لمة الليبيات لشهر ذو القعده1431

مساء الخير يا بنااات

هاي تصبحو ع خير ياصبايا

منو فقدني ومنو سئل عليا ؟

اناناسة يسعد مسااااااااااااك ياحلوة
عروسة ضياء وانت من اهل الخير

من غيرت اسمي مفيش حد عدل عليا :(

لولو يا قلبي غيرتي التوقيع ... بس الحق الاول كان معبر عنك اكتر


نانسي علي اااااهلين يا قمر

أنا جبيـــــــــــــــــــــــــــــــــــــبة أيمن يا همي ... زعلت زعلت محد سئل عليا
يلا تصبجوا علي خير بكرة وراي يوم طويل

عروسة ضيا ان شاء الله العمر كلللللللللللله


مواليد 87 صح زيني

حبيبة ايمن واضحة من توقيعك

الحمد لله على سلامتك

وصلتي روما و الا لا

مشكووووووووووووووووورات ياحلوات
:o
تعرفوا مصدومه حسيت روحي مشهوره محبوبه للجميع ** كنت متصوره العكس من كثره نهدرز بروحي نحصل كم بنوته درت عليا وتجبر بخاطري هخخخخخخخخخخخخخخ شوشو ماينفع فيا خير
;)




========================
المهم وانا نحدد في دبش خوتي قبل 5 دقائق جتني فكره تهبل بمانه بكري حكينا ع منتدي مجلس ليبيا او شنو اسمه هههههه

لو نتفقوا مع بعض ونديروا منتدي العروس الليبيه ;) ومشاء العائليه كبرت اكيد ها نساعدوا بعض
نشوفوا من عنده خبره وجو انها تحجز وتفتح ها المنتدي تكون مديره
اكيد مش اني هههههه*_*

ويكون فيه قسم ممبيعات لي هيوله وام واسيفه
وقسم خاص بي دكتورات مشاء الله

وغير هكي نفيدوا كل بنوته لليبيه
بدل نكتبوا في تجيهزات وحالتنا حاله
يكون منتدي خاص من أ الي ي بالعروس لليبيه
وقسم خاص باعراس في كل منطقه

وللبس لليبي
واعادتنا وتقاليدنا واكلاتنا الحلوه


يلاه ديروا دراسه جدول وخبروني هههههه شنو طلع معاكم
ولي تعجبها فكرتي تقيمني ×_×
================

انشا في بريطانيا اول موقع للتعارف بين القبيحين،وقد احتفل الموقع بخطوبة أول ثنائي هما توم وجيني الذين يخططان للزواج في الفترة المقبلة،وقالت جيني تعليقا على الارتباط:أنا أعرف أن توم ليس براد پيت ولكني بالمقابل لست أنچلينا چولي أيضا... والجمال هو في عين الناظر.. وتوم بالنسبة لي أمير وسيم وكامل


*** شوفت صورتهم ها المخطوبين عادي شكلهم بس ناقصهم اهتمام وتنقيص الوزن.. لي تبي تشوفهم في فيس بوك في صفحه شاب 20 ***
============================

تزوجت فتاة تايوانية نفسها وذلك بعد أن وصلت للثلاثين دون أن يدق بابها فارس الأحلام المنتظر،وذكرت صحيفة «تشاينا بوست» التايوانية أن (شين وي) اختارت الزواج من نفسها فأقامت حفل زفاف شمل كل التفاصيل، فحضرت العروس بفستانها الأبيض وخاتمها الماسي وجلس المدعوون في الأماكن المختارة لهم فيما تولى مصور محترف تصوير الزفاف، غير أن عنصرا واحدا غاب عن هذا الزفاف الفريد من نوعه ألا وهو العريس،كما ستتوجه شين الى استراليا لقضاء شهر العسل مع نفسها!!ا


**لا حول ولا قوه الا بالله ... الحمد الله علي نعمه العقل**

====================================

قرت امرأة في فلوريدا بأنها تسببت بوفاة طفلها البالغ 3 اشهر وذلك بعد هزه بقوة لأن صراخه كان يزعجها فيما كانت تلعب على الفيس بوك،وقد اعتبرت المحكمة ان ألكساندرا توبياس (22 عاما) مذنبة بتهمة قتل طفلها،وقد شرحت الشابة للمحققين انها غضبت لأن طفلها كان يبكي فيما كانت تلعب لعبة فارمفيل فهزته بقوة ما ادى الى اصطدام راسه ومن ثم وفاته.




** بنات ههههههههههههههه خلوا بالك ...
زعمه الخبر صح او كذب مع انه ع اساس يعني حطيت صورتها الام**

‏حياة حلوة, ‏* مريانا *, ‏ananasa, ‏A7la 7'shoom, ‏عروسة ضياء


هلا بسموحات

مريانا كيف حالك وين ها الغيبه

حبيبه ايمن حمد الله علي سلامتك

لؤلؤة سرت;13556645:
اهلين ملكة كيف حالك

اهو سالت عليك غير انتي مانتبهتيش

حيااة حلوة ممكن تبعتيلي الرابط على الخاص نبي نشوووق

حياة حلوة حلووووة الفكرة

اناناسه بسرعه خدي رابط

اناناسه خديت رابط نحذفه؟؟

حيااااااااااااة حلوة فكرة اتجنن والله وانا ندعمك وعندى فكرة ياقمر

نبية ايكون منتدى لليبيات فقط الدكورة لاااااااااااااااااااااااااا

ونفيدو ونستفيدو من بعض ويلى عندها خبرة ماتخلش علينا