تجمع بنات الأردن لشهر ذو القعدة 1430

انت الحلوة يا سنفورة
انا كمان عمري 24 انا متزوجة وعندي ولدين ولي بالصورة ابني الصغير صورتو اياها بحديقة الطيور بالشميساني بس انا عندي الكبير عمره ثلاث سنين احلى من الصغير موجودة صورهم بقسم الصور وفي الهم صور بالعيد كمان نزلتهم

تسلمي يارب الله يحلي ايامك
انت وين بالاردن

سنفورة عندي مشكلة ومش عارفة احلها
معلش لو تناقشنا فيها يمكن يكون رايك هو الصواب

انا يا حبيبتي زوجي موظف بشركة الكهرباء
وراتبه 500 ومع الاضافي بكون اكتر والو ثلاث رواتب زيادة اكيد ابتعرفي الثالث عشر والرابع عشر ومن جديد صار عندهم خامس عشر
انا مشكلتي بالبيت انا بيتي كتير صغير غرفتين وصالون مساحته 70متر تخيلي ومافي برندة او مساحة قدام البيت وياحبيبي لما يجي لعندي ضيف ويكون معو اطفال انا مقسم البيت غرفة النوم تاعتي
والصالون فيه طقم مريس وغرفة الضيوف فيها طقم كنب
انا زوجي ملتزم ما بعمل قعدة مختلطة لما يجي ضيف بكون هو والرجل بغرفة الضيوف وانا والمراة بالصالون والاولاد حولينا على نط ولعب وتكسير
وانا كمان كتير زعلانة على اولادي مافي مكان يلعبو فيه براحتهم بدهم يلعبو طابة او بالبسكليت او السيارة الشحن الي ابني من يوم ما شريتلو اياها مش عارف وين يلعب فيها
وانا مش متعودة على هيك بصراحة انا لما كنت عند اهلي بيتهم كتير كبير كل واحد غرفة وصالونين غير غرفة الضيوف
وانا بطلب من زوجي انو نترك البيت ونشتري شقة اكبر او حتى نطلع ونستاجر بس هو مو راضي ابدا اول سبب هي امو الله ياخدها ويريح الامة العربية منها مو راضية وبتحيلو بغضب عليك اذا بتطلع هي ساكنة تحتينا بس احنا مارح نتركها لحالها في الو اخو تاني ساكن فوقينا
بس بدها تتحكم وزوجي كمان بحكيلي بكفي انا ساكنين وما بندفع اجارات واحنا اذا استاجرنا مابنقدر نصرف على الاولاد وانا نشتري شقة
ما معو بدفع كاش و معو مبلغ عشر الف بالبنك بس الشقة الي ببالنا بدها على الاقل 60 الف وما عندو استعداد ياخد قرض من البنك لانو حرام وربا بس انا بصراحة مش قادرة اتحمل الخنقة واخر حل كان عندي اني اخد الاولاد واعيش ببيت اهلي وهو لما يشتاقلنا يجي يشوفنا
انت شو رايك

احنا حبيبتي سالنا كتير ورحنا على البنك العربي الاسلامي
والقسط الشهري تقريبا رح يكون 200 دينار بس بدك تدفعي 20 سنة
وبحكيلك انت ما بتدفعيلي قسط انت بتدفعي اجار يعني انو كل سنه بزيد اسعار الاجارات يعني انا احتمال ارفع الدفعة الشهرية
وحتى لو توفر معاكي المبلغ وحبيتي تدفعي مرة وحدة ما بقبل مجبورة تدفعي عشرين سنة
انا الي قاهرني اني اقنعته وهو من جواته مقتنع بس امو الله يوخدها هي الي خربت علي بس من اكم يوم صارت شغلة انا كتير مبسوطة منها