خرم الاذن ؟؟ بنات البحرين

هلا خيوتي

اني خرمت بنتي عند دكتوره ساهره
ودكتوره ساهر هي بنفسها اللى خرمته
و شريت التراكي من عندها

كلها ثواني و البنت تنخرم و تصيح و قعد خرم الاذن بس
و من اتردين البيت عطيها بندول
بعدين كل شي طبيعي
يعني بنتي بس اول ساعات
و بعدين كل شي طبيعي
لا تحااتتين حبيبتي
ما عليها الا الخير

انا خرمت بنت عند صيدليه دار الدواء في سوق واقف والتراكي من عندهم

حددت مكان التراكي بقلم وبعدها بجهاز وضع التراكي وصاحت ثواني بس وقت الكبس وبعدها سكتت بيعطونش كريم تحطينه ليها

ولاتخافين مافي احد اخوف مني في الدنيا قمت اصيح قبل لايخرمو اذونها تخبيت ورى الاغراض وجابها لي ابوها حتى دقيقه ماتأخر

اني بنتي بعد في دار الدواء واني اصلا اخاف بعد خليت اختي تدخل وياها ومثل ما قالت الجود حددوا بالقلم بعدين قلت لهم اول حطوا لها بنج وحطوا وبعدها خرقوها عادي ما صاحت ولا شي ...وهم بروحهم يعطونش كريم والتركيه من عندهم ...
لما خرقت بنتي وزعت حلاوة في بيت عمي ..^_^

اني بعد خرمت اذون بنتي في صيدلية دار الدواء دقايق بس ولافيها شي يصيحون مو من الالم لااااا من صوت الطقه اتخرعهم لانهم اول يرشون اسبري مخدر على موضع التراجي يعني كلش مايحسون بالالم لاتخافين واتوكلي على الله اني خرمتها في الشهر الرابع بعد وحتى النوم عادي اتنام ولايصيدها شي بس حاولي مابين كل يومين او ثلاث انش اتحركين الرجيه عشان ماتلصق في اذونها واتسبب حساسيه لها حطي اشوي فازلين في صبعش وخليه عالترجيه من وراى وقدام وبتشوفينها طبيعي كلش مابتحس بشي..

هلا اختي حتى صيدلية الرازي نفس الطريقة ،وأعتقد ما في محل يحطون مخدر على المنطقة
وبس اول يوم بألمها بعدين عادي.

اي خيو لا تحاتين يألمهم بس في نفس الوقت اني خرقت بنتي بعد مثل الاخوات في دار الدواء في بنج موضعي وبعدين في كريم ,

جودي روحش عاد,, اكيد بصيحين وتختلط المشاعر عليش بس بتستانسين من شكلها بعدين بتقولين توني حاسه اني جبت بنوته ^_^

ربي يخليها ويحفظها ,,

شكرا خواتي ما قصرتو
بس فعلا انا خايفة مو بس من وقت الخرام
بس بعد احاتي بعد الخرام لما ارجع البيت هل بتصيح او لا
ومتى اقدر اشيلهم التراجي بعد الخرام؟؟؟

كل ماكانت الطفلة صغيرة كان أفضل ولاتحس وايد بالألم،اني بنتي خرقتها عند صيدلية الحكمة وصاحت شوي وكان عمرها اربعة شهور

وبعد كم يوم شلت التركية عشان احط ليها ذهب وفي نفس الوقت انسدت

وانتظرت كم شهر ووديتها ساهرة وردت خرقتها وصاحت واجد لأنها كبرت وتفهم

خللي التركية عليها كم شهر وزيتيها بزيت زيتون كل يوم وفري التركية شوي شوي

واذاتبين تراكي حلوين ماالك الا ساهرة عندها اشكال حلوة

عندج صدلية رويان بعد تسوي اتوقع اغلبيه صيدليات يحطون مخدر

أنا خرمت بنتي لما كان عمرها أربعة أشهر في صيدلية ناصر والتراكي من عندهم وصاحت وقت الخرام بس وعطوني كريم أحط عليها

اختي الغاليه لا تخافين ولا شي

هالشي طبيعي انها بتصيح بس ما اظن انها بصيح وايد

انا بنتي خرمت اذونها وهي عمرها 3 شهور رحت صيدليه في مدينه عيسى وحطو في اذونها مكان الترجيه بالقلم وبعدين حطو المخدر وبعد 5 دقايق خرموو اذونها صاحت شوي وردت سكتت وبعدين الاذن الثانيه والحمدالله مافيها إلا العافيه وعطوني لها مرهم

ولما طلعنا حق السيارة نست كلشي ههههههههه

سوي طولتها بس حبيت اطمنج انه عادي ومتى تشيلينهم خليهم لي تقريبا 9 شهور او اكثر على راحتج بس انا افضل تخلينهم لي السنه احسن وبعدين تقدرين تغيرينهم

لا تحاتين اختي

اني بنتي صاحت وقت الخرام حتى قلبي عورني

بس بعدين عادي

يعطونج كريم لها

وآنه قالو لي اول 3 اشهر ما اشيلها من اذونها

هلا اختي اني بعد بناتي في دار الدوار ويخدون شوي ويعلمون بالقلم وبعدين يخرقون "يخرمون"

بتصيح الياهله وبتسكت ههههههههههههههههه عل ىعمري البنات حتى في تزيينهم تعذيب والتراكي

من الصيدليه نفسها يعطونج كريم تخلينه عليه عن الالم كانه

مشكوووورين خلاص قررت اروح اخرمها وعلى الله
ياسمينة الفريج واااااايد حلوة الترجية عليها بالعافية بنتج
وياي العيد خلهم يكشخون ههه

حبيتي لا تخافين ولا شي

انا بنتي بدون مخدر بعد خرقوها ماتت من لصياح ..........بس من طلعنا من الصيدلية سكتت وبعد بيعطونش كريم تحطينه على اذونها

هلا خيوو اني خرمت بنتي عمرها 4 شهور

وخرمت اذنها في صيدلية ناصر

حطو المخدر اول شي على اذنها والعلامة وخرموها

صاحت شوي وقت الخرام وبعدين عادي