~~ تجمع بنات مصر للعنايه بالشعر ~~

أنوش;13610910:
بنات وحشتوني كلكم
انا بئالي فترة من يوم الوقفه لعيد الفطر وبستخدم زيت ترشوب الهندي
كان نفسي اوي خلال الفترة دي استخدم الكيشور دهني لكن كنت بقاوم فضولي عشان اعرف نتيجة كل زيت لوحدها
المهم دلوقتي مر حوالي شهرين استخدام متواصل والنتيجة كالاتي

اولا انا خلصت حوالي تلتين الازازه فالشهرين دول كنت بغسل شعري مره كل 5-7 ايام وفي خلال الايام دي كنت بدلك فروة راسي بيه عالناشف بس مش دايما

الزيت قوامة تحفة ونحط تحتها خطوط كتيرة
لاهو مدهنن وتقيل وتحسي الشعر مش بيتنفس بسببه ولا هو خفيييف زي المايه وملوش لازمه
اول ما بحطه بحس شعري مدهون حلو وبنفس الوقت متنفس ومش مكتوم

بينعم ويطري الشعر بشكل لا يمكن وصفه مفيش منتج فحياتي اداني النعومة دي ما شاءالله والله اكبر
عارفين كنت لما اغسل شعري المه على طول ويعد يومين على ما ينشف عشان لو سبته ينشف بيهيش ومش بعرف اسرحة لكن الزيت دا خرافة والله بدون مبالغة بدهن منه عالشعر المبلول وافضل مسيبه شعري لحد ما ينشف تماما وبعدين اسرحة والمه لا هيشان ولا تقصف الشعرايه ناعمة جدا وطريه خالص وبيلمع اويييي لمعه طبيعيه اكنها مبلوله مش دهننه فا بجد حتت النعومة دي رهييييييبة

طول الشعر انا بالفعل شعري طول على الزيت لان انا قصيته فالعيد ومن كام يوم لما انتبهت لطوله مصدقتش الا لما ماما اكدتلي انه فعلا طول بس انا قصيته تاني عشان بحب اوي شعري وهو متساوي بحسه كثيف ومشكلتي ان شعري مش بنفس الطول فا يبان خفيف

التساقط محتارة مش عارفة اقولكم ايه هو في تساقط للاسف بس احيانا بحسه بيقل واحيانا لا تحديدا بعد ما بطلت امبولات ايفا فا هو محلش المشكله دي

للعلم انا كنت بستخدم الزيت على فروة الراس وبدهن شعري بكريم باراشوت اكوا شيلد وبما ان الكريم دا خفيف فا بمسح لمسه خفيفه من الزيت على شعري

ان شاءالله ناوية اكمل بيه لحد ما اخلص الازازه وبعدين اجرب كيشور دهني مع مجموعة جديدة من شامبو وكريم تصفيف وحمام كريم

وحاليا المجموعة اللي بستخدمها هي شامبو ادفانس تكنيكس من ايفون لاصلاح الشعر الجاف وحمام كريم انرجي بالاعشاب السويسرية وبلسم هير كير بالفراولة وامبولات ايفا بس دي كانت في اول شهر بس وبالنسبة للدهان كان زيت ترشوب مع كريم باراشوت اكوا شيلد

بس عايزة اقولكم ان ريحة الزيت شويه نفاذه لان فيه زيت ياسمين فا لو بنوته متجوزة مش عارفة هيكون موقف جوزها ايه بس هي مش وحشة بنسبة لينا احنا البنات لكن الرجاله عشان مش متعودين فا مش هيحبوها بس الريحة مش بتثبت فالشعر يعني تاني يوم بلاقيها اختفت

دا كان تقريري عن استخدام زيت ترشوب شهرين متواصلين
وان شالله اكون افدتكم

cat lolo;13635099:
هاى ازيكو عاملين ا
يييه انا بقا شعرى بينزل قووى وجاف من بعد الولادة فى بنات شكرو لى فى كريم كازانوفا وبالمرز مش عارفه انهو احلى

لؤلؤة عروس البحر;13691421:
بنات مين يعرف كوافير للمحجبات يكون كويس في الصبغة

البنات مش حلوين خالص في شغل الشعر رغم إنها حاجة تخصنا

مين تعرف حد شاطر في تقسيم الخصلات صح لأن بشوف العجب على ناس خصلة كبيرة وخصلة رفيعة وموووووووولد وألوان غريبة 100 لون في الشعر

AnNoSha;13738961:
[BACKGROUND="70 #000000"]

دوختونى دوختونى

ووحشتونى ياقمرات بجد وكل سنه وانتو طيبين :D

قولولى بقى انا فرحت بشعرى شويه واستشورته ههههههههههه اهتم بيه ازاى

وكمان بعد ماغسله اعمل فيه ايه

وحد جرب زيت براشوت جولد بجوز الهند واجيب ايه تانى م السعوديه لان ابويا جاى وعايزه استغله غير الزيت دا وحمام كريم فاشكول هههههههههه

وشكرااااااااا :L:


[/BACKGROUND]

ساره افندي;13774839:
حد جرب حمام كريم vo5 الاحمر انا جبته وتقيل ومنتاجات الشركه ديه كويسه معايا بس ده مش عارفه اقيمه لان انا اليومين دول شعري غريب مره جاف مره مموج مش عارفه ده من الحمل ولا ايه بس عموما حد جرب حمام الكريم ده اه نسيت اقولكم ده انجليزيuk ومعلهوش عربي

hoobie;13777428:
يابنات انا عاوزة اشتري زيت باراشوت جولد الازرق بس الاصلي اللي هي صنع في الهند مش في مصر الاقيه فيييين؟

بلبل حيران;13779720:
يابنات هو بانتين بديل الزيت كويس والا لا وهو الاصلي ميد ان ايه تايلاند والا حاجه تانيه وسمعت ان سعره حاجه واربعين وانا جيباه ب9 ياريت حد يقوللي وانا حساه وحش خاااااااااااااالص

لؤلؤة عروس البحر;13780791:
بنات معقولة محدش يعرف خالص كوافيرة شاطرة في الصبغة؟؟

بشرى 1981;13794169:
اشتريت حمام الكريم الي كنت بسألكوا عليه
تحفة بصراحة عجبني جدا
ملمس شعري بقى حلو وناعم قوي الحمد لله

بلبل حيران;13794626:
ياريت توضحي بقي يانوش اعرف البار كود والعلامه المائيه شكلهم ايه وكام البار كود بتاع ترشوب ده وهو حيفدني يعني اجيبه علي الفروه انا شعري مقصف بس ناعم اصلا ولو بتجبيه قوليلي منين في اليكس