دموع اشتياقي;13339567:
تسلموا يا بنات يارب والله بتشجعوني اوي
طريقه الشوربه بصي يا ستي هتجيبي الجمبري صحيح كده وتغسليه بعدين تنقعيه حبه في ميه وخل عشان الزفاره
تكوني مقطعه بصله عنار في حبه زيت تصفر تروحي مصفيه الجمبري وتنزلي علبصله تعدي تقلبي تشويح يعني علي نار وسط لغايت ما لونه
يغير ويبقي برتقالي تروحي حاطه طماطمايه مقطعه صغنن وتومه حلقات وتشوحي وتنزلي بلميه وتحطي بقه كمون وملح ولمون حلقات وشطه لو حابه
وبس كده يغلي تروحي موطيه النار ومغطيه لغايت ما يستوي ولما يستوي تحطي حبه كرفس او بقدونس والف هنا
وااااااااااو الطريقة شكلها لذيذ وسهل هجربها انشاء الله
miobello;13339669:
نانى بجد عايزه اقولك ان كل وصفاتك بتضبط معايا ما شاء الله الكريب والبيتزا وكله ربنا يكرمك بس انتى بتعرفى الحاجات دى كلها منين وبما انك خبيبره ايه رأيك فى وصفات منال العالم وعايزه مصادر كويسه انتى مجربها علشان اعرف منها اكلات جديده وصفات حلوه
بالمره بقى انا عايزه الشاورمه والكوردن بلو بطريقتك يا قمر
بجد طيب كويس فرحتيني
لا والله انا الحاجات دي بعرفها لما بجرب اكتر من طريقة واتوصل لاكتر طريقة مظبوطة
ومنال العالم مش عرفة انا مش مقتنعه بيها ومفيش حاجة من اللى بتعملها شدتني اني اجرب
انا بحب الناس بتوع فتافيت ومجله فتافيت بجيب منها طرق كتير والحمد لله كلها ناجحة جدا
وساعات حاجات من على النت وانا بظبطها بحيث تناسب ذوقنا كدة يعني
اه نسيت ارد على الشاورما والكوردن بلو
الشاورما بقطع اللحمة طبعا شرايح رفيعه وبتبلها ببصله متقطعه جوليان وملح وفلفل اسود وبهارات شاورما ومعلقة كبيرة دبس رمان ومعلقتين زبادي
بسيبها يوم وبعد كدة بشوحها في زيت او زبدة ويسلام لو معاها حتة ليا صغيرة واشوحها لحد ما تنزل ميتها وتشربها تاني وتبدا تتحمر اروح حاطه عليها طماطم وبقدونس وممكن فلفل اخضر بس كدة
اما الكوردون بلو عادي زي كل الناس ما بتعمله بجيب صدور الفراخ واتبلها بملح وفلفل وليمون وبعدين احشيها روست بيف او اي نوع لحم مدخن او تركي مدخن وجبنه شيدر وبقفلها بخلة الاسنان واحطها في دقيق وبيض وبقسماط واحمرها
