لمة الليبيات لشهر ذو القعده1431

لولو2010;13532507:
بالنسبه للبنات الي يسئلو علي المكياج وماعندهمش خبره فيه بالنسبه للكريم اساس في كريم اساس مش عادي وفي نفس الوقت ما تحتاجيش معاه بودره مسحه خفيفه بس للمناسبات والطلعات العسيه كريم الاساس اللسائل من ديور اما للطلعات كل يوم ديور اير فلش مش عادي هادا والكحل خودي من ماك عندهم قلم اكحل ما يسيحش ضربه ضربه حتي ادمعي ما يلبزش والمسكره احسن وحده ايف سان لوران لكن مشكلتها اجف بسرعه بدلها تاخدي ديور اكستسي الجديده استعملي مسكره اي ماركه وهي فوقها كأنك مركبه رموش تطلعي المهم تاني الجلوس يكون لمعته حلوه باس كان حطيتي اي روج تحتي فوقه الجلوس يطلع لونه حلو البلاشر واي شادو عادي حتي ماركات مش قوبه بمشي الحال

كريم الاساس هدا يمشي مع البشرة الدهنية؟^o)

هنو الدلوعه;13532525:
أه يالولو هذااااااااااااااااااااا يبي ميزانيه يعني في ماركات ثانيه ومعروفه وتناسب جيوب كل البنات هههههههههههه

اسمعي حتي اني اول ما تزوجتش كونت نقول زيك لا هدا غالي توا اي حاجه لقيت روحي نخسر في فلوس اكتر لانه ما بمشيش معاي ويفسد ويلبز لقيت بدل ما نشري كريم اساس بي 20 ناخد متاع 60 يقعدلي سنه واني مرتاحه ولا التاني نقعد سايح ويديرلي جفاف ونقعد نشري في كريمات لترطيب وعلاج الجفاف توا بعد سنتين اقتنعت

اروجا;13532535:

بنات تعاوا نوريكم شنى شريت
وطبعا نبي رايكم



هذه توكات للشعر




وهذا تاج للتسريحة من قدام




يلا نبي ردودكم
وكمان تقييمكم

حلوات وتتهنى بيهم يارب

لولو2010;13532531:
كان نقولك حاجه تضحكي الي يضربو فيه من ورانا في الدو في ليبيا كله نصب تصدقي لانه الماركه مش غاليه اهني ماما شريت كنده من ليبيا ب100 ليبي اني واخدتها من اهني ب 20 دولار شن بديري هي

واو هادى ضربة في الراس .


نو واى نى ناخدها من هنى . مستحييييييييييييييييييل توا انوصي عليها وتجيني عاالطبطاب ما تجيش حتى ربع حقها من هنى . ربي يهدي وخلاص طماعييييييييييييييييييين:mad::mad::mad::mad:

حنونة3;13532542:
كريم الاساس هدا يمشي مع البشرة الدهنية؟^o)

يمشي معاها اني بشرتي دهنيه وفي مناطق جافه وماشي معاي تمام غير مره في الشهر ديري سكراب لوجهك وتلقيه زي المرايه

اني ماشيه لكوافير شويه ونرجعلكم سي يو يا حلوين

خلاص يا لولو . ردى بالك لى روحك . سي يو

رموسة الحلوه;13532541:
حنونه ان شاء الله ربى يفرج همك وضيقتك .... ولو تبى تحكى وبتحسي روحك بترتاحى احكيلنا ..... مرات كلمه من اى بنت فينا تريحك ومرات تلقى حل لمشكلتك ....
سبحان الله مافى حد مرتاح فى هالدنيا

بارك الله فيكي



و زي ما يقولو كل قصة(غرة) تحتها غصة


ساااااااامحوني شغلتكم

اخر هدية وصلتنى هاالعطر .
وانا نحبه هلبببببببببببببببة . واساسا ديما نينا ريتشي ستايلي....
قولولي شن رايكم فيه

لولو بالعكس اني طول عمري نجهز للعرايس في المكياج وكلهم يقولو بارك الله فيك أحسنتي الأختيار
واني عمري مادورت او عبرت الرخيص في الميك أب بس الأعتدال مطلوب
يعني مثلا فونديشن ميبلين روووووووووووووووعه واتحدى أي حد يقول عليه حاجه حاجه خيال وبشهادة العرايس وعنكم ماكس فاكتر حتى هو راااااائع لي أغلب العرايس
يعني يا لوليتا اني نحكي علي الوسط وأني وحده من الناس الحمد لله بشرتي مش متعوده على الميك أب يعني الفونديشن والكومباكت باودر مثلا مانستعملش فيهم وبشرتي والحمد لله ميه ميه حدي واقي من الشمس وكحل وبلاشر وحتى في المناسبات نفس الكيفيه يعني فونديشن بسيط يعطي مفعول خياااااااااااال
وربي يهنيك ويهني كل عروسه

عادى عادى يا حنونة بدلي ساعة بفياق (على قولة وليد ).خخخخخخخخخخخخ مع انى مازال ما فهمتش شن قصده بيه هاالقول الماثور .
بس ولا يهمك ولا تزعلى نفسك الدنيا ما فيها شي تستاهلى تزعلى نفسك على شانه اهم شي صحتك وصحة الناس القريبة منك صغارك وززوجك واهلك . ومادامك حافظة دينك. واهلك بخير وانت بخير مما فيه شي يستاهل . وديما راهوا ل تصيرلك حاجة تتحسيها كبيرة كبر الدنيا لكن تفوت وتعدي تبدا زي الحلم ومهما كانت كبيرة هاالحاجة سيورها تصغر ولا كان صار شي . غير انت ما زتعليش روحك لان ما يسوالك الزعل يا بعد قلبي انت .

جعااااااااااااااااااانه يا بنات

ياريت عندنا ديليفري .........................................

يا ربي سلمهم على هالكلام اللي ينحي غمامة القلب

انتم غير ردودكم هادي تكفي

طول جوي تغير وارتحت حسيت روحي معايا حد لو شكيتله يحس بيا

حتى اني يا عرووووووووسة ضياء أحرف منك

هههههههههه حسستيني ان انا مش عايشه في طرابلس يا هنو

تي هدا امتا صار قصدك بيوصل لي شارعنا اللي معنداش اسم و ل حوشنا اللي معليهش رقم ؟؟؟؟؟؟؟؟؟؟؟؟؟
كيف بيوصلل

هنو شكشكيلنا حويجه عالسريع ....

لالا عادي يكلموك لحد مايوصلو
انى في جنزور ويجبولنا غير طبعا ياخد في 5 جني ومرات 10 حق التوصيل

مش عارفه يا ودي منك نسمع

روح الوليد;13532640:
اخر هدية وصلتنى هاالعطر .
وانا نحبه هلبببببببببببببببة . واساسا ديما نينا ريتشي ستايلي....
قولولي شن رايكم فيه

حلو كثير هذا العطر
وانا نحبه هلبة
تبيده بالهناء ان شاء الله
ومبروك ما جاءك

شنو بنكذب عليك انى
اهو كلميهم وشوفي زي كوباكابانا زي بيتسا هاوس