يــعآيرونــي بقصــري !!!

ههههههههههههههههههههه
يختي منتي قصييره ابد ولا مقاس رجلج غريب بالعكس
انا طولي 149 ^^
والبس 38 شي طبيييعي يختي خليهم غيرانين
اجل كم يبونج تلبسين 40 مثلاُ
لا تتحسسين وايد اجل انا شقول

هلا حبيبتي
والله عادي
انا كمان مثل طولك او اقل كمان بشوي انا 151
وعادي مرات اقول لو انا اطول شوي احلى بس انا عاجبني ودام الشي عاجبني وربي لو مليون شخص يجي ويعايرني مايهمني
ولا يهمك حبيبتي بالعكس طولنا حلو

ي هلا غلاتي ....أفى كل هذا الزعل ع الطوول ..
والله عني واااايد قصيرة بس ما أعرف كم طولي؟؟؟؟؟؟؟
الكل إلي يشوووفني يقوول في أول عدادي وأنا مخلصة الثانويه .. والله كني طفله......وبلعكس أفرح وااااايد وقت حد يقوولي قصيرة ..؟؟؟
أقوول أحسن عشان ما أعجز ؟؟؟هههه
ويوووم أشوووف وحده طوويله وضخم شكلها أقول الحمدلله أنا قصيرة وضعيفه ..

هههههآآي ..



مشكـــووورين حبيباااتي ...



منــوررين ..

مساء الخير حبيبتي

حابه اقولك ان اختى طولها 151

وانا طولى ممكن 157 او 158

ومقاسي انا واخواتي
37 او38

وبعدين الرجال مايحبون البنت الطويلة ومايحبون ان البنت يكون حجم رجلها كبير

ولا تعقدين نفسك ترا الموضوع مو مستاهل

وانا اسمع وايد تعليقات على طولى

وقوليلهم الطويل خيبة
وبعدين البنت الطويلة ماتقدر تلبس كعب بعدين تصير ناطحة سحاب :D:043:

ومرة واحد قالى

اقربكم للارض اكتركم جمالا.. والله صدق
:lol::o
خلى هذا شعارك

واصلا القصيرات مايبان فيهم كبر السن

شفتي هادي كلها ميزات نتمتع بيها احنا القصيرات:thumbs_up:

الطويلات عندهم كذه مميزات :rolleyes:

فأقولك لاتهتمي ابدا


واصلا في احصائية قالت الرجال يفضلون الارتباط بالبنات القصيرات

حبيبتي لا تعقدين نفسك ترا الموضوع مو مستاهل
تقبلي مروري

ولايهمك عسولة
انا اقصر منك طولي 148
ولايهني احد واثقة من نفسي ومحبوبة والحمدلله
وكل من شافني يعطيني 19 او عشرين وذي فايدة القصر يبينك دوم صغيرة
ويحسبون عيالي اخواني هههههههههههه
بس والله ماعندي ادنا عقدة من طولي بالعكس مرتاحة والحمدلله
ومقاسي 83 او 37 اخوي الي بثالث يلبس نفس المقاس:D
شوفياهم شي تكوني واثقة من نفسك
ولاتهتمي لكلام احد
اخواني يسمعوني كلااام عن قصري كثيير
بس والله ادري انهم يحبوني ولا اهتم ابد
اهم شي روحج الحلوة وشخصيتك الواثقة وبس ;)

حبوبه انا طولي 53

مثلج وعااااااااااااااادي وخواتي الي اصغر اطول


وشكلي انا كتكوته عاااااااااااااااااااااااااااااادي حبي

اشوف بديتوا تغلطون على الطوال.. هههههههه

اني طولي زين .. بس بعد يعجبوني اللي أقصر مني بشوي .. أحسهم يكون شكلهم أصغر سناً
ويقدرون يلبسون كعب على كيفهم ويليق عليهم الدلع

بس الحمدلله على كل حال .. اهم الشي الصحة والعافية

هههاهاهاهاي ...


مشكــورين حبيباااتي ..


الله يعطيكم العـــافيه ..

طولي متر و 58
وعايشة حياتي عادي
مافي فرق بيني وبينج الا 5 سانتي .. وهالفرق مو واضح
عمره محل علق علي وقال لي انتي طويلة
بالعكس خاطري اقصر لي 3 سانتي
لان البنوتة حلوة بهالطول
تحس روحها انثى

حبيبتي انا صح قريبه من طولك ونحيفه بعد:p
ومقاس رجلي مثلك وبعض الاحيان البس 36
بس الوحده ادا صارت واثقه من نفسها;)
محد راح يقولها مثل الكلام الي قلتيه
وطولي ما اثر فيني هدا انا متزوجه
وزوجي عملاق وسالفاتي طوال بس واثقه من نفسي البس الي ابيه حتي البس ضيق ومو شرط كعب عاااااالي!!
ولا احد يهمني مهما قالو :cool:
خليك واثقه من نفسك والطول مو كل شي صدقيني وبعدين الرجال يحبون الحريم الي واثقات من نفسهم:cool:


صح نسيت انا يومي في الجامعه ماعمري لبست كعب البس جزمه سبورت او صندل فلات
ومااااخده راحتي بلا كعب بلا هم:D



وترا محنا لهدرجه قصار طولك طبيعي بس عشان الي حولك طوال حسيتي انك قصيره!!!
انا لما كنت في الكليه والله بنات قصرهم مو طبيعي لدرجه انو انتي راح تكوني عملاقه عندهم!!
تخيلي انتي مثل طولهم ياربي لك الحمد ...

انا تقريبا في نفس الطول اول كنت زيك البس كعب وبعدين قلت علدي فيه اقصر مني
بالعكس اللي قصيرة ما يبان عليها عمرها وتكون دلوعه
واصلا حتى الدراسات اثبتت انه الرجال يفضل المراة القصيرة

هڵا حبيبٺي
مآعڵيڪ منهم عيشي ڵنفڛڪ ۆبڛ
اذا ڪنٺي برضۆ طۆيڵه بيعايرۆنڪ ۆاذا قصيره برضۆ بيعايرۆنڪ
اڵناڛ ماٺمڵى عيۆنهم اڵى اڵٺراب ۆباڵعڪڛ طۆڵڪ مناڛب مشاءڵڵه
عيشي ڵنفڛڪ ۆبڛ ياقڵبي ماعڵيڪ من ڪڵام اڵناڛ طنشي اڵناااااڛ
عيشي حياٺڪ اڵناڛ مابينفعۆڪ انفعي نفڛڪ ۆاڵڵه طۆڵڪ ڪۆيڛ ۆحڵۆۆ
ۆاڵبڛي اڵي بخآطرڪ ڵاٺخڵي بخآطرڪ شي احد قڵڪ ڪڵمه ردي عڵيه بڪڵمٺين
ماعڵيڪ ياقڵبي ۆاڵڵه يحفضڪ ان شاء اڵڵه ۆيحقق ڵڪ ڪڵ اڵي في باآڵڪ يااااااااااااارب
ۆدــي...~

لا يا عمري أنتي موقصيرة بس يمكن اللي حوليك طوال وبعدين خلي اللي يعلق يعلق ليش أنتي معاك حبل عشان تربطي لساناتهم بس تأكدي ان اللي يعيب متروس عيوب. ومافي إنسان بهالدنيا ما فيه عيب. عادي حبيبتي لا تزعلي نفسك

شهل الخرافات خيتي
انه طولي 154 ومقاس ريولي 37
وبالعكس كلللش عاجبني طولي انه بنت ولو اكون اي طووول حلووو
ولو يه احد وخطباج لو شنو طوله مابتتاثرين
انه خطيبي كان يبي وحده مثل طولي بالضبط
وماشاء الله اهو طوييييييييييل وايد بس بالعكس اي حد يقولي قزمه اقوله الطول طول نخله والعقل عقل صخله
هههههههههه
واقولهم انه ماقدر انحرم من كل شي الكعب الوسط البس والرفيييع البس وحتى لفلات لمن البسه احس روحي بيبي
وبعدها لو اكبر مايبين اني كبيره دوووم يعطونج صغيره انه دوم يقولون لي عمرج 18 مع ان عمري 21

السلام

هذه مو مشكلة صدقيني المشكلة في الناس مو مخلية احد في حالة
الطويلة والقصيرة يعلقون عليها هههه عاد انا طولي وسط ناس يسموني طويلة وبعد احصل تعليقات من خواتي ههه لأني اطول منهم,,
بس بالنسبة عن اول موقف ذكرتيه حجم القدم ما اعتقد انها كانت تستهزئ يمكن جات عفوية منها وماتقصد بها اهانة او ماشابه..

عااادي ليش معقده روحج ..

خالتي عمرها 24 وطولها 149 ..

الكل يعايرها بس ولا تهتم عادي هذي خلقة الله ~