لمة الليبيات لشهر ذو القعده1431

حنونة3;13406521:
يا مرحب بهيولة وانت ليك وحشة اكثر

بري ضمي سلم اوخيتي وطيبي العشي تو قريب يروح الشنبير اول كلمة يقولها "هي وين العشي" عصافير بطنه تزءزء وخاصة مع تطييب هيولة اللي ريحته تفحفح من اخر الشارع


خودي هي وين بتلقيها هالشهادة...

حبايب ماما;13406341:
السلام عليكم نوارت بلادي
عروستنا عروسة ليبيا كتبتلك رد خص نص قريب صفحه ومن دهاب الشيرة في جرة المفرخ ،، ربي يهديهم قولي امين ،، قبل منبعته صكرت الصفحه راح كل شئ ،،، قريب بكيت ههههههه حطيت فيه عصارة مخي وخبرتي المتواضعه في امريكا،، ليا 4 سنوات ،، والحمد لله امان ،، راجلي ديما مسافر ،، وعمري ما خفت ولا صارلنا شئ يخوف ،، اني ساكنه في منهاتن ،، في شقة < شقيقه تصغير شقه للاسف المساحة مش زي متعودنا في ليبيا <في عمارة فيها ريسبشن زي متع الهوتيلات ،، مستحيل يركبلك اي حد من غير متعرفيه وحتى لو عندي طلبية بيتزا ما يركبش لين يكلموني اللوبي ويقولوا لي انتي طالبه دليفري ،، وتبيه يركب او تنزليله ،، منقولكش البلاد كلها هكي ،، لكن المناطق اللي معروفه هكي يعني متتوقعيش يكون في امان في منطقة هارلم ،، وفيه منطقه تانيه اسمها كوينز هده تقولي في مصر او المغرب اغلب سكانها مصاروة ومغاربه ونظام حياش مش عمارات وعندي صاحباتي مغربيات ساكنات غادي وبس معمرهمش قالوا فيه مضايقات،، وحتى حكاية الاسلام والخوف من المسلمين ،، الشهادة لله معمراش حد ضايقني والا اضطهدني ،، كل حد في حاله ،، الناس تجري ومتدري ،،والامانه شئ فوق الوصف ،، مرات تجيني شكيات بترجيع فواتير دفعتها ومكانش مفروض ندفعها لان التامين يغطيها ،، فشوفي الامانه اللي مفروض عندنا المسلمين مش عندهم .
حبيت نقولك كل شئ فيه الحلو والحار هههههههه صونية عشاء ،، قصدي حتحسي بغربه لانه بعيده وتبي نهار باش توصلي ونفسيا تحسي انها مش قريبه ،، وحتستاحشي اهلك هلبا هلبا زي ماصايرلي ،، بس نهون فيها علي روحي بالنت ،، والماسنجر ومنتدى عروس.
وربي يسخرلك الخير ،، وصدقيني هدا وقت خدمة راجلك وتكوين مستقبله ،، وان شاء الله موفقين

//// من انا //// مبارك الشوز الجديد ،، بس ردي بالك ضروري تنسقي انتي وسويتي لما بتلبسيها ،، متطلعوش ماشيين لنفس العرس بنفس الطرحه ،، يحسابوكم توامه .

حبوبة ايمن ،، الحفلة حلوة والرد في الموضوع.

*ام احمد *;13407617:
هلا بي بيكا الحلوه
تعرفي مش عارفه علاش خاطري نشوفك ههههههههههههه

sweety sweet;13406090:

هلا هلا نورتى اللمة بوجودك وتاريتا هيثم كان واخدك مننا .... تشوفيه على خير يارب.

مبروك عليك الكندرة وتبيديها بالهنى....صار ادواقنا طلعت واحدة فى الاخر ياروز خخخخخخ قولى لى شن ناوية تركبى عليها ؟؟؟

//// من انا //// مبارك الشوز الجديد ،، بس ردي بالك ضروري تنسقي انتي وسويتي لما بتلبسيها ،، متطلعوش ماشيين لنفس العرس بنفس الطرحه ،، يحسابوكم توامه .