لمة الليبيات لشهر ذو القعده1431

من انـــا؟;13403687:
احم احم

سويتي : مرة حطيتي صورة كندرا شرتيها من دبي امتع مناسبة هيا فيها من التالي مش عارفة شنو ههه من نيو لوك امس امشيت اشريت زيها هي وشنطتها ههه

Nokia X2 Music Centric Mobile5MP Camera











.



مميزات جوال نوكيا X2:
- الكاميرا: 5 ميجابيكسل بالإضافة إلى فلاش.
- الشاشة: قياس 2.2".
- الصوت: نظام ستيريو بسماعتين.
- الموسيقى: أزارة خاصة للتحكم بمشغل الموسيقى.
- راديو fm
- بلوتوث. - إمكانية التحميل من خدمة ovi.




شنو رايكم في هذا الموبيل نوكيا x2

السلام عليكم


كيف حالكم يا عويلة...

الحمدلله تشرفت بمعرفتك ياغالية

هادي اول مرة نتلاقو...

سنفورة قعدة ولا متزوجة..

D

ربي يسخرلك يعني مش مخطوبة والا مخطوبة وفي انتظار العرس

ربي يهنيك يا حبيبة وكل توخيرة فيها خيرة

اني اوخيتك زي ماتشوفي في التوقيع عندي 3 بنات وتوا حامل ادعيلي ان شاء الله وليد

خريجة بكالوريس علوم حياة وربة بيت

السلام عليكم كيف حالكم يا عويله
حبيبة ايمن ما شاء الله عليك العيد الميلاد شكله كان حلو ومنظم
حبايب ماما كيف حالك؟وكيف حال الكتاكيت وابو العيال ان شاء الله تمام؟ان شاء الله نكملوا اني وسويتي وتفرحي بينا غير روحيلنا انتي بالسلامه ويصير خير

السلام عليكم نوارت بلادي
عروستنا عروسة ليبيا كتبتلك رد خص نص قريب صفحه ومن دهاب الشيرة في جرة المفرخ ،، ربي يهديهم قولي امين ،، قبل منبعته صكرت الصفحه راح كل شئ ،،، قريب بكيت ههههههه حطيت فيه عصارة مخي وخبرتي المتواضعه في امريكا،، ليا 4 سنوات ،، والحمد لله امان ،، راجلي ديما مسافر ،، وعمري ما خفت ولا صارلنا شئ يخوف ،، اني ساكنه في منهاتن ،، في شقة < شقيقه تصغير شقه للاسف المساحة مش زي متعودنا في ليبيا <في عمارة فيها ريسبشن زي متع الهوتيلات ،، مستحيل يركبلك اي حد من غير متعرفيه وحتى لو عندي طلبية بيتزا ما يركبش لين يكلموني اللوبي ويقولوا لي انتي طالبه دليفري ،، وتبيه يركب او تنزليله ،، منقولكش البلاد كلها هكي ،، لكن المناطق اللي معروفه هكي يعني متتوقعيش يكون في امان في منطقة هارلم ،، وفيه منطقه تانيه اسمها كوينز هده تقولي في مصر او المغرب اغلب سكانها مصاروة ومغاربه ونظام حياش مش عمارات وعندي صاحباتي مغربيات ساكنات غادي وبس معمرهمش قالوا فيه مضايقات،، وحتى حكاية الاسلام والخوف من المسلمين ،، الشهادة لله معمراش حد ضايقني والا اضطهدني ،، كل حد في حاله ،، الناس تجري ومتدري ،،والامانه شئ فوق الوصف ،، مرات تجيني شكيات بترجيع فواتير دفعتها ومكانش مفروض ندفعها لان التامين يغطيها ،، فشوفي الامانه اللي مفروض عندنا المسلمين مش عندهم .
حبيت نقولك كل شئ فيه الحلو والحار هههههههه صونية عشاء ،، قصدي حتحسي بغربه لانه بعيده وتبي نهار باش توصلي ونفسيا تحسي انها مش قريبه ،، وحتستاحشي اهلك هلبا هلبا زي ماصايرلي ،، بس نهون فيها علي روحي بالنت ،، والماسنجر ومنتدى عروس.
وربي يسخرلك الخير ،، وصدقيني هدا وقت خدمة راجلك وتكوين مستقبله ،، وان شاء الله موفقين

//// من انا //// مبارك الشوز الجديد ،، بس ردي بالك ضروري تنسقي انتي وسويتي لما بتلبسيها ،، متطلعوش ماشيين لنفس العرس بنفس الطرحه ،، يحسابوكم توامه .

حبوبة ايمن ،، الحفلة حلوة والرد في الموضوع.

كيف حالك يا سويتي

تشرفت بمعرفتك انت واختك حبايب

وعندها الحق اللي عنده صغار يتفرج بس تكتب كلمة وتنوضي على قولة ياماما نبي ياماما عطيني ...الخ

حاااااااااااااااااالة وخلاص ..

فعلا امريكا حلوة بس المعيشة غالية فيها

اختك تقرا والا عمل.."جو التقصقيص" سوري

ربي يهنيكم وبان عليكم جوكم مليح ونتمنى نكون صديقة ليكم

اهلا بحنونه 3 شكلك عضوه جديده في اللمه مرحبا بيك بيناتنا

شكله كل ليله بنقعدوا نقولوا افتحوا موضوع يا عيله

HaNoOoOo;13406350:

حنونه ربي يحفظلك البنات احلى حاجة البنات تعرفي يكبرو معك وتلقيهم زي الرحمه
وربي يرزقك بالولد وان شاءلله الجاي ولد زي القمر

وياربي تنوضي بسلامه يارب

بارك الله فيك ان شاء الله اوخيتي ربي يسمع منك

وان شاء الله نفرحو بعرسك عن قريب

شنو كملتي تجهيزاتك والا مزال

ما شاء الله على بنات بلادي يساعدوك و مايخلوكش تشرقي بكل وين ماكنتي

السلام عليكم ورحمة الله وبركاته





مرحبتين بيك حبايب ماما:)