ssamou19;13438220:
الله يرحمهم جميع صح والله عندك الحق ربي يثبتك في طاعتو ويرحمهم جميع انا مانقلكش مانسمعش خلاص بصح ماعندي حاجة مانتبع جديد مانشري ليسيدي مانتفرج ليفيديو كليب مي كي نروح لعرس و مدايرين غنا نقعد و لا كي نكون مدايرا اضاعة الصباح و يفوتو مين داك غنا مانطفيش بصح باش نشري و لا نتبع جديد بطلتها عندي زمان مام خطيبي كي راح دار عمرا كي جا قالي يعني الله يبارك ماتسمعيش لغنا و مصلية و تخافي ربي و اجتماعية الناس كل يشتوك بيسك معارفي و معارفو كيف كيف يضلو يشكرو قالي حاجة برك ناقصاتك الحجاب ديريه و تولي مرت الحاج :):) قالي خطيبت الحاج بلا حجاب و الحمد لله عندي 3 سنين ملي درتو و ندمت الي مادرتوش من قبل الواحد كل ماراهو عايش في هاد الدنيا و يشوف حوايج يزيد يتعلم كتر منها و ان شاء الله ربي يهدينا كامل لطريق المستقيم
ما شاء الله عليك تبارك الرحمن انت طيوبة يا سامو تستاهلي كل خير
شوفي نقولك الصراحة الواحد باش يمشي في طريق الصح ما يديرش كل شيئ مرة واحدة
حبة حبة مثلا نحكيلك على امور درتهم
يشهد الرحمن انه ليس رياء وانما من باب التشجيع اللهم ارزقنا الصدق والاخلاص في القول والعمل
من فترة طويلة الحمد لله بديت بالنمص قبل ما ندير عمرة بطلت نحي حواجبي نهائيا تخيلي كنت من النوع اللي يحب يحرقص ويعدل وسراول ووو الحمد لله
في الاول جاوني حواجبي بيزار طول طول هو الشيطان لعنة الله عليه هو اللي يشكك لك في الموضوع
والحمد لله قرابة سنة تعودت على منظرهم وان شاء الله ما نلمسهمش نهائيا والحمد لله قنعني ربي بشكلي يعني شعرة ممكن توديني جهنم العياذ بالله ولقيت تشجيع من زوجي الحمد لله هو اللي نعدل روحي ليه ما يهمني حتى حد
هذه خطوة درتها واحمد الله اني مستمرة فيها
ثاني شيئ اول ما جيت من العمرة كل قشي مديتهم جميعيات خيرية فيها مستورد فيها جديد باش شيطان ما يلعبش في دماغي نهائيا جيت عبايات والحمد لله احس نفسي مستورة وفرحانة جدا بحالي يكفي رب انه رزقني زيارة بيته صدقوني احساس لا يوصف اول نظرة الكعبة طايرة من الفرحة دموع يااااه يارب يرزقها كل مشتاق يارب
كنت نفكر في النقاب بصح زوجي ما شجعنيش عليه هنا في مصر فيه مضايقات بزاف على منقبات ولا في السفر فيه اماكن في النوادي اماكن معينة محظور على منقبات يخشوها
يا رب يثبتنا يحسن خاتمتنا يا كريم يارب
يجمعنا الرحمن يارب في الجنة مع امهات المؤمنين والانبياء والصحابة يارب