتي مو مسؤوله عن شغلها

لا تصيرين ضعيفه و سلبيه ..هذا حقج
لا تخلين احد يستغلج

ا

ام حسين نور العين

عروس جديدة

20-10-2010 | 09:10 AM

ما انصحشش تنتقليين بصراحه من شان وحده ماتستاهل تروحين نغيريين مكان عملشش

اني لو منشش اتكلم وياها واقوول ليها عن اللي يضايقني وهدديها بلطف انش بتروحي تقولي الى المديره

وادا ما سمعت الكلام ديك الحزه روحي كلمي المديره

لا تسكتي عن حقشش