لمة الليبيات لشهر ذو القعده1431

من انـــا؟;13612350:
حلووو اماني
والف مبروووك

بيكاتشو;13612410:
أمونة :ربي يخليكم لبعض ويدوم المحبة

لولو2010;13612463:
السلام عليكم
دكتوره اماني كل عيد زواج وانتي ومولا بيتك مع بعض يا رب ويدوم عليكم ربي خيره اني السبت الجاي عيد زواجي وكل مره نفكر في حاجه لين دوخت

عروسة ليبيا;13612475:

امونه


مشاء الله تبارك الله

الله يسعدكم ويونسكم ببعض

ويعقد عسلكم اكثر واكثر

كل شي مررررررررررررتب وحلو ومميز ربي يهنيكي

وشكرا للمشاركتك لينا

عروسة ليبيا;13612889:

اروجا

بخصوص العطر

كلام بيكا عين العقل

زي ماقتلك بكري

اقتباس

انتي سجلي الاسماء هادو وامشي شوفي بروحك لان العطر كل حد وذوقه وف عطور معينه ناس تحسس منها دون ناس

اختصري الاسماء وبري لمحل وشمي احسنلك وعينك ميزانك تكوني انتي ادرى بالي تحبيه وبالميزانيه بتاعك

بخصوص شنطة المكياج

بيكون عندك جزدان خفيف
تحطي في عده خفيفه لمن تطلعي جو بودره روج احمر خدود ومسكرا والحاجات الخفيفه لمن بتطلعي تحطي معاكي ف شنطة طلوعك

في زي جايات ف صالات ينفعو ديري فيهم مكياجك ف دارك او في رف الحمام ويحفظوه

وفي حوشك ديري لو عندك ضلال او قطع هلبا

ديريهم في شنطه حسب ميزانيتك في لو تبي زي شنطه الذهب او تبي شنطه زي البوكس او جزدان علا شكل بوكس

في زي هادو

تلاقيهم في غوط شعال وفي محلات المكياج ف نادي الاتحاد والمدينه
زي البوكس شفاف

وفي سمسونايت وماركات تاني زي ماقالتلك بيكااااا

وانتي شوفي ميزانيتك والي يناسبك وتلاقيه متوفر

ع فكرة عروستي اروجا

هادا امس حكينا فيه جبتلك صورة بتاعي
شامبو بيزلين

شامبو بنزليييييييين لجسم رررهيب يغنيك عن اى حاجه تاني لانه كبير واقتصااااااااااااادي يهبل ومرطب بلسم تحسيه سعره 15 من سوق الوحات محل زين

وللجسم حاجه عمليه ننصحك بي انشانتر

هادي ما تكملش مني صنتها حلوة وتاتبه عالجسم

لولو2010;13612983:
امونه الحلوه مبدئيا حاجزه ليلتين في هوتيل الحجره الحيط متاعها كله مرش وتطل علي شلالات نياجرا لكن مازال ما شريتش لبسه ليا ولا هديه لراجلي

لولو2010;13613021:
روز ما نعرفش علاش جاني احساس ان اختك واخده حكيم ولد جيرانا