عروسة ضياء;13599969:
و الله احنا شعب الله يعااااااااااونه ههههههههههههههه
اسمعي ضيو ما تلوميهمش متلا زي ما اني نشوف في المدرسات ولا الموظفات ولا السكرتيرات هما بشوفو فينا لكن هما ما بعرفوش ان الطب تخصصات انتي متلا اسنان مريح جدا البشري في تخصصات مريحه جدا زي الجلديه والعيون والاشعه التخصصيه والعلاجيه وانف وادن وحنجره واحني متلا ما عندناش جدول فلو زميله تاخرت او غابت اني نغطي عليها وهي تغطي عليا مش زي المدرسه لو غابت علي الحصه ما تقدرش مدرسه تانيه تعبي مكانها واني شايفه في تجريح من قبل بعض البنات علي الدكتورات مع اني اني نقدر انجرح في المهن التانيه لان الكل عرف شن مستوا التعليم في ليبيا كيف كان وكيف ولا ونعرفو مستوي الشركات كيف لكن كل واحد يتكلم بحكم تربيته وفهمك كفايه يا غاليه واني ما نلومش حد الي تبي تتاكد من شغلنا شني وكيف ومتعب اولا اني مستعده ناخدها معاي يوم تشوف بعينها ويكفيني شرف اللقب ولا انتي شني رايك يا ضيو