رابطة امهات واطفال مصر بعمر السنتين ..لشهر ذو القعده

البقاء لله يا شهيدة ربنا يرحم والدك ويسكنه فسيح جناته ويصبرك يا حبيبتى انتى واهلك

أم حموودى القمر;13473182:
ازيكم ياحبيباتى وحشتونى

محمود وفلة تعبانين جدا وهوديهم للدكتور النهاردة دعواتكم

وخصوصا ان محمود بقاله شهر واكتر تعبان مش راضى يخف وكل شوية يطلع من حاجة لحاجة

واتهرى ومضادات حيوية شراب وحقن وبرضه مفيش فايدة

دعواتكم يا بنات بالله عليكم

اسال الله العظيم رب العرش العظيم ان يشفيهم

يارب يعافيكم ويبعد عنهم اى مكروه ويسعدك ويفرحك ياسالى معلش اصبرى.

شهيدة;13478372:
ازيكم يا بنات؟

بالله عليكم ادعو لبابا هوا بقاله اسبوع في الرعايه امبارح العصر كده تعب اوى وحطوه على جهاز تنفس صناعى
والكلى مش راضيه تشتغل عملوله غسيل كلوى اول امبارح ومفيش تحسن
انا عارفه ان حالته طبيا تعتبر وحشه اوى ومش عايزة اقول كلام تانى اصعب من كده
بس احنا املنا في ربنا كبيييير اوى
هو القادر على كل شيء وقادر يشفيه ويعافيه بالرغم من مرضه الصعب
وهو الله الذى لا يعجزه شيء في الارض ولا في السماء وهو السميع العليم


نفسي يخف ويرجع وسطنا وترجع ضحكته الحلوة تنور بيتنا

بجد وحشنى اوى وكل اما ادخل اشوفه في الرعايه مش قادرة استحمل اشوفه بالوضع ده
كل اما افتكر مواقفه معانا ومع ولادنا مبقدرش امسك نفسي
مش قادرة انسى اما عمر تعب جامد ودخل المستشفى وبابا جه وفضل قاعد جنبه يرقيه
مش قادرة انسى لما في مرة زعلنى وجه بعدها يصالحنى مع انه ابويا وانا بنته
مش قادرة انسى اما رحتله بعد ولادتى ولقيته شد على ايدى وبكى وقالى كان نفسي افرح بيكى وببنتك


متعرفوش بجد بابا اد ايه حنين مش بس علينا لا على ناس كتير وحتى عالحيوانات بحكم شغله
متعرفوش اد ايه بيحبنا واد ايه بنموت فيه
متعرفوش ازاى كان سبب في اصلاح بييوت كتير منها اللى دام 20 و30 سنة من انها تتهد
متعرفوش ازاى كان سبب في زواج شباب وبنات كتير
متعرفوش ازاى لما كنا بنروح البيت عنده مكناش بنعرف نقعد معاه من كتر الناس اللى بتيجى تاخد برايه في موضوع او حل لمشكله
متعرفوش كم الالام اللى كان متحملها بقاله سنين وكل ما يروح لدكاترة يحتارو في تعبه
متعرفوش حبه لامى وليا ولاخواتى عامل ازاى وعلى الرغم من تعبه كان بييجي على نفسه علشان ميزعلناش

انا نفسي يخف علشان ماما
وعدها هيخرج من المستشفى علشان خاطرها هيا
ماما متماسكة لحد الان بس نفسيا وجسديا تعبانه اوى
واحنا خايفين عليها اوى اوى

بالله عليكم ادعولهم وادعلنا معاهم بالصبر والثبات


اعذرونى لو كابتكم معايا

:'(:'(:'(كانك بتتكلمى عن ابيه ياشوشو بكتينى وجيتى ع الجرح وخوفتينى بس بجد بشكرك خلتينى ادعى بقلب جامد بكلامك اللى بتقوليه ده على اب ؟؟_ربنا يرحمه ويرزقه الفردوس الاعلى وجميع امواتنا المسلمين _انا شفته فى اخ؟؟؟؟؟؟؟؟؟؟ربنا يحميه ويعافيه ويرضيه ويرضى عنه ويهديله اى عاصى :'(
ربنا يصبركم ويثبتكم

السلام عليكم

كنت داخله اسلم عليكو بس فعلا مش قادره امسك دموعي والله
حاسه احساسات غريبه اوي من اول ما سمعت خبر وفاة بابا شهيده


ربنا يرحمه ويصبرهم يارب

السلام عليكم ورحمة الله

شهيده البقاء لله ياقلبي ربنا يجعلها اخر الاحزان يارب ويحفظلكم ماما وبابا زمانه في مكان احسن واحلى خلي عندك ثقة بدا وربنا يرحمه يااااااااااارب

بنات .... :celebrate: موضوعي لطريقة التسوق من امازون لعيوووووووووونكم

http://forums.3roos.com/showthread.php?p=13509766#post13509766

شرفوني


:L::L::L::L::L::L::L::L::L::L::L:

*Om Mo3az*;13503408:
السلام عليكم

كنت داخله اسلم عليكو بس فعلا مش قادره امسك دموعي والله
حاسه احساسات غريبه اوي من اول ما سمعت خبر وفاة بابا شهيده


ربنا يرحمه ويصبرهم يارب

اجمدي يا أم معاذ ربنا يرحمه و يرحم جميع موتانا أمين يارب العالمين

ازيكو يا بنات انتو فين

أم نور عيوني;13511143:
اجمدي يا أم معاذ ربنا يرحمه و يرحم جميع موتانا أمين يارب العالمين

ازيك يا ايمي عامله ايه وازي نور والبيبي اخباره ايه
والحركه وماتشات الكورة اللي جوه عامله ايه هههههههههههههههه



ربنا يكرمك يارب بس بجد الفراق ده حاجه صعبه اوىىىىىىىىىى
انا اول ما قريت الخبر والله شريط احداث وفاة بابا الله يرحمه مرت كلها قدام عينيا وماقدرتش امسك نفسي
ربنا يكون في عونهم يارب ويصبرهم
ربنا وهبنا نعمة النسيان عشان نقدر نعيش بس محدش بيقدر ينسى احبابه مهما طال الزمن بس على الاقل بننسى وقت محدود عشان نقدر نعيش والحياة تمشي

انا كنت نازلة من شوية اجيب حاجات من السوبر ماركت وبلبس الشوز ولسه مش اخدت المفتاح قام ميزو قفل الباااااااااااااب
عااااااااااا

انا كنت هعيط كان موقف وحش اوي والحمدلله اني كنت لابسه
بس للاسف البوتاجاز كان والع وماكنش ينفع اروح عند ماما وجوزي مسافر انهرده مش بيرجع غير ع الفجر
بس الحمدلله نزلت الشارع سالت على نجار قريب وجه فتح لي الباب بس شوه منظره شوية بس مش مشكله المهم اني دخلت وقفلت البوتاجاز
عااااااااااااااااا

كان يوم عصيب الحمدلله

السلام عليكم
ازيكو يابنات
وحشتوونى ووحشنى الرغى معاككككككو

شهيدة ربنا يصبرررك


ادعولى يابناااااااات

معرفش بقى اية باان ربنا يريحنى ولا بان ربنا ياخدنى ولا يهدينى مش عارفا اوالله
ادعولى باى حاجة وخلاااااااااص

ربنا يهديك يا موها حد يدعي بإن ربنا ياخده
ربنا يصلح حالك ويفك كربك ويهدي لك نفسك

مها وحشتيني اوي يا مها بجد عارفه انك بتقولي عليا ندله ومعفنه والله بس بجد غصب عني والله العظيم وربنا اللي يعلم

المهم
ربنا يهديلك الاحوال ياااااااااااااااااارب ويهديكي ان شاء الله يا حبيبتي وييسر لك كل خير يارب

بنات عاملين اية
توتا ربنا يهديكى ما تدعيش بحاجة وحشة على نفسك ربنا يصلحلك الاحول ويهدى حالك يا رب

ام ميزو و الله الموقف دة تحفة و مشكله و يغيظ انت ما تخرجيش من البيت الاو انت المفتاح بايدك او الترباس مفتوح انا بقيت اعمل كدة

ايمى ام نور عاملة اية ونور عاملة اية و النونو عامل اية معاكى

ايماااااااااان انتى كمان وحشاانى اوى والله
لا والله مش بقول عليكى انا عارفا ان اكيد عندك ظرووف

ربنا يعينك ويقويكى يا حببتى

سوسو ازيك عامله ايه وازي جوجو
واخبار الحمل معاكي اييييييييييه والوحم والذي منه

ربنا يكرمك يا مها يارب

يارب تكوني بقيتي احسن ان شاء الله

السلام عليكم ورحمة الله وبركاته

شهيدة ربنا يصبركم ويربط على قلبكم ياحبيبتى ويجعل مثواه الجنة ان شاء الله

شكرا لكل البنات اللى سألو على محمود وفلة وشكرا برضه للى مسألوش (الكلام ليك ياجارى))والحدق يفهم

المهم انتو كلكم وحشتووووووونى اوى

ازيك يا سالي انتي هنا
عامله ايه وازي حمودي وفله


جارك مين اللي تقصديه بقىىىىىىى
انا اصلا مش قريت مشاركتك انهم تعبانين
كل الولاد تعبانين والله ربنايشفيهم يارب
وانا كمان تعبانه والله وقعدت يومين ف السرير ومحدش سال عليا :sick:


عموما الف سلامه عليهم يا حبي ربنا يطمنك عليهم ان شاء الله
هم ايه اخبارهم دلوقتي يارب يكونو احسن