تجمع حوامل وامهات قطر لشهر ذو القعدة لعام 1431 هـ ؛ اكتوبر 2010 م

صباحكم كادي

بدر البدور .. أنا عندي موعد نهاية الشهر عشان أسوي المسحة فديتج هي نفسها باختلاف الجهاز اللي يستخدمونه عندي خبرة فيها من كثر ما يسوونها لي .. يعني في نوعين نوع بالمنظار ويحطون لج مادة في عنق الرحم وبنفس الوقت تبين اذا في تغيرات بعنق الرحم ونوع ثاني يسحبون عينة بعد من عنق الرحم ويبين اذا في خلايا غير طبيعية أو تغيرات أو التهابات أعتقد بيسوون لج النوع الثاني حبيبتي توكلي على الله ولا تخافين أنا متعودة أسويها ..وصج شوي بتحاتين لين تطلع النتيجة لأن يبي لها أسبوعين بس الأفضل انج تسوينها خاصة عقب الولادة توكلي على الله وان شاء الله مافيج إلا الخير ..
وعن التطعيم حبيبتي ان شاء الله مايتعب رشودي مب شرط يسخن .. بيعطونج أدول تستخدمينه وقت الحاجة لاحسيتي انه يصيح ومتضايق أو حرارته مرتفعة وبيقولون لج سوي له كمادات أول يوم كمادات دافية وثاني يوم باردة الصبح وفي الليل ..بيعطونه قطرة في الحلج وابرتين بريوله الثنتين .. أنا عبودي عور قلبي قام يصرخ من الألم عيوني دمعت بغيت أصيح معاه :'(

لافندر .. فديت قلبج أنا تعبت من كثر مادورت منتجات موستيلا وفي الدوحة ماعندنا هالمنتجات ماخليت صيدلية ماسألت فيها .. ويوم رحت دبي نسيييييت أدور عندهم توني تذكرت يوم شفت سؤالج :woo:

لولوة الدوحة .. ترجعين بالسلامة حبيبتي .. وعلى سالفة الشغالة حسبي الله عليهم هذي سوالفهم .. مايخافون من الله .. وأنا بروحي محتارة مثلج يا لولوة عقب العيد بتروح الأندونيسية اللي عندي وهذي آخر مرة أجيب أندونيسية ومفكرة في الفلبينية بس محتارة وايد وبصلي الاستخارة باذن الله وان شاء الله رب العالمين بيختار لي الأفضل واللي فيه الخيرة لي .. وأنا بعد محتارة أجيب مسلمة ولا مسيحية ؟ جديدة ولا مشتغلة من قبل ؟ وربي يعينج ويعينا ان شاء الله ..

دوحانية .. ما يشوف شر وليدج فديت قلبه ..

لافندر .. أعتقد عندنا هالصيدلية في فيلاجيو ولا أنا مخرفة ؟

دوحانية .. الله يسلمج من الشر حبيبتي

والنتيجة تطلع في أسبوعين .. شفتي اشلون حرب نفسية .. والله أتم على أعصابي بس أحاول ألهي نفسي .. الحمد لله على كل شي