قمرات مصر منتظرات الحمل وامهات المستقبل ان شاء الله

ميرا نونو
صباح الخير عليكم
عاملين ايه؟

خير يانور فى ايه
قولى انا هنا
و دلوقتى بوسى اكيد هتدخل كمان ان شاء الله

صباح الخير يا ودعه
ازيك يا جميل اخبارك
الحمد لله انا كويسه

صباح الخير عليكم

اخيرا حد موجود انا كل ما ادخل الاقى التجمع فااااضى

ازيك يا اونى
عامله ايه انا اول مرة اتكلم معاكى
فجر كويسه الحمد لله بس بتدخل كل فترة
و نيسو مش بتدخل من فترة كان عندها مشاكل والله الواحد قلقان عليها اوووى
يارب فك كربها وترجع لنا بالسلامه ان شاء الله

ازيك يا رورو
صباح الفل يا جميل ياللى وشك حلو علينا انتى
احنا فعلا نادرا ما بنتجمع كل شويه حد يدخل يكتب مشاركه و يطلع

بصى ياميرا هى مشكله بينى وبين اخو زوجى ومراته بس علشان احكيلك المشكله لازم تعرفى ابعاد المواقف كلها من البدايه حلوه ابعاد دى
المهم ان مراه اخو جوزى دى بتكرهنى اوى اوووووووووووووى والله من غير اى سبب فى الدنيا اول مره اشوفها كانت يوم كتب كتابى اول ماشافتنى قدام الناس قالتلى انتى وشك مجير والمكياج وحش وانا كنت هبله وفوتها المهم يوم كتب الكتاب انا وجوزى قعدنا نرقص مع بعض وهى تتافف قدام الناس وتبص باحتقار ليه
المهم بعد المناسبه كل قرايبهم وصلولى انها فضلت تقول عليه انى قليله الادب وانهم مش هيلاقو عروسه مؤدبه زيها وانها ضربت جوزها بالورد يوم الفرح لما حاول يمسك ايدها
ساعتها اشتكيت لجوزى قالى ان ده كلام واحنا مش متاكدين انها قالت كده وقالى لو عايزه اتكلم اتكلم وقتها قولتله لا وقفلت الموضوع
واقسم بالله انى فضلت اعاملها كويس
لجوزى اخت صغيره قدى فى السن مش متجوزه زى الخاتم فى صباع الست دى لدرجه انى كنت قمر والله يومها خلتها فضلت تقول ان فستانى وحش للناس وانى وحشه وهما الاتنين معاملتهم ليه دايما بجفاءء للنهارده
فهمتى الابعاد احكى بقى المشكله

miramiro;13453564:
ازيك يا رورو
صباح الفل يا جميل ياللى وشك حلو علينا انتى
احنا فعلا نادرا ما بنتجمع كل شويه حد يدخل يكتب مشاركه و يطلع

ازيك يا ميرا يا رب يطلع وشى حلو عليكو صحيح و نقفل التجمع ده خالص و نعمل تجمع الامهات بقى:D

نووور
الحكاية واضحة خالص ياقمر
الست دي شكلها كانت مسيطرة عالموقف وقلقت لما حتيجي واحدة جديدة واكيد اي حد يقول كلمة حلوة عالعروسة الجديدة لازم هي تثبتلهم العكس
دي مثيرة للشفقة يابنتي كبري منها خاااااالص
زي اول يوم بالظبط لانك لو حاولتي تردي حترضي غرورها

اى نعم فهمت الابعاد يا نور
تفضلى الميكرفون معاكى

زوجي كل حياتي
توصلي بالسلامة ان شاء الله
ربنا يكرمك بالحمل السليم اول ماتوصلي

المشكله بقى ان مراه اخو جوزى دى كل الناس بتكرهها وبينهم عداوات وليهم قريبه بتحبنى اوى بينها وبين القريبه دى حرب
فوجئت من كام يبوم الصبح مراه اخو جوزى بعتالى رساله وبتقولى كلمينى ضرورى كلمتها لقتها بتزعق وبتقولى انتى ازاى تقولى انى قولت على قريبتنا دى انها لو دخلت بيتى هكسر رجلها قولتلها نعم انا مقولتش كده وده اسلوب حوار ناس متدنيه مستحيل انا كدكتوره اوصله قالتلى لا انا جوزى قالى ان جوزها قال كده انك انتى اللى قولتى انا طول عمرى بنت ناس والكل بيشكر فيه ومحدش سمع عنى كلمه ازاى تيجى تعملى كده
المهم قفلت معاها وكلمت الست دى وجوزها وانا منهاره من الكلام طبعا طلع مفيش اى حاجه من الحوار ده
قمت خليت حمايا يتدخل فابيسال اخو جوزى ايه الحكايه قاله انا مراتى متربيه متقولشى الكلام ده ده نور اللى قالته
معنى كلامه انى مش متربيه المهم حمايا جاب الراجل اللى بيقول انه قاله انى انا وواجههم ببعض الراجل قال محصلشى والقصه دى كلها تاليف وسبب تاليفها ايه الله اعلم
واخو جوزى سكت ومردتش واتكسف
ومن يومها متصلش يعت\رلى هو ولا مراته ويقولو اسفين
المهم انا كنت مخبيه على اهل جوزى انى حامل مش قولتلهم انى حامل غير من قريب
عرفت ان فى اليوم اللى الست دى اتصلت بيه كان اليوم اللى عرفت فيه اتنى حامل
هى دى المشسكله
انا بقى عايز اخد رايكم فى ايه
ان جوزى قالى لما ارجع من السفر هاشوف الموضوع
وفوجئت امبارح انه بيقولى الشغل اداله خمس ايام اجازه
وبيقولى اللى هتطلبيه هعمله وهاشوف اقوله بقى ايه انا مش عارفه

يا حبيبتى يا سحر
ربنا معاكى و توصلى بالف سلامه ان شاء الله يا قمر
و ابقى ادخلى بقى من هناك متنسينااااش
وانا كويسه الحمد لله من ساعه ما عرفت خبر حمل ميجو وانا مبسوطه اوووى الحمد لله

طب الاول يانور
العلاقه بين زوجك وبين اخوه اللى مراته مش بتحبك ده ايه؟

ان شاء الله يا رورو
يبقى وشك حلو و نقفل التجمع كله فعلا و يبقى امهات ان شاء الله

ان شاء الله يا سحر
خلى بالك من نفسك
و ملكيش بركه غير زوجك
و توصلى بالف سلامه يارب
فى حفظ الله

لا جوزى كويس مع اخواته جدا