لمة الليبيات لشهر ذو القعده1431

يلا يا بنات منى تصبحوا على الف خير


هههههههههههههه ردوا بالكم من التمساح ههههههههههههههه

ربي يفرجها عليك ويطمنك يااااااااااااااااااارب ويبرد خاطرك عليهم وتردي من غربتك سالمه غانمه ياااااااااااارب وفي أيدك وليد ولاينوته
أمين ياااااااااااااااارب

*الننس*;13588867:

بنات انا امبكري سألت سؤال ما حد جاوبني عليه

نرجع نسأله من تاني
===================
بنتي الكحة امتعبتها يعني أبسط بردة تأثر في صدرها و ماينفعش معاها الا المضادة الحيوي وانا بصراحة ما نبيش انعودها عليه
ف ياريت لو عنديك علاج طبيعي لكحتها القوية و انا اصلا حاسة انهامش كحة بس خايفة ايكون صدرها ملتهب او بداية التهاب
ياريت اللي عندها معلومة اتساعدني بيها

يعني اي علاج طبيعي من اعشاب و زيوت و هكي

حبيبتي الف لاباس على بنيتك ونصيحة مني مدام بنتك صغيرة والدكتور كتبلها مضاد لازم تكمليهولها ..المضاد مش حاجة ضارة او الجسم حيتعود عليها المضاد يساعد الجسم في انه يبرا بسرعة المهم انك تكملي الكورس مش لما تحسي ان الاعراض خفت توقفي لا لازم يكمل الكورس زي ماحدده الدكتور..وصدقيني التهاب الصدر مش حاجة ساهلة يستعملولها اعشاب بالذات لان بنتك صغيرة فلهذا لازم تستعملي المضاد وتكمليه وربي يشفيها بنيتك

سمو الحياة;13588946:
عن نفسى لتوة امه تركب من قدااااااام ولنرضى بغير هكى الصراحة عيب
وحتى لما تكووون امى معنا هى تركب من قدام احتراما ليهم

حبيبتي سمو الحياة كيف حالك
قصدك انتي مداااااااااام يعني متزوجة
معلومة جديدة عليا نحسابك بنوتة :lol:

رموسة الحلوه;13588829:
سؤال للمتزوجات . لم انتى بتطلعى ومعاك عزوزتك يعنى ماشيين لحوش ناس او لمكان معين المهم طالعه من اللى بيركب قدااااااااااااااااااام:p كل وحده تحكى الموقف اول مره كيف داااااااااارت؟

حبوبتي خللي نقولك علي تجربتي الشخصيه :rolleyes:
اول مره طلعت معاي عزوزتي طبعا اكييد علي طول جيت بنركب من تالي وقلتلها اركبي الالاي قدام تعرفي ساعه في الشارع واحني في بوله غير اركبي باش رضت تركب بعدا حلفتلها ووقاتللي باللهي عليك هادي اخر مره نركبها تو يقولو عليا عزوز حرفه ههههههههه
,الصراحه من هداكا اليووم معاش ركبت قدام وبارك الله فيها لان فيه من تبي تركب دديييمه وكنتها التالي غصبا عنها

تصبحي على خير يا شقرونة...............
ومش عارفة الصراحة باالنسبة لقصة الطلوع ............................زخليها عالجو وعا الاجواء وين نركب من قدام او من ورا

ArOoTa;13589116:
حبيبتي سمو الحياة كيف حالك
قصدك انتي مداااااااااام يعني متزوجة
معلومة جديدة عليا نحسابك بنوتة :lol:

بينووووووووووتة قبل لا يطيح الفاس فى الراس من عشرة سنين توة مداااااااااااااااام
وام 4 صغار تؤامة بنت ولد 7 سنين وزوز ولاد 3 سنوات

هنو
كيف حالك
قريت توة انك منزلة حاجات والا غالطة ممكن الصفحة نتفرج عليهم
بنات سالتكم عالتقييم ما رديتوش علية
ممكن تفيدوني
بيكاتشو وانتي من اهل الخير

باهي يابنات قولو الحق انى لما خشيت اللمة كيف كانت نظرتكم ليا
دراه كبد ولا هههههههههههههههههههههه ولا قاعدة دراه كبد هههههههه

سمو الحياة;13589175:
بينووووووووووتة قبل لا يطيح الفاس فى الراس من عشرة سنين توة مداااااااااااااااام
وام 4 صغار تؤامة بنت ولد 7 سنين وزوز ولاد 3 سنوات

ماشالله تبارك الرحمن قوليلي الوصفه الي جبتي بيها توامه خاطري فيهم

روح الوليد;13589010:
صبايا ....................................................
تعرفوا قبل هكى شايفة فيلم هندى واول امس كنت نحكى فيه واتوا جايبينه في زي افلام ...........
المهم قصته ان البطلة والبطل تزوجوا بعد قصة حب قاتلة . وبعد السنة الاولى البطلة تخيلوا يجيبها زهايمر .وهادى حالة نادرة زهايمر في قبل التلاتين ...................................وعاد ما يقابلهم من مواقف . وهو اصلا البطل والبطلة مصورين في باخرة اول مكان تلاقوا فيه وحبوا بعض فيه...........وهما مسنين ومعاه حفيدهم ..............والبطل يحكيفي قصتهم لجمهور ووهى طبعا معاه لكنها ناسية .............
وفيه لقطة قاتله هى حامل واتدير في رياضة قاسية وهو انخلع يجريلها ويوقوللها شن اتديري انت قالت شوف وزنى كيف زايد لازم نتخلص منه هاالوزن الزايد ..................................ناسية انها حامل ..................................
يعنوفيه لقطة تانية تحمم في البيبي وطلعت من الحمام وخلاته في البانيو ...........................ززولحق عليه بوه في اخر لحظة ...............يعني معاناه . ومع هدا تحملها وعاش معاها وحاول يعالجها ويخفف عليها اعراض المرض .............حسيته هدا هو الحب الاصلي ................ززوووووووووووووووووه عيييييييييييييييييييت وانا نبكي وانا نتفرج عليه ...............

:adore: طلعتي رومنسية ياروح :lol::lol::lol:

dr-eman;13589131:
حبوبتي خللي نقولك علي تجربتي الشخصيه :rolleyes:
اول مره طلعت معاي عزوزتي طبعا اكييد علي طول جيت بنركب من تالي وقلتلها اركبي الالاي قدام تعرفي ساعه في الشارع واحني في بوله غير اركبي باش رضت تركب بعدا حلفتلها ووقاتللي باللهي عليك هادي اخر مره نركبها تو يقولو عليا عزوز حرفه ههههههههه
,الصراحه من هداكا اليووم معاش ركبت قدام وبارك الله فيها لان فيه من تبي تركب دديييمه وكنتها التالي غصبا عنها

:lol:
ماشاء الله عليها عزوزتك ربي يخليهالك

لولو2010;13589219:
ماشالله تبارك الرحمن قوليلي الوصفه الي جبتي بيها توامه خاطري فيهم

حببيبة وراثة والله كلنا انتومو اهلى واهلى زوجى نصيب من ربى الحمد لله :lol:

*الننس*;13589182:

فيكي

صحيتي حبيبتي على ردك
لولو
ايه عندي أختي عندها حساسية من الغبرة و أختي التانية عندها حساسية في ايديها من الوراكينة

قصدك ليه علاقة

اي حبيبتي ليها علاقه بس الكويس انها باديه معاها بكري بادن الله لما توصل 5 سنين تمشي منها مش ح تقعد بادن الله وضروري تاخديلها الدوا وتحافضي عليها وعلي تطعيماتها ارفيعها لاخصائي اطفال قوليله اني شاكه ان بنتي عندها حساسيه في صدرها وانشالله ما يصير الا كل خير ماتخافيش لان الصغار لما تبدا معاهم في سن مبكره ماتستمرش معاهم

سمو الحياة;13589257:
حببيبة وراثة والله كلنا انتومو اهلى واهلى زوجى نصيب من ربى الحمد لله :lol:

ماشالله اني امي وحناي وام حناي جايبين توامه نشالله نطلع زيهم