التجمع الثاني عشر والاخير لحوامل شهر نوفمبر...

هلا كروشات
شخباركم ؟؟ انا امس وااااااااااااايد مشيت لدرجه اني رجولي لين الحين يعوروني :sick: وبليل بخبركم ويش صار لي
كنت حاسه بلبرد وقمت ونقصت المكيف على الاخر وبليل تعرقت ما بين رجولي وانتزقت من النوم على بالي ماي نزل مني :o
طلعت اني متعرقه بس صج خفت قلت امبي اولد وانا في بيت امي :-o ما ابي بامانه ابي تجيني الالام وانا في بيت زوجي :rolleyes:
صدق احس نفسي ما مستعده اولد الحين لان تور السرير مال المستشفى لين حين ما جهز ف عشان جذي ما ابي اولد غير ان عرس رفيجتي يوم الخميس ف ابي احضر :celebrate:
والحين قبل شويه قمت قلت اروح اصلي ويوم رحت اتوضأ شفت افرازات روديه على حمرا :-o خفت
ما ادري شو اسوي لا يكون اولد اليوم :worn_out:

يلا تاملي خير
عساها بوادر ولاده ان شاءالله
الله يسهل عليكي

صامدون صامدون :lol:

بقايا
حمدلله على سلامة زوجك زين انه رجع عشان يكون جنبك وقت الولاده
وعن الالام حتى انا احس نفس الشي يوم ابذل مجهود :hysterical:
ويا رب يجيش الطلق وانتي في بيتك مو بلمدرسه
عن نفسي لين الحين اشوف ان الدم ينزل ولا ما
ادري شو اسميه افرازات مع دم يطلع مني بس ما ابي اروح المستشفى لين ما احس بالالام القويه :rolleyes:
بعد شويه بطلع بمشي يمكن خلاص بربي الليله :p

جنوني احلى ما فيني
يلا شدي حيلك وامشي وايد عشان تولدين
ام حسين
الله يرزق كل محروم ان شاءالله في القريب العاجل
حجه
الله يعينك على ذي الالام
احنا يكفينا تعب الحمل بعد الالام يمين يسار:badly:
ورود الشمال
ان شاءالله تولدين
ولو على التعب كلنا تعبانين
انا ما انام وتخيلي عاد الصبح اقوم عشان اروح الشغل بعد :|

ريما
الحين من شويه راده كنت امشي مع زوجي
حتى هو متامل اني اولد الليله بس انا بصراحه وايد خايفه من موضوع الولاده ما ادري ليش !!!
باجر عندي وايد اشياء بلمكتب لازم اسلمهم للبنت اللي تمسك مكاني ف ابي اخلص بسرعه وما ابي شغلي بعد ما ارجع يتراكم علي
ام شهد
الله يعينك على الالم واللوعان اعرف وايد بنات قريب الولاده يرجعون
وايد مثل اول ايام الحمل
ويقول هذا يسهل الولاده
والله اعلم
عسى هذي بوادر ولاده عندك بعد