لمة الليبيات لشهر ذو القعده1431

لولو2010;13599703:
من انا هدا الفيلو يقداش

خخخ

نسيت

لان هو مش مكتوب عليهم السعر

اتصلتلهم وقالولي بس كان اوكي سعره يعني

بنات ادعولى ربى ينصرنى عليه

الي عجبوها فيلوات الي حطتهم روز تقولي نبعتها لمكان في ليبيا باجر فيهم ما يخطرش علي البال هدا كان فيلو اختي تزوجت عمنول في شهر 10

من انـــا؟;13599660:
تي بي اللهي الدكتورات كل وحدة تقولي بعد ماقريت كيف بنقعمز في الحوش ..

تي هو اصلا في حد يعالج عندكم؟؟؟ ..

هم بالذات مفروض يقعمزو في الحوش
.. لان نسمع اللي توجع حاجة يمشي تونس ع طول .. ف شن الفائدة اللي اديرو فيها مافهمتش ..

ماعرفتش اصلا من اللي قاعد يقرا في الطب في ليبيا .. مفروض ينحوه

محد قاعد يعالج اصلا غادي .. كلهم ع تونس

بيتهيألك يا روز أصلا انتي تسمعي ب ليبيا سمع فمتقدريش تحكمي و لو تبي تحكمي صح اتعالي لمراكز المجانيه و شوفي الناس يا ناري

و عموما ماننفيش ان في ناس تفكيرها تاعب و مش فاهمين شي اللي يمشو ل تونس يعطوهم المسكن و يروحو فرحانين هادي مشكلتهم جهل و عاجبهم من يضحك عليهم بغض النظر ع ان الموضوع فيه شو و تطويق

بللهى خلى نجمة فى الهم وصلتنى اخبار خلتنى ناررررررررررررررررررررررررررررررررررر

باللهي بنمشي نقرا اقرايتي

عندي بحث انسلمه يوم الاثنين :(

ههه ولا فكني اني بنقعمز في الحوش .. جاية انتعب في روحي ودافعة دم قلبي ع هالجامعة .. عندي 12 الف دين حق الجامعة ومع هدا مش امدايرة بيها شيء

ماهو اهني يدفعولك الجامعة بعدين ترديهم .. يعني عندي 24 الف جني دين خخخ

هيتوما الله يخليه بيردهملي ههه

سمو الحياة;13599674:
لالا حبيتى مايختلفش الا فى الشهادة بس انتم اكتر فئة تعبانة فى المجتمع سامحينى :lol:
هما ممكن فترة صباحية او مسائية وانت ياروحى عليكم دهك وسكات وخاصة فى طرابلس فرقة راحتكم
ولتحصلو وين تاكلو خبزتكم ماعليش

كيف ترا ممكن اتوضحي شن قصدك شن معنى دهك و سكات باش نقدر اناقشك ؟؟؟

من انـــا؟;13599706:
خخخ

نسيت

لان هو مش مكتوب عليهم السعر

اتصلتلهم وقالولي بس كان اوكي سعره يعني

هو حلو لكن كان بتمشي اديري عرسك في ليبيا ما تاخديشي لانه قلتلك اختي لابساته من عمنول

معقوووله في 2011 و حد يقول على خدمة المرا بهدلة ؟؟؟؟؟
لا معليشي انا مانتكلمش عللي عندها شهادة تانوية و لا متخرجه من مش عارفه شنو و صايرلها انا ندوي ع دمتورات و مهندسات و تقوليلي بهدله هههههههه

ايه صدقينى بهدلة .. فى نظرى انى وفى ليبيا بدات شغل المراة بهدلة .. ونتكلم برضو عاالدكتورات والمهندسات ونبدا من نفسى انى والحمد لله مهندسة كمبيوتر وقارية برا ليبيا وعلى قولتك اهلى تعبوا ووصلوا وبابا صرف دم قلبه وفلوسه على قرايتنا برا ليبيا وفى الاخير مقعمزة فى حوشى والحمدلله بكل رضا واهلى بلعكس فرحانينلى هههه المهم وصلونى للقب مهندسة ونعرف نتكلم مع الناس وعندى تقافة هادا كافيهم يفخروا بيا مش ضرورى نكون شادة مركز باش يفرحوا باللى داروه معايا .. واحسن مركز للمراة فى الحياة واللى لازم تنجح فيه هوا دورها كزوجة وكأم ..
نرجعوا للشغل لليبيا ... انى لما روحت من برا فى 2005 .. اشتغلت على اساس فى مكان مفروض محترم ومن احسن امكان فى ليبيا وحشاك بهدلة .. منعرفش انتى شن تعريفك لكلمة بهدلة .. بس انى البهدلة نقصد بيها (خلطة رجالة ودراه كبد .. واكيد فى كويسين بس فى حقراء فى نفس الوقت) واكيد فاهمتينى .. مش فى الموظفين بصفة عامة بس حتا اللى يترددوا على المكان .. ممكن لما بنت اهو تردى وتمشى وتعرفى كيف تتصرفى بس مفيش راجل يطيق لمرته تقعد تخالط فى راجل وموظفين معاها مقعمزين معاها فى نفس المكتب ومرات هيا وواحد تانى بروحهم و ....
وكان بتقوليلى تقة وما تقة .. بنقولك هيا مش حكاية تقققققة .. التقة موجودة والحمد لله بس هل انتى ترضى راجلك متلا يخدم فى مكتب ومعاه موضفة برووووحهم فى مكتب مسكر عليهم متلا ؟؟؟؟؟ لو انتى تقدرى الحق انى منقدرررررررش ...

و معليشي لو بتدوي عالرجل الشرقي مع احترامي ليك انتي بس بنحطك ك متال انتي تخدمي من حوشك صح بس خدمتك هادي تخالطي في من هب و دب ف هدا في حد داته خدمه و مش اي راجل يرضا بيها

بلعكس ... خدمتى لا نخالط فيها من هب ودب ولا حاجة ... كله بالانترنت لا يشوفوا فيا ولا نتكلم معاهم اساسا .. ومنشوف فى حد الا المندوب الى هوا خوى اساسا ههههههه

نجمتن;13599712:
بنات ادعولى ربى ينصرنى عليه

مني عتمان ولد مبرووكه ........والا الجووووع:)

بنات ادعولىىىىىىىىىىىىىىىىىىىى

لولو2010;13599729:
هو حلو لكن كان بتمشي اديري عرسك في ليبيا ما تاخديشي لانه قلتلك اختي لابساته من عمنول

اي لو في ليبيا كنت بندير كنت بناخد الاول لان هالشكل امعبي منه غادي

بس اهني مش لابسينه هلبا قاعدين ف نبي ناخده

عرسي بيكون اهني

عتمان الله يخلى منه المكان

عروسة ضياء;13599728:
كيف ترا ممكن اتوضحي شن قصدك شن معنى دهك و سكات باش نقدر اناقشك ؟؟؟

يعنى خدمة وس مافيش راحة ومش حتوصلى لشىء من التماسح يلى مسخين البلاد فهمتى عليا توووة
:lol:

ادعولى ربى ينصرنى عليه

ضيا سكري عالموضوع لانه بيدير مشاكل في ناس قلوبها دم عالدكنورات وما فيش حد يعرف الحقيقه الا الدكتوره نفسها ونحب نرد بس ان مش كل التخصصات زي بعضها اني متلا تخصصي اصلا نخدم مرتين في السبوع وما نجري في جرت عيادات ولا شي ويطلعلي 3 الاف في الشهر واني اصلا مش مستحقه فلوس نصرف فيهم ال 3 الاف علي البدخ الزايد بس لانه زي ما قالت ضيا اني نبي شهاده عليا مش همي الخدمه ولا الفلوس واني اصلا مديره في مصحتنا في ليبيا

اي طبعا الاختلاط مرفووووض جدا حتى انا قبل نبي لغات و اهلي رفضو تقعميزة المكاتب و الهدرزة و اللقني هدا طبيعي

نجمتن;13599753:
عتمان الله يخلى منه المكان

خيرك شنو فيه رعشتينى

غير تقولى يا عروسة ضيو ههههه
تعفى انى نعرف هلباااااااااااااااااااا نادمين بياكلو الجيفة حشاك لانهم زمان جوهم خطاب وهما قالوا لا لان ميبوهمش يخدوموا وتوا كل اللى تقدمولهم تزوجوا بصغارهم وهما يانارى قاعدين فى الخدمة اللى يبوها ... وصدقينى المراة ماليها الا حوشها وصغارها زى ماقالوا البنات هادى حاجة من ربى منقدروش نغيروها .. يعنى حتا بتسكر راسها سيورها تقعمز فى الحوش لما تحمل وتبدا تتوحم ولا لما تجيب وتبدا ترضع ... هكى ربى مدايرها

من انـــا؟;13599748:
اي لو في ليبيا كنت بندير كنت بناخد الاول لان هالشكل امعبي منه غادي

بس اهني مش لابسينه هلبا قاعدين ف نبي ناخده

عرسي بيكون اهني

ربي يفرحك ويهنيك