التجمع الثاني عشر والاخير لحوامل شهر نوفمبر...

جحة حمرة;13356593:
اكو حطيت في كل كيس لبسة يوم .. قبعة وقفازات وفوطة عن الترجيع وشباح داخلية وافرول .. سويت لحد الحين اثنين وبسوي بعد اثنين ... :cool: >> ما ادري اربع لبسات كفاية لو لاا ..

وبحط لحافين .. ومرضعة صغيرة .. وفوطة سباحة وفوط تبديل .. ومشط عشان نمشط الشعر الغليظ .. وويش بعد يحطون ؟

ام نور وعلي;13356642:

صباح الخير كروشات

شخباركم
توقعت ادخل واشوف احد ولد والا عنده الم ولادة
لكن شكلنا كلنا بنكمل التاسع كامل
خيو احس ثلاث بدلات كفاية، حتى لو اول ولادة ما يخلون في المستشفى الا يومين ويوم ثالث يرخصونش، وما بتحتاجين فوطة السباحة وفوط تبديل ومشط لان كل هالاغراض تكون متواجدة في المستشفى وهم يتكفلون بتسبيح البيبي، لا تنسين شنطة أدوات النظافة الصغيرة للبيبي ، وبالاضافة لاغراضش

وردة البرية;13356700:
البدلات اهم 3 كفاية بس اني بعد حطيت اربع احتياط

لحاف واحد اوكي وفوطة وحده كفاية



هلا ام نور زعلي

اني عندي المشط ضروري وحطيته حتى لو ولدي اقرع

لان هم لايسبحونه عدل ولاينظفونه عدل

فحملت شنطة بيجون عشان اللي تجي قبل امي لو اختي لو مرة اخوي يسبحونه وينظفونه عدل قبل لاتجي الناس :adore:

تنهدات محامية;13356680:
وردة و لا يهمش ,, بكرة ان شاء الله

وش رايش ..

بنروح روشان و طيور الجنة ,, و هذا المحل اللي قالت عنه جحجووحة

بسالكم صحي ,, امبي بعد شباحتين نيو بورن ,, امس يوم اروح مذركير ما حصلت عدل لو اني عمية ما يندرى ههههههه

ام نور وعلي;13356716:

هلا وردة

ايه ادري ان اول يوم ما يسبحونه عدل وما ينظفونه ، اني بعد بخلي اختي اول ما زورني تسبح البيبي، بس اني قصدي بعدين ، عقب ما يودونش الجناح ، ما يخلونش تسبحينه واذا عطيتينهم ثياب البيبي حاسبي ليهم لان ساعات ما يرجعونهم ليش

جحة حمرة;13356709:
هلا ام نور وعلي

شخبااارش ؟ وينش عنا من زمان .. :lol:

بالنسبة لفوط التبديل .. يعني اذا البيبي وصخ هم بعد يجون يبدلونه ؟ :!!: .. خبري يخلون الام هي اللي تسوي كلشي .. بس التسبوح عليهم ..

***

وردة البرية

حطيتين كلشي لون ابيض لو شكلتين ؟ :lol: .. اني طلعوا اغلب مشترياتي بيضان خخ .. وحطيت ثياب من زيرو تو ون مانث >> يزعم مال نيو بورن ذلين بعد .. وان شاء الله نجيبهم مربربين ويستخدمونهم بس اسبوع وننتقل الى ثياب من زيرو تو ثري .. :adore:

واني بعد بحط دشداشة اللي تبع الفراش .. احس البيبيات كيووووت فيهم ولو انهم مال اول خخخخخخخ ..

ام نور وعلي;13356716:

هلا وردة

ايه ادري ان اول يوم ما يسبحونه عدل وما ينظفونه ، اني بعد بخلي اختي اول ما زورني تسبح البيبي، بس اني قصدي بعدين ، عقب ما يودونش الجناح ، ما يخلونش تسبحينه واذا عطيتينهم ثياب البيبي حاسبي ليهم لان ساعات ما يرجعونهم ليش

ام نور وعلي;13356642:

صباح الخير كروشات

شخباركم
توقعت ادخل واشوف احد ولد والا عنده الم ولادة
لكن شكلنا كلنا بنكمل التاسع كامل
خيو احس ثلاث بدلات كفاية، حتى لو اول ولادة ما يخلون في المستشفى الا يومين ويوم ثالث يرخصونش، وما بتحتاجين فوطة السباحة وفوط تبديل ومشط لان كل هالاغراض تكون متواجدة في المستشفى وهم يتكفلون بتسبيح البيبي، لا تنسين شنطة أدوات النظافة الصغيرة للبيبي ، وبالاضافة لاغراضش

تذكر يوم;13357340:
السلمانيه يخلون يوم والثاني يطلعونج
يعني اول ولاده تكون غير ولا شسالفه
يعني بيخلونا يومين ؟!

جحة حمرة;13357411:
عادة السلمانية يخلون الوحدة ليلتين ..

الا اذا عملية اربع ليالي ..

ويعتمد بعد على وقت ولادتش .. صبح لو عصر لو ليل .. اذا بالليل او الصبح من وقت .. تجي الدكتورة الصبح تشوفش .. ويوم ثاني بعد بالصبح تجي تشوفش وتكتب لش رخصة الى نفس اليوم ..

الا اذا غيروا قوانينهم بعد الله اعلم

تذكر يوم;13357426:
جحه من وين خذيتي غطى الرضاعه ؟

تذكر يوم;13357431:
ايه هذا اللي سووو لاختي
ولدت الصبح
واليوم الثاني الساعه 12 اهيا في البيت
يعني هذا يوم واحد مو يومين

جحة حمرة;13357471:
غطى الرضاعة يقولون تحصلينه في سنتر بوينت ..

بس اني آخر مرة طلبنا من موقع ديبر .. طلبت قماط .. مكتوب عليه انه يستخدم للف البيبي او كغطى رضاعة او نغطي به عربة البيبي اذا كنا طالعين وياه في الشمس مثلا خخ .. فقلت بستخدمه كغطى رضاعة طالما اني في المستشفى >> هو يعني خلق قماش عادي ما احس ان يستاهل ان الوحدة تشتري ليها اصلا غطى للرضاعة اذا عندش شيلة او شي استخدميها وخلاص ..

جحة حمرة;13357498:
هو اذا في غرفة جمعي .. يبغي لها تشيل عليه من يقولون لها رخصة ..

لكن اذا غرفة خاصة .. حتى لو قالوا لها رخصة من الصبح .. عندها وقت لليل عشان تطلع .. يعني الوحدة تقعد احسن وتستقبل زوارها خاصة لو مخسرة على الستاند والتوزيعات والتزيين والضيافة .. عشان الناس يمديهم يجونها اول وثاني يوم ..

:D

جحة حمرة;13357532:
على فكرة تذكر ..

هالمرة كنت في مذركير وشفت الاختراع اللي للاستحمام .. اللي نفس الجيك نحط فيه الماي ونصبه على البيبي .. :D

سعره ستة دينار :hysterical: .. كلش كلش ملش ما يسوى ... وهو رحتين لو جيتين يظل نفس الجيك لو الطاسة .. خخ آخذ من نفس فكرته من ابو ربيتين لو ثلاث ارخص واحسن ليي :lol:

تذكر يوم;13357544:
لا اختي في غرفه خاصه كانت بو 80 دينار
بس اهيا ما تحب المستشفيات وما ضنت يقولون لها بيطلعونها على طول طلعت

انا بولد يمككن في محرم ولا صفر
تهقين يسوى اقعد يومين ولا ثلاثه في المستشفى ؟!

جحة حمرة;13357576:
اذا مو في ايام العشرة او ايام الوفيات .. قعدي ليش لاا ..

عاد يومين بس مو ثلاثة :D

ولو قالوا لش رخصة مو تطلعين من الظهر .. قعدي لليل لعقب الثمان عشان يخلصون الزوار اللي بيجونش وطلعي .. لأن في كل الاحوال انتين دافعة دافعة الى هاليوم ..

وبسأل ... يصير نحجز غرفة خاصة من قبل الولادة لو لاا .. :study: .. ما ابغي اقعد في جمعي