قمرات مصر منتظرات الحمل وامهات المستقبل ان شاء الله

دينا ياحبيبتى عارفه انى الطلاق حاجه مش سهله
بس دى مش اول مره يقولى ويهينى بالشكل ده

ده تقريبا يوميا بس انا بعدى واقول معلش غصب عنه الشغل مخليه عصبى

بس كده كثير انى كل يوم اسمع البرنامج ده

يعنى انا معنديش كرامه ولا ماليش اهل

لا والله انا بعيش عند اهلى ملكه وبكون مبسوطه ومحدش بيقول انه بيصرف عليا وانى خربت بيته

حطوا نفسكم مكانى وانتوا تعرفوا وتحسوا باللى انا فيه

استهدى بالله يافرح وبالله عليكى ماتعيطيش
انا مش عارفة اقولك ايه
بس انتى اللى تحسى وتفهمى جوزك اكتر من اى حد وتعرفى ان الكلام اللى قاله ده ساعة غضب ولا هو قاصده فعلا
فهمانى ياحبيبتى

والله حاسة بيكى ياحبيبتى
وعارفة الكلام ده اد ايه صعب
طيب اقولك حاجة ماتخلى حد من اهلك يتكلم معاه ويشوف هو ليه قال كده وعايز ايه بالظبط؟

اهله ايه يادينا مااهله هما اهلى

وغير كده احنا فى غربه

احنا اتفقنا اننا نكمل الشهر ونص اللى باقيين دول بحلوهم ومرهم

لحد ماننزل مصر وبعده هانجيب كبار العيله وننهى الموضوع

اصل يابنات كل الحكايه دى كوم وانه يسبنى باهلى كوم

والالفاظ دى

واقله مالك دخل باهلى لكن هو مصر على كده

الله يرحمه بقاه عمى ويسامحه معرفش يربيه

يابنات انا عد تحليل ال fsh والدكتور كان قايلي النسبة الطبعية من 5ل10
والنتيجة طلعة 10,31
كده طبيعي ولا ايه

ازيك ياريرى

اتوقع انها كده عاليه شوى

لانه الدكتور بيقول انى كل مالنسبه بترتفع عن 10 بيكون عدد البويضات بيقل

والله اعلم

بس ممكن النسبه عندك محسوبه على حساب المعمل

كل معمل وله طريقته

انا عملته اول مره طلع 10 الدكتور عادل قالى مرتفع بالنسبه لسنى

عدته بعدها بشهر فى معمل ثانى طلعت 5.8

انتى الافضل خلى دكتورك يشوفها

بالنسبه يابنات للدوالى انا زوجها عملها من سنه ونص

العدد زاد لكن الحركه زيى ماهى

بس انا كنت بحمل قبل العمليه

لكن المشكله انه العدد كان بينقص بطريقه رهيبه

فالدكتور نصحه يعملها قبل لاينقرض العدد

وعملها هى سهله مش صعبه ووالله

شوشو
معلش طلعت امبارح مقدرتش اقعد حسيت انى مخنوقه خالص

فرح
روقى ياحبيبتى هنعمل ايه ده نصيبنا الحمد لله على كل شئ
هما مش هيتغيروا ابداااا
احنا اللى بنتغير علشانهم

انا بقى قررت انى هسكت خالص ومش هكلم زى ما هو بيعمل بالضبط
انا ليه اتعب نفسى انا اعمل زيه بالضبط و اخافظ على شويه الكرامه ده لو لسه فاضل منها حاجه
والله المستعان بس لاسف كل ده على حساب اعصابى

فرح
اهدي يابنتي متوصلش للطلاق يعني كلنا قرفانين بس الطلاق كلمه كبيره اووي وعواقبها اكبر بكتير مما نتخيل

حاولي تفوتي بس الشتيمه والاهانات لا طبعا اتكلمي معاه وفهميه حتي انه كده بيشتم اهله هو كمان علي اساس انه ابن عمك يابنتي
عموما الشهر ونص اللي فاصلين دول اكيد هيتغير فيهم حاجات كيتر ربنا يهديه يارب

بوسي

مين قال اني مش عندي تلفزيون يابنتي ده انا كنت اتهبلت ههههههههههههههه عندي طبعا الحمدلله بس زهقت منه

ميرا انتي كمان زعلانه اللي يعينك يابنتي بس صدقيني السكوت مش حل اانا لما بسكت بتعب اكتر بحب اخرج اللي جوايا باي شكل عشان ارتاح حتي لو اللي قدامي زعل انا معرفش فيه ايه بس ربنا يهديهولك يارب يا ميرا

انت يا شوشو فى الامارات صح؟؟؟
طيب ما تجيبى عربيه وتشتغلى
يعنى العربيه هتسهلك خروجك لو كان فى الامكان

على طريق العرس;13472760:
انت يا شوشو فى الامارات صح؟؟؟
طيب ما تجيبى عربيه وتشتغلى
يعنى العربيه هتسهلك خروجك لو كان فى الامكان

بصي هنا العربيه الموضوع بسيط جدااا اللي كارثه بجددد الرخصه هنا اللي بياخدها بيعملوله حفله ههههههههه بجد مش بهزر
انا بعرف اسوق بس مش معايا رخصه للاسف المهم كمان بتتكلف جامد جدا ودروس ومشواير مين هيفضالي يوديني ويجبني بقا ان شاء الله هيسيب شغله ويجري معايا ده لو خدتها كمان
بصي هي مقفله من كل ناحيه والله المستعان

ربنا يهديه و يهدينى يارب
والله انا ما عارفه فى ايه طب يقولى انا عملت ايه غلط
لكن التجاهل والصمت ده ليه
انا مش بشحت منه انا مستحمله وساكته بس كده كتيررررر انا عندى مشاكل تانيه والنفسيه زفت ميجيش هو كمان يخلص عليا اتا خلااااص
يارب ارحمنى برحمتك
واذا كان على السكوت ما انا اعرف اتكتم برضو ومكلمش وخلى المشكله تكبر
ياخسارة بجد ياخساااارة
انا حزينه وحاسه اانى مقهورة بجد
لا اله الا الله

زى هنا يا شوشو برضه الرخصه مش بالساهل ابدااااااااااااا وزى ما بتقولى بيعملو لها حفلات
بس هنا بقى بيتصرفو بيجيبو سواق يتفقو معاه يوديهم ويجيبهم او اى زميله من الشغل وكله بحسابه طبعا

هو انت مؤهلك ايه؟؟؟

فرح حبيبتى
انتى فعلا شكلك شايله الهم ومستحمله كتير
بس متاخديش قرار ساعه غضب
والحمد لله فترة الشهر ونصف دى كافيه عشان تهدى و ربنا قادر على كل شئ باذن الله و ربنا يبعد عنكم الشيطان يارب

على طريق العرس;13472868:
زى هنا يا شوشو برضه الرخصه مش بالساهل ابدااااااااااااا وزى ما بتقولى بيعملو لها حفلات
بس هنا بقى بيتصرفو بيجيبو سواق يتفقو معاه يوديهم ويجيبهم او اى زميله من الشغل وكله بحسابه طبعا

هو انت مؤهلك ايه؟؟؟

انا معايا بكالريوس تجاره اداره اعمال

فرح
استهدي بالله كده و روقي
طلاق ايه بعد الشر عنك
انتى اقعدي اتكلمى معاه و قليله على اللي بيدايقك
و فهميه انه لو متغيرش و بطل الشتيمه و انه كل شويه يرميلك كلام
هيبقي ليكي موقف تانى معاه
و شوفي هيعمل ايه
و ان شاء الله ربنا يهديه و يتصلح حاله
لو بقي متغيرش لغايه ما تنزلوا احكي لاهلك و خليهم هما يتدخلوا
و ان شاء الله ربنا يهديلك الحال

ميرا
انتى كمان مالك
السكوت على فكره مش حل
بالعكس هيزود الموضوع و هيخليكي مش طايقه نفسك بزياده
اتكلمى معاه و شوفي فيه ايه

انا عارفه ان السكوت مش حل
بالعكس ده انا حاسه انى هطق
بس اعمل ايه هو ساكت يا ابنى مالك مفيش طب ايه مضايقك مفيش
طب انا عملت ايه مفيش
طب اعمل ايه انا ابوس ايده علشان يتكلم
انا تعبت
هو خلاص اخد على انه يبقى لوحده
انا كنت متاكده ان هى دى نتيجه الغربه والبعد
لا اله الا الله

انا اسفه يابنات انى نكدتكم معايا

وانا والله بتحمل كثير ولا برضى اقول لاهلى شىء

وانا مش بعرف اشيل عنى فى عز مانا زعلانه كلمه منه بنسا كل شىء

لكن الايام الاخيره بقى لايطاق بيجرح فيا كثير ويهينى ويهين اهلى