تجمع امهات فبراير لشهر ذو القعدة 1431ه-2010 م

هايو بنات...
اخباركم..
امس صادتني حاله نزل ضغطي ولا قدرت اتحرك كللللش طايحه على الارض وقلبي شوي بيطلع من صدري من كثر ماهو بسرعه يدق لين رحت الطوارئ قالولي ضغطي وايد نازل وسوولي تخطيط قلب عشان يشوفون شفيه وحطولي محلول يرفع الضغط شوي وبعدين صار قلبي احسن الحمدالله بس للحين والله حالتي حاله قالي في اجسام تستحمل الضغوط النفسيه وانتي جسمج كلش ما يستحمل بسرعه تمرضين بغوا يرقدوني بس قتلهم لالا مابي عيالي في البيت ولا خليتهم يكملونلي المحلول ...ضربتني وحده فلبينيه ابرتين عشان التحليل ذبحتني يدها وايد قويه..قالي الدكتور لازم مافكر وايد وارتاح كلش وانام عدل واكل موالح بس ويني ووين الراحه اليوم جيت الدوام احس بدوخه شوي بس احسن الحمدالله..
بقوم اشربلي لبن مع ملح عشان ما يستويلي نفس امس

السلام عليكم


حبيت اطمن عليكم علي كتاكيتكم

ان شاء الله انهم بخير

أم الأقمار الثلاثة;13364127:
مبروك التجمع الجديد

أنا مو من أمهات فبراير

من حوامل فبراير 2011

وحابة أسألكم كيف كانت تجهيزاتكم العام الماضي يعني شتوية ولا صيفية ؟

لأن من جد محتارة

يقولون فبراير برد وانا أحس الجو بيكون حلو يعني مو برد كثير

فبناء على تجربتكم كيف كان الوضع

وزي ما يقولون أسأل مجرب ولا تسأل طبيب

انتوا كرماء ونحنا نستاهل

في انتظار ردودكم

نحن كان متوسط احيانا برد احيانا حر ماتعرفين بس ماطول برد كتير دخلنا بالحر
بس انا شريت الاشياء قطن خفيف .لانه ياهل دوم يتقمط...

هلا مامات اخباركم



البارحة كان موعد تطعيم عسولي
كنت كلش خايفة من ردة فعله لانه ماشاء الله كبران وصاير يفهم كلت راح يقلب الدنيا

المهم رحنا , الممرضة قالت خليه جالس في الكارسيت لا تطلعينه منه
ايفرن صار يطالع وجه الممرضة وبعدين يطالعنا انا وابوه وينزل عينه مع ابتسامة خفيفة خجلاااااان هههههههههههههههه
انا مت ضحك عليه اول مرة اشوفه يسوي كذا
الممرضة كانت حلوة وايفرن جان يدلع<<<<<<<<<لاتسمع ام شيوخ وتغير رايها :lol:


المهم رفعت بنطلونه وخلت الابرة بفخذه
تصدقون ايفرن مانزلت دمعة وحدة من عينه ماشاء الله كانما اني اللي اخذت الابرة
ماحس بشي ولا خاف

الممرضة قالت هذا اسهل تطعيم سويته بحياتي خخخخخ

فديته ولدي صاير رجال وني ماادري هههههههههههه

****


اقول حفاظات اطفالكم مقاس كم تستخدمون؟

ايفرن من دخل شهر سادس صرت استخدمله رقم 4

لان من يتبرز وانتو بكرامه كله يطلع على ملابسه خخخخخ
فصرت البسه مقاس كبير
واحسه زين



****

قبل اسبوع طلعت للسوق وجهزتله ملابس شتوية
لان فترة الحمل جهزت بس لمدة 6 اشهر
:)

مرحباااا يا احلى امهااااات
اسفه انقطعت عنكم فتره طويله
بسبب ظروف ...
ورجعت لكم انا وحبيبي رشودي

صباحو بناااات...
اول شي بستلم لولو....
وينه ايفرونو الدلوع هههه حبييييبي ابيله صوره جديده فديته خطيب بنتي:)
هاي تكون ماشالله ايدها خفيفه في ضرب الابره لنه في بعضهم ايدهم قوووويه وتذبح....

امس فديته خليفه قعد من 1 ونص لييين 3 ونص كله من خشمه مزكم وكل ما يبي ينام خشمه يلعوزه حطيتله بخاخ الماي والملح شوي لين فاد معاه...لا وقعد بعد سلطان الساعه 1 مايبي ينام شبعان نوم وانا ماقدر اتحرك من التعب هههه بالزور لين رقد في الصاله على الكرسي يقولي كلوس مكيف هههه ...الحمدالله راح الحضانه بهدوء هههه..

خليفه صاير ان مسكتيه صااح وبوز الدلوع ههه فديته بس امس شوي كلش صخن مع زكام واحسه نشف

هلا خواتي .. ام الشيوخ ماتجوفين شر لا انتي ولا ولدج .. لفلي الله ايخلي لج الكتكوت والله يستر من بنتي جان ماتسوي لي حفله هي من تجوف ناس غرب على طول اتصيح بهدلتني الخميس والجمعه كنت رايحه بيت ربعنا افضحتني من كثر ماتصيح .. المفروض كان تطعيمها الاحد الي راح بس انا اجلته لما جفتها امصخنه يوم الثلاثا ان شاء الله بوديها اذا جفتها احسن .. لانه الحين صايره مره وحده اتصخن ومره عادي والسهال هاريها المسكينه ..

ام شيوخ ماتشوفي شر


لولو ههههههه ماشاء الله ربي يحفظه
لإبني شتوي اليوم او بكره


وعلى طاري الحفاظ نفس الحكايه لما يتبرز يزن يطلع بروح اشتريله مقاس 4 يمكن يناسبه اللي معاه دحين 3

بناااات عن البامبرز
انا تره استخدم الي كيسه ابيض البامبرز وايد وايد احسن من العادي
انا الحين استخدم 5 حسيته وسيع بس انا احبه يكون وسيع صوب البطن عشان ما يضايقه وصوب الفخذ بعد عشان ما يحزه

اهلييييين سافرت 4 ايام ورجعت :)

والله ياامهاااات نصيييييييييحه من اخت تحب خواتها الحمل وراء بعض جداااا متعب خصوصا اذا ماكان عندك شغالة او احد يساعدك ..
كل وحده تنتبه على نفسهااااا هههههههه

ميورة كل ماتشوف رورو تحبي تجلس فوقها تخيلووووا والله اتعصب عليها

ومرات تضربها في وجها من غير سبب مع اني احاول ماهتم فيها قدامها عشان ماتغار منها

ولا احياااااااانا تسوي حركه نذاااله
مثلا اسوي ل رورو رضاعه واحضها في سريرها واروح
تجي ميار تأخذ الرضاعة منها تشربها وتجيبها لعندي ههههههه سوت الواجب..


تطورات روان ولااااا ضرس طلع الحمدلله واحسن يطلعوا لما تكبر بتستحمل الالم لان الم الاسنان للصغار معاااناه ,,
ببنتي الكبيرة ماطلعلها بسرعه والكل قالي احمدي ربك وان شاء الله تطلع اختها زيها..

ومن التطورات صارت تستند على الاشياء وتوقف على ركبها بس وتموووووووووووووت في شي اسمه قناة طيور الجنة :)

وصارت تفهم واذا اكل ماعجبها تضرب الملعقة وتطيرها واذا غصبتها تقفل فمها بقووة في الاخير اقوم واطفش منها :( بكده تكون نفذت اللي في بالها..

همممم وايش كمااان

خلاص هاذي حكايات ميرو ورور

اشوفكم على خيررررررر

هلا امهات .. شخباركم .. انا بعد بنتي اتحب اتكون مرتزه ماتحب تقعد ولا تحب انحطها في المشايه .. وماشاء الله اخوها صاير غيور لدرجه كبيره ويغار حتى من ولد اخوي مااعرف اشسالفته هالولد يابلفيت انه ايلعبها ماتوعين اله البنت تصرخ يعني عرفي انه الولد سوا فسها شي .. وبنتي ماشاء الله عليها تاكل كل شي اله شي فيه عيش ماتاكله نهائي ويشير في حلجها مستحيل تبلعه لو شنو سويت لها .. وعن البامبرز استخدم لها رقم 4 العادي .. باجرب الابيض مثل ماقالت ام الشيوخ .. من كثر ماارقد بنتي على ريلي ريولي وايد اتعورني الحين امشي وانا اعري مايسوى علي هالنحيسه ماترضى اتنام عالسرير لازم اول شي تنام على ريلي وادبخ فيها لين ماتنام عدل وتخلص حنتها .. وعن الاسنان انا لحد الان ماجفت شي غير تكرمين الاسهال وبس ..

Lovely lolo*;13406340:
هلا مامات اخباركم



البارحة كان موعد تطعيم عسولي
كنت كلش خايفة من ردة فعله لانه ماشاء الله كبران وصاير يفهم كلت راح يقلب الدنيا

المهم رحنا , الممرضة قالت خليه جالس في الكارسيت لا تطلعينه منه
ايفرن صار يطالع وجه الممرضة وبعدين يطالعنا انا وابوه وينزل عينه مع ابتسامة خفيفة خجلاااااان هههههههههههههههه
انا مت ضحك عليه اول مرة اشوفه يسوي كذا
الممرضة كانت حلوة وايفرن جان يدلع<<<<<<<<<لاتسمع ام شيوخ وتغير رايها :lol:


المهم رفعت بنطلونه وخلت الابرة بفخذه
تصدقون ايفرن مانزلت دمعة وحدة من عينه ماشاء الله كانما اني اللي اخذت الابرة
ماحس بشي ولا خاف

الممرضة قالت هذا اسهل تطعيم سويته بحياتي خخخخخ

فديته ولدي صاير رجال وني ماادري هههههههههههه

****


اقول حفاظات اطفالكم مقاس كم تستخدمون؟

ايفرن من دخل شهر سادس صرت استخدمله رقم 4

لان من يتبرز وانتو بكرامه كله يطلع على ملابسه خخخخخ
فصرت البسه مقاس كبير
واحسه زين



****

قبل اسبوع طلعت للسوق وجهزتله ملابس شتوية
لان فترة الحمل جهزت بس لمدة 6 اشهر
:)

ما شاء الله عليه ..انا بعد نوافي عندها تطعيم بس اجلته لين الاحد جاي لانها كانت حمي ومزكمه
عقبال ما تكون مثله ما تصيح:thumbs_up:


انا استخدم مقاس 3 بعد وسيع شويه عليها:worn_out:

مدام يسرب يعني اشترلي له مقاس اكبر شويه

@ليان@;13406404:
مرحباااا يا احلى امهااااات
اسفه انقطعت عنكم فتره طويله
بسبب ظروف ...
ورجعت لكم انا وحبيبي رشودي

ولكم باك ليان واخبار روشودي

أم شيوخ;13411449:
صباحو بناااات...
اول شي بستلم لولو....
وينه ايفرونو الدلوع هههه حبييييبي ابيله صوره جديده فديته خطيب بنتي:)
هاي تكون ماشالله ايدها خفيفه في ضرب الابره لنه في بعضهم ايدهم قوووويه وتذبح....

امس فديته خليفه قعد من 1 ونص لييين 3 ونص كله من خشمه مزكم وكل ما يبي ينام خشمه يلعوزه حطيتله بخاخ الماي والملح شوي لين فاد معاه...لا وقعد بعد سلطان الساعه 1 مايبي ينام شبعان نوم وانا ماقدر اتحرك من التعب هههه بالزور لين رقد في الصاله على الكرسي يقولي كلوس مكيف هههه ...الحمدالله راح الحضانه بهدوء هههه..

خليفه صاير ان مسكتيه صااح وبوز الدلوع ههه فديته بس امس شوي كلش صخن مع زكام واحسه نشف

ما تشوفون شر...هي صح احسه منتشره زكمه خاصه الجو صار يبرد

هايو بنااات...
انا اليوم خذت موعد حق خليفه لنه الزكام والكحه زادوا عليه وشوي حراره خفييييفه مره او مرتين جاته وبس وقلت بعد باسويله تحليل دم عشان يشوفون شنو الاكل الي يحسس منه وابي يكشفون على صدره وايد يطلع صوت حبييييبي..
كله اقوله فديته الحين كله يقول ايديته تيته يضحكني فديت قلبه وعن الغيره وييييي عندنا وعندج خير نور الدنيا انا خذه من يومين وانا ابدله انه ماسك يده عضها واول امس يه قال حبييييبي وبيحبه الا قام وعضه في خده عور قلبي عاد خليفه دلوووووع لا تجيسينه على طرف البوز يستوي شي ثاني هههه...
تخيلوا والله بس هاليومين مريض ووايد ضعف فديت قلبه وسلطان صاير لين عصب ما تعرفينه ....والله كبرونا هاليهال واحنا تونا صغار :)

يله عاد حطوا صور عيالكم مره ثانيه من زمان ما شفناهم

شخباركم بنات شمسوي
سامحوني على القصور
انا مشغوله وايد
حواري بالروضه وانا ادرس
عن حنونه
للحين ما حبت ولا طلع لها اسنان ولا زحفت هههههههههههه يعني مافي اخبار

بس اليوم مادري شفيها وايد ترجع وبشكل مخيف
يالله بايو حبيباتي سامحوني مشغوووله

هلا امهات
قريت اخباركم عالسريع
مشغولة بشغل البيت وادرس ومشاغبات ايفرن زادت
البارحة كنت مشغولة جيت للصالة اشوفه بنص الدرج متت خوف لا يدير وجهه عليه ويطيح رحت ركض وشلته
وخلاص خلينا باب عالدرج ههههه

صاير من يشوفنا واقفين يجي ويلزم ملابسنا ويجلس على ركبه عشان نشيله خخخخ


بديت اطبخله خضراوات مع مرق دجاج وقطعه لحم دجاج "من الفخذ لان لحم الصدر اليافه طويله" واحطهم بالخلاط
يصير مثل كاستر يحبه كثير

الجوو بااااااااااارد عندنا مابقى شي كله شهر ونص ويبدا الثلج والمعاناة :(

اقول شنو اخبار الوزن عندكم؟؟
اني طبعا اهملت نفسي بعد الولادة ماسويت رياضة كلش خسرت كم كيلو بعد الولادة بس مو كلهم :0
ناوية اخسرهم اريد وزني السابق
صرت مااقدر البس معظم ملابسي
خاصة منطقة الصدر ههههههه ماادري شنو الحل!!
زوجي يقول لا حلو ههههه بس اني احسه كبيير
ان شاء الله بعد مااوقف الرضاعة يصغر حجمهم :(

بلاك روز الحمد لله على السلامه

باقي البنات اخباركم


انا يزن قاعد ورايا كل ماروح مكان يحبي ورايا هههه


وانا في الغرفه وهو يكون تحت

فجأه الاقيه دخل علي هههه خايفه يوم يطيح في الدرج والله مشكله


ودحين فيه اسهال سببله التهابات مو راضيه تخف لأنه الإسهال ماوقف

اخت زوجي قالتلي سويله نشا مع الحليب احد جرب منكم ؟؟؟؟

هلا خواتي شخباركم ؟؟ وشخبار بيبياتكم .. سندي انا سمعت عن النشا والحليب بس ماجربته اعتقد ام الشيوخ اتسويه حق عيالها .. انا استخدم ماي العيش حق عيالي .. بنات بنتي صايره ماتاكل واذا ارضعت ماتخلص رضعتها كلها تتوقعون من شنو ؟؟ ايصير انه بلاعيمها مثلا ؟؟

لفلي اشتركي هنا في تجمع الرجيم انا اشتركت قبل فترة ونزلت 6 كيلوووو ماشاءالله وهذا كله عشان زوجي كل شويه يقولي وزنك ووزنك طفشني ههههه والحمدلله الحين صاير ووزني حلو بس الكرررررش نفسي امسحها من الوجود خخخخ..

سندي الله يسلمك ,, انا سمعت عن النشا بس ماجربته ..
جربي تعطيه زبادي وموز اكيد بينفع معه لانه يجيب امساك او تستخدمي حليب خاص لحالات الاسهال
واعتقد عنده اسهال عشان فتره تسنين ..
اخت زوجي مره جات عندي وولدها كان عنده اسهال وكانت تحط في الرضاعه زبادي وشويه مويه وتعطيه بدال الحليب ..

نور الدنيا يمكن فتره تسنين بس كمان تأكدي من الرضاعة يمكن الفتحه صغيرة وتتعبها اشتري لها اكبر
واذا تريديها تسمن او حسيتي انها ماكلت كويس سوي لها سيرلاك قمح وعسل في الرضاعة وحليب انا اسويه لبنتي..

مرحباااا يا احلى امهااات ..
انا رشودي لسى ما يحبي بس يزحف على ورااا .
ولما احطه من في المشايه شوي يبكي يبغاني اشيله .. بعدين يسكت ..
ولازم يشوفني لما اروح للغرفه الثانيه وما يشووفني يجنني يصيح ..
واحيانا يجي للغرف الثانيه ..
وبالنسبه للتطعيمات وليدي مسكين والله يتقطع قلبي لما اطعمه ...
وبالنسبه للاكل انا اسويله خضار مع شوي رز .. واحيانا احط قطعة دجاج ..
واحيانا احط بدال الرز شووفان وشوي اسويله عشان يتعوود
واسويله مره باليوم واحيانا ما اسويله اعطيه سيريلاك..
واعطيه بسكوت الاطفال الي يذوب.. بس يتكسر في فمه وتشوفيني لازم اراقبه ....

الله يحفظ لنا الكتاكيت الصغاار يااارب ...