لمة الليبيات لشهر ذو القعده1431

صباح الورد وجمعه مباركه علي الجميع

يلا انا ماشية الجامعة

سلاااام

من أنا هذا كله وراك و مازلت جالسة هني خخخخخ!!!!!!!!!!!

ديري بحث من القوقل وخلاص أريح

تسلمى حبيبتى هنو ياحلوتى

مورينا;13602485:
من أنا هذا كله وراك و مازلت جالسة هني خخخخخ!!!!!!!!!!!

ديري بحث من القوقل وخلاص أريح

ههه

لا ماهو لازم الانترفيو تسجليه بالصوت ولازم منك انتي

والثانيات ههه لازم من كتبات و رفرنسس يعني اللي تقوليه لازم تكتبي اسم كتاب وصفحة وسطر كنا بس قوقل مستحيل تنجحي .. مايعتبرش مصدر اصلا

ولازم ع الاقل 10 كتبات ..

ولازم اندرو كل واحد شن رأيه و شن قال :sick:

تعرفي مرات نمشي الليبريري .. اندور شن قالو امتع علم الاجتماع امتع زمان من عهد كح واسك يطلعلي كتبات من سنة ومش عارفة كم يعني قدم قدم
قدممممممم ... صنتهم فيييييييييييي ... وغبرة ... وكلامهم ماينفهم مش بالانجليزي امتع توا .. امخلبط ماتفهمي حاجة ههه

بس احلي شيء انه انترستنق .. يعني يفهمك شنو صاير توا واسبابه وكيف علاجها وهكي


وتعرفي لو بنقل من مكان كل بحث يدخلوه في مش عارفة شنو يطلعلك كل سطر من وين ماخدتيه لو امنقلة يعرفوه كله

يلا انا بباي ههه

لما تكمل سنة ثالثة تو انجي ههه

لو امشيت ع هكي ماني ناجحة ههه والعرس بيتاجل لي سنة اللي بعدها ههه
هيتوما يذبحني بعدين ههه

انا امس هو ورتنى العطور بتاعها نقول والا انبص ههههههههههههه

ماشاء الله تعرفوا يا بنات احلى شى فى الحياة العطور سبحان الله ممكن لها قوة اكثر من العين جديات نحكى

عروسة ليبيا
نا مشكلة خديت روووووووووووووائح
بس ما خديهاش كاملة
زعماء كيف الحل

اروجا نقولك شنو جابت هنو

المهم هى شارية تقريبا سبع او تمانى سيتات عطور مع شاور جيل بتاعها من مارك سبنسر والعطور هلبة والله نين دخت بس احلى شى

فى البتات الارواب تبارك الله هى والبيجامت واللبس تانى العملى وبتاع الطلعت وهلللللللللللللللبة نين راسى داخ

تبارك الله ماشاؤ الله

شنو تانى

يعنى من الاخير ذوق فى الاختيار عرفتى حتى من الدشمبر بتاع الحوش انواع اول مرة نشوفها مع انى نسرافة هههههه

وهدية بيكاتشو حتى هى تهبل بكل عليك ذوق البنية هذه

المهم انت زيدى اساليها على العطور تانى لانى الحق نسيتهم من كثرتهم

والله يا أميره انتي الي تهبلي وعويناتك الي الحلواااااات ياعسولتي أنتي أحرجتيني وفرحتيني لأنه يهمني رااااااااااايك

جمعة مباركة عليكم

مورينا :: نبي نسألك انتي مسجلة برج العذراء في منتدى الكساااد
يارب تشوفي سؤالي

اروووووووجا :: حبوبة انتي مرة سألتيني هل نعرف عيلة البسيوني ؟؟

هنو الدلوعه;13602645:

أروتاااااااااااا الغاليه نورتي

اهلاااااا بهنو الغالية النور نورك حبيبتي
كيف حالك وشن اخر اخبار تجهيزاتك

ارووووووووووووتي الغاليه وين هالغيبه

هديرالحب;13602708:
ارووووووووووووتي الغاليه وين هالغيبه

اهو قراية ليه ليه
انتي كيف حالك ياحبوبة وشن اخبار تجهيزاتك
وين مغطسة عالايميل

ارووتي اني ديما اهني في اللمه معاش خشيت واتوقعت انتي معاش اتخشي وين اتخشي قوليلي باش انهدرزوا استاحشتك تعرفي