التجمع الثاني عشر والاخير لحوامل شهر نوفمبر...

يلا بقولكم قصه ولادتي
من يوم الجمعه بدات معي اعراض الولاده .. كنت طبيعيه جدا في فتره العصر رحت المعرض ومشيت وايد ويوم رجعت البيت شفت افرازات بنيه على حمرا فخفت اني اربي قريب بس طنشت وطلعت مشيت مع مرة اخوي مره ثانيه ويوم رجعت عاد كنت هلاكانه ف حسيت بتعب طبعا مع وجود الافرازات باستمرار ويوم السبت كنت طبيعيه جدا الاكشن بدا يوم الاحد .. كان يوم طبيعي يعني رحت الدوام الصبح وكان مبين علي التعب:sick: حتى ما كان لي خلق اكلم احد وانا طالعه كاني اودعهم :rolleyes: المهم خبرت زوجي اني تعبانه حيل ف قال لي خليني اطلع من الشغل بوديج العياده ف قلت اوكي المهم يوم طلعت من شغلي ما قدرت استحمل شويه الالم بس قلت احسن اروح واطمن ف طلعت بروحي للعياده وخبرت الدكتوره بالاعراض وسوت لي سونار ودخلت ايدها تحت :o عشان تشيك وقالت لي على طول مفتوح 2 سم :woo: تفاجات بصراحة ما كنت متوقعه ابدا اني راح اربي يومها المهم قالت لي شربي زيت الخروع او حليب دافي او شاي مع قرفه وقالت لي امشي 3 ساعات ورجعي عشان اشيك عليج قبل عن تروحي المستشفى .. رحعت البيت وخبرت زوجي وقال عيل اليوم بمشيج عدل ... وقت العشا ما قدرت اكل حتى زوجي استغرب وبعدين قال يلا نمشي كنت خلاص تعبانه فيني الالام بس مو هي .. هو لما شافني تعبانه قال لي احسن اوديش العياده خلي الدكتوره تشيك كم سم مفتوح قبل عن نبدا نمشي ف رحنا العياده مره ثانيه وشيكت وقالت 2 سم :hysterical: ف قلت خلاص خلينا نمشي عشان اربي وارتاح وفمشيت بس عاد بدت فيني الالام لدرجه اني ما قدرت امشي كل خمس دقايق يمسكني الم مو طبيعي :sick: فعرفت اني خلاص باذن الواحد الاحد بربي الليله
اخذني زوجي البيت وعطاني عصير نارجيل وحليت دافي وحطيت كف مريم في الماي وقمت اشرب منه بس الالام مستمره كل 5 دقايق وكل ما مر الوقت الالام تزيد وصلت الساعه وحده ما قدرت اتحمل لدرجه اني قمت اصيح وزوجي ما تحمل يشوفني على ذي الحاله قام شل اغراضي وصحى امه يعني عمتي وطلعنا للمستشفى
وفي الدرب كله كنت اتالم وايد.. يوم وصلت هو راح يوقف السياره ودخلنا انا وعمتي ونوموني في غرفه حطوا مثل حزام على بطني اتوقع عشان يشيكون نبض البيبي بس وايد مؤلم
وبعدين حولوني على غرف الولاده ولبسوني ملابس المستشفى وهني كان الالم حده واصل عندي والغم انها كل 5 دقايق يعني اصرخ واشيل الدنيا على راسي وبعده ب5 دقايق ولا كانه صار شي :( ويا ربي انا ما توقعت اني كذا بنجن بصراحه يعني انا كنت في المستشفى من الساعه 1 ومربيه ساعه 8 ونص الصبح يعني كل هذاك الوقت كنت اموت من الالم :'( اتذكر لما وصلت الساعه 3 الفجر خلاص ما تحملت قمت اصرخ حدي والالالم مستمره احسن ان في شي في بطني الم مو طبيعي ما قادره اوصفه احساس مزعج بامانه .. وفي نفس الوقت رجعت وايد وايد هني الدكتوره عطتني ابره مخدره عشان ارتاح من الصريخ والتعب لاني بذلت مجهود كبير وخافو اني اختنق وحطو لي اكسجين ونمت مع المخدر ... تقريبا الساعه 6 صحيت مره ثانيه وقمت اصارخ واذكر لقيت امي جنبي واقفه مسكينه تصيح وتدعي بس مو مهتمه لاحد لاني وايد متالمه :badly: صج الولاده مو هينه للبعض المهم تعبت قمت انازع الدكتوره اني ابي اروح الحمام حسيت بشي يطلع مني خفت الله يكرمكم يكون هذاك الشي بس هو مجرد احساس في الواقع هو البيبي لانه قريب فالحوض وانا كنت احسن اني ابي اروح الحمام.. وكان وقتها مفتوح 6 سم لين الساعه7 ويوم سمعت كذا من الدكتوره قلت اكيد انتظر زياده كم ساعه عشان اربي قلت لا بموت قمت اصارخ وانازع ما ادري شو مخرفه وقتها بس صج الوحده تفقد اعصابها وتتعب .. بعدين اسمع الدكتوره تقول خلاص خليها تسوي بوش ونحاول نشرخ شويه عشان يسهل عليها تدفع البيبي .. ومن وصلت الساعه 8 خلاص انا منهاره مافيني لا قوه ولا طاقه والبيبي كان خلاص راسه مبين تحت والدكتوره تقول سوي بوش عشان يطلع بس وقت الالم لا تدفعين اذا ما فيش الم ... هذاك الوقت من يسمع كلامهم انا بغيت ارتاح وبس المهم قمت اسوي بوش بكل طاقتي بس مرات اتعب ارتاح وابدا مره ثانيه لين ما نجحت وقالت لي البيبي خلاص بيطلع اسمتري يلا واحساس غريب حسيت فعلا يا سبحان الله ان شي يطلع مني اول شي الراس وبعدين البطن وبعدين الرجول حسيت فيه على 3 دفعات وهو نزل كيف حسيت براحه عجبيه بعد كل ذاك التعب :worn_out: بعدين حطو البيبي على صدري بعد ما لفوه بقماش ل5 دقايق بعدين شلوه عشان يغلسوه ... بعدين قالت لي الدكتوره الحين بخيطك قلت مره ثانيه في الم بس الحمدلله خدرتني وخاطت تحت ,,,
وبعدين شفت زوجي وعمتي وامي كلهم معاي في الغرفه زوجي ساعدني اني اقوم عشان اروح الحمام الله يعزكم لان ملابسي كلها مليانه دم وحالتي سيئه ... ودخلت وغسلت على الخفيف لاني بعدني كنت وايد تعبانه وبعدين نقلوني غرفه خاصه ونمت لين العصر اذكر شفت الباب ينفتح وتدخل حميتي .