تجمع امهات مصر لشهر ذو القعده ...حياااااكم

يا عيني فين ايامك يا شاتنا بقيت مهجور خالص

بنات بقي ضروري انا احتمال بإذن الله افتح محل ولسه بفكر كويس وبجمع معلومات وحاجات عشان متدبسش وبفكر في الافكار اللي ممكن افتحه بيها لن المحل نفسه موجود، المهم الفكرة الاساسية اللي غالبا ان شاء الله ممكن ننفذها هاتبقي لانجيري وطرح واكسسوارات وميكاب وبرفانات وهدايا وكماليات المحجبات او لانجيري وبس هشوف يعني لسه، فلو كده عايزة آرائكم معايا بليز ومش تطنشوا وافكار كتير واللي تعرف حاجة تقولي او حاجة تفيدني في اماكن اسعار دراسة جدوي للموضوع ميزانية وغير كده والاهم انا بقي عمالة بقولهم هنا عندي في البيت انا ليا صحاب كتيييييييييييير اوي حبايبي في المنتدي وبراه واكيد هينفعوني وهايجوا يعملوا للمحل حس ومش هيسبوني اخسر صح ولا ايه وان شاء الله اجيب بضاعة حلوة وتعجب الاذواق كلها بس غالبا مش هجيب حاجات غالية هخليني في الحاجات الحنينة عشان بردو تناسب سكان المكان، هو في عين شمس
مستنية افكاركم وردودكم عليا بلييييييييييز

ربنا يوفقك يا ايمي والمشروع فكرته حلوه وعندي ليكي فكره اما تعملي افتتاح المحل اعلني في المنتديات اللي انتي مشتركه فيها بميعاد الافتتاح واعملي جروب عالفيس بوك وعلطول اعرضي اللي بتبعيه عالنت علشان تبقي موجوده في كل حته وتعملي تسويق كويس ربنا معاكي وادعيلي نفسي اعمل حاجه انا كمان ربنا يوفقك ويوفقني

حد هنا

انا هنا ازيك يابسبس عامله ايه واخبار ياسين ايه؟؟؟؟؟؟

الحمدلله تمام

تعالى المجموعه احسن

مايونيز;13401201:
ربنا يوفقك يا ايمي والمشروع فكرته حلوه وعندي ليكي فكره اما تعملي افتتاح المحل اعلني في المنتديات اللي انتي مشتركه فيها بميعاد الافتتاح واعملي جروب عالفيس بوك وعلطول اعرضي اللي بتبعيه عالنت علشان تبقي موجوده في كل حته وتعملي تسويق كويس ربنا معاكي وادعيلي نفسي اعمل حاجه انا كمان ربنا يوفقك ويوفقني

فعلا ده اللي كنت ناوية عليه بإذن الله وموضوع الجروب ده لازم ان شاء الله فعلا

السلام عليكم يابنات وحشتوني قوي قوي قوي انا مكنتش بدخل طبعا عارفين السبب مكنتش عاوزه اضايق حد من غير ما اقصد
انا جيت اقولكم خبر حلو الحمد لله انا حامل بالله عليكم تدعولي ربنا يثبت حملي

ازيكم يا بنات وحشتونى جدا

فتفت الف الف مبروك يا حبيبتى الحمد لله ربنا عوضك خير ربنا يكمل حملك على خير ويثبتة ويرزقك بطفل سليم معافا يارب

فتافييت السكر;13403865:
السلام عليكم يابنات وحشتوني قوي قوي قوي انا مكنتش بدخل طبعا عارفين السبب مكنتش عاوزه اضايق حد من غير ما اقصد
انا جيت اقولكم خبر حلو الحمد لله انا حامل بالله عليكم تدعولي ربنا يثبت حملي

دودو كنت حاسة والله العظيم الف الف الف مبروك يا جميلة ربنا يثبته يارب ويكملك علي خير ان شاء الله خليكي معانا بقي يا وحشة وانتي غلطانة جدا انك بعدتي عننا في الوقت ده

((K~A~T~O));13404336:
ازيكم يا بنات وحشتونى جدا

فتفت الف الف مبروك يا حبيبتى الحمد لله ربنا عوضك خير ربنا يكمل حملك على خير ويثبتة ويرزقك بطفل سليم معافا يارب

ايمي وحشتينها اوي انتي وميكو :D:D عاملين ايه انتي سافرتي ولا ايه

انتي يا ايمي وكل البنات والله وحشتوني قوي انا مبعدتش لوحدي يا ايمي بس بجد اول ماعرفت قلت لازم اجي افرحكم

السلام عليكم يا قمرات

كل شوية عايزة اكتبلكم عملت ايه عند الدكتور بتاع جوجو من يومين وانسي بصوا بقي كل اللي سألتوا عليه اهو عشان تستفيدوا معايا زي كل مرة

اولا كان في كتير منكم خايف من انه يدي كالسيوم او حديد من غير تحليل، فسألته هو كده مش غلط واننا محللناش وكتره ممكن يبقي غلط زي ما بسمع وكده، فقاللي احنا بندي جرعة وقائية مش علاجية تفرق كتير وفهمني بالراحة بقي بالظبط، يعني هي بتاخد نسبة بسيطة خالص عشان لا قدر الله عندها نقص او هايجلها نقص بنقوله لا ستوب عندك ونخليه متوازن لكن لو اديناها جرعات علاجية زي اللي عندهم نقص فعلا بكمية اكبر من اللي بتاخدها وبتبقي غالبا 3 مرات في اليوم مش مرة كده زي ما هي بتاخد وهي اصلا معندهاش نقص ده فعلا اللي غلط جدا وبيعمل حاجات وحشة لا قدر الله.

ثانيا قلتله امتي ممكن اكلها عادي من التلاجة سواء اكل او شرب قصدي اني مش افضل مستنية لغاية ما الحاجة تبرد وتهدي خالص، قاللي لا طبعا هتفضل كده ماينفعش تاكل حاجة ساقعة ، ده انا بيجيلي ولاد كبار وبيبقي عندهم نزلات معوية بسبب حاجات كده.

ثالثا قلتله انا بديها مثلثين جبنة في اليوم قاللي كفاية اتنين اوي كده ومتزيديش عنهم ولو هتديها صفار بيضة يبقي كفاية معاه مثلث واحد في اليوم لو مفيش يبقي مثلثين زي ما انتي.

رابعا الزبادي بردو بتاخد اتنين في اليوم ما شاء الله قاللي عادي جدا اصلا الاتنين دول يعتبروا وجبة علي بعضها او اقل كمان فمش كتير متقلقيش.

خامسا قلتله اللبن بديها زي ما مكتوب علي العلبة 3 مرات كل مرة 210 مللي غالبا، قاللي لا بصي اللبن ده مش شرط تمشي مع اللي مكتوب لأن ده الاساس بتاعها فهي لو عايزة اكتر اديها عادي 240 او 270 مفيش مشكلة.

قلتله هي بتحب الموز وبقالي فترة بهرسه واديهلها، قاللي لأاااااا الموز من الممنوعات هو الفراولة والمشمش واللبن الحليب بتاعنا والشوكولاتة طبعا وبياض البيض دول مش دلوقتي خالص.

سألته علي البلح عشان ماما ساعات بتديها بلح رطب، قاللي اه ده عادي ممكن وسألته علي البطاطا بردو قاللي عادي ما زي البطاطس.

وقاللي زودي بقي علي الاكل اللي بتاكله الحاجات دي: كبدة فراخ مسلوقة وشوربة خضار كاملة بقي مشكلة وماء الرز وماء البليلة وممكن بليلة مضروبة بردو وماء الفول او فولة مهروسة كويس كده، فسألته والرز نفسه متاكلوش؟

قاللي لأ الرز بلاش ممكن البليلة لكن الرز لأ ونسيت بالظبط قاللي لأ ليه، قلتله حتي لو ضربته او سلقته بزيادة قاللي لا بردو مش مستحب عشان الحباية بتاعته مش فاكرة مالها.

وقاللي لما تخلص التامن بقي وتبدأ في التاسع دخلي صدر فرخة.

وقال الحاجات دي كلها تفضل معاها لغاية سنة ومفيش اي تغييرات فيهم واللبن بردو هو نفسه لغاية لما تتم سنة.

سألته علي عصبيتها ولما بتدبدب برجليها وهي نايمة سواء بتعيط او بتضحك وعياطها المتواصل دلوقتي كل ما تعوز حاجة، قاللي عادي بتدأ تتعرف علي اللي حواليها وتكتسب خبرات جديدة متقلقيش.

قلتله علي انها مش بتتفاعل لما اناديها وهي مش باصة مش بتدور علي مصر الصوت قاللي ابن اخويا كده بردو وده عادي مفروض من بعد التاسع يركزوا ويعرفوا بس هو اتاخر شوية ومعرفش اسمه إلا علي ال 11 كده لما اناديه يقوم باصص وراه ويعرف ان ده اسمه واهم حاجة ان ودنها سليمة ومفهاش شمع وانها بتسمع صوت الباب لو قفلناه مثلا جامد.

حاسة ان فيه حاجات تانية نسيتها لما افتكر بقي ان شاء الله اكملكم :):)

ربنا يكلمك علي خير يا رب يا دودوF:F:F:F:

حد هناظ

يا عيااااااال مهما كان بردك ما ينفعش نهجر الشات ده كده .. ده تجمع لمصر ...










مصر يا رأفت مصر :D

اسلمى يااامصر اننى الفدا
زى يدى ان مدت الدنيا يدااااا
ابداا لن تستكينى ابدااا
اننى ارجو مع اليوم غدااا
و معى قلبى و عزمى للجهااااد
لكى ياااااامصر السلااااامة
وسلااااااما يا بلاااادى
ان رمى الدهر سهااااامااا
التقيهاااا بفؤادى
و اسلمى فى كل حين:046:

السلام عليكم ازيكم في حد هنا

انتو فين يابنات؟ بتتجمعوا فين وحشتوني

كل ما ادخل ملاقيش حد