لمة الليبيات لشهر ذو القعده1431

عروسة تعرفي انا نحبك هلبة :)

بيكاتشو;13529544:
صباح النور

لكل الحلوات ههههههه نصحصح ونتلاقوا

فى عشى .... حاجه مسقيه ومعاهم حاجتين متلا ويوصلولك بالسلامه ان شاء الله

الحاجه المسقيه ... تكون خفيفه متل رشده ... اومكرونه مبوخه بالبصله ... مش كسكسى فى الليل رزين

دلوعة بيشو;13527653:
يابنات هدا الصندوق اللي قوتلكم بنديره دعوة الفرح
طبعا هدا مش نفسه اللي حكيتلكم عليه بس يشبهله هلبا
انى لما حكيت لصاحبتي عليهم جابتلي الصندوق هدا قاتلي صاحبتها دايراته هدية للمعازيم في الحوش مش دعوة فرح


هدا الصندوق من برا شن تبي يكتبولك عليه بس حلوة هيا دايرة لااله الا الله

وهدا الصندوق من داخل هيا حاطة بيت شعر انى بندير مكانه صيغة الدعوة
وفالصندوق بندير شيشة عطر



يلا قولولي شن رايكم
هيا طبعا عالطبيعة احلا بهلبا والفصوص اللي فيها يهبلو
لوعجبتكم قيموني بلييييييييييييييز

لولو2010;13527941:
كان عليا اني نمشي لوحده مش معروفه ومافيش هلبه عرايس خير من الجيش هدا تعرفي في مزين في قرقارش فيه بنات مكياجهم مش عادي غير الكريم اساس مش كويس كان وحده عندها كريم اساس متاعها ماركه و وتمشيلهم ماشالله علي يدياتهم لكن مش كل البنات يمكيجو حلو

قهوه الصباح;13529461:


وعندي سوال ياريت ماتطنشوني :o شن رايكم شن ندير لاهلي عشاااء لمايجوني ؟؟ حاجه مسقيه ومعاها مشقشقات والا شنو بالزبط مع العلم هما بادن الله يوصلوا بعد المغرب

اقتباس المشاركة الأساسية كتبها قهوه الصباح

وعندي سوال ياريت ماتطنشوني :o شن رايكم شن ندير لاهلي عشاااء لمايجوني ؟؟ حاجه مسقيه ومعاها مشقشقات والا شنو بالزبط مع العلم هما بادن الله يوصلوا بعد المغرب


قهيوة لمسقي دسم في الليل ممكن اديري شربة عربية ومعها نوعين معجنات وسلطة
اخف والمسقي ثاني يوم وانتي طيبة ,,,;)

ربي ايوصلهم طيبين يارب وتقضي معهم احسن الاوقات,,,,,,,,,
:biggrin:

جمعتكم مباركه جميعا

حبيبة أيمن;13526894:
http://forums.3roos.com/showthread.php?t=569946&page=49
شفوا كيف كانت تجهيزاتي لليوم .. مش عارفه يا دلوعه المواضيع مزالت ملخبطة بس بشكل عام
كل شي تمام والحمد لله ....


طرابلسية بكرة ماشية بأدن الله بعد العصر للمعرض ... وعندي امل نلقي كتب تعجبني انا انحب السياسة
هههه وكتابات البزنس متعرفيش بكم حوالي؟

رخااااااااااااااااااااااااااااص هلبه هلبه هلبه تقريبا خدي 6 كتابات ب 30 ومش عاديات تعرفي بس اغلب الكتب عالبزنس والاكاونتق لان انا وصيته علي كتب تانيه مالقاليش
وهو بياخد متع طيران ماحصلش بري للمعرض قبل لا يسكر بيسكر 4 11 تقريبا :L:

لؤلؤة سرت;13528006:
سموووووحتي كان بودي مانخليك بكل وانت عارفة الوضع وان شاءالله معااااك على طوول
بالنسبة لعبدوووو صدقتي يبي طريحة كيف ايخلي القمر ويمشي لصحابه;):lol::adore:

بطولة عمرك ياعسل كيف حالك ماشاءالله الجوووو حلوو شكله
ان شاءالله اتجي للسرتاوي وتحضري افراحنا وتشوفي الجوو على اصوله:thumbs_up:
تعالي هنا وقوليلي العروس اللي واخدها سرتاوي والا لا

ان شاء اله ياربي
لالا مصراتي مش سرتاوي

ليبية 2010;13530026:

يتهيألي لو عشي خفيف افضل

والمسقي خليه غذي ثاني يوم لأنه ثقيل في الليل
إلا لو أهلك متعودين يتعشو المسقي عادي
يوصلو بالسلامه ان شاء الله

نفس رايئ ليبيه :thumbs_up:

طرابلسيه كيف حالك يا مزعجه ههههههههههههه
اتصلت بيك امس من العرس نبي نسمعك المصراتيات بس ما رديـــــــــــــــــــــــــــــتيـــــــــــــــــــــــــــــــــش

حبيبتي كان هديه العرس خوديلها بوكس حلو و خلاص لأن بتمديهالها في المحضر ووقتي بتفحها لأن في ناس يبو يشوفوك شن جايبه أكيد

ان شااااااااااااااااء الله يارب
تسلمي على هالدعوة العسل و ربي يفتحها قدامك و ينولك اللي في بالك يارب

دلوعة بيشووووووووو .....

أولاً ربي يباركلك وتتهني يارب في كل لحظة تجهزي فيها لفرحك

ثانيا يا امورة بالنسبة لكرت الدعوة بالنسبة ليه الصندوق شكله حلو

بس انا شايفة ان 30 دينار مش سعره حتقوليلي كيف ؟؟؟

في اشياء يزودو في سعرها واااجد وسعر تكلفتها الاصلي يكون الربع مثلا ولما يحطوا سعرهم للبيع

بالنسبة للشخص اللي يدقق حيلقى السعر مبالغ فيه من ناحية نوعية القماش المستخدم

وحجم الطباعة على العلبة وارتفاع العلبة ... الخ

يعني مرات لما تشري مجوهرات أو شي يحطوها ليكي في علبة واااااااااو

وكوني على ثقة ان العلبة مش ممكن حتكلف 30 دينار مهما حصل فعلشان هكي حسيت ان المبلغ مباالغ فيه ....

نحكيلك حاجة مرة مشيت لمحل متخصص في الكونفيتي هنا في بنغازي وعروسة ليبيا اكيد تعرفه

بن زبلح كان داير كونفيتي 200 قطعة لعقد قران انا الصراحة عجبني جدددددددا بصراحة كان جميل جدا

كان عبارة عن مصحف حجم صغير مش صغير واجد يعني متاع شنطة تقريبا 5 سم في 7 سم

يعني يجي في الصندوق متاعك ويسيب فراغ عموما كان غلافة ستيييييييييل روعة ومحطوط في قاعدة ستيل

والقاعدة هذي عبارة عن مثرد صغير دائري وله قاعدة برضو وكله فضي X فضي

كانت حاجة جميلة مشيت لصاحب المحل وسألته بكم المصحف بروحه

قاللي القطعة حتكلفك 10 دينااار ويجي من سوريا يعني .....

لو تفكري في سعر المصحف العادي بنفس الحجم + مصاريف شحن (واكيد المصحف يوزن) + هامش الربح = انه معقول يكون تكلفته بهذا القدر ونحطهن وكلي رضا.

ومن ناحية اخرى المصحف هدية رائعة انا اتمنى ونحلم نديرة لكن تكلفته لا تزال غاليه عليه طمعا في اجره

ولغرض ان الهدية تكون مفيدة وخاصة انه يكون غلافة ستيل يعني يتحمل الغلاف اكثر

وبعدين تقعدي درتي حاجة تجيك منها حسنات طول ما في حد يقرا منها لو عندك امكانية ليش لأ ....

نرجعوا لموضوعنا حتى الصندوق حلو مفيش مشكلة بس انه يكون يستحق تكلفته

لأن للأسف التجارة عندنا متخضعش لمراقبه ولا تدقيق بره يمكن الغش اقل

لكن هنا نتعرضوا احيانا لمنتج في محل يكون بسعر ونلقوه في مكان ثاني بسعر مختلف تماما وهو هو نفس المنتج ؟؟؟

والمقارنة مش بين محل في شارع مرموق وشارع شعبي لا كانت المقارنة بين محلين مكانهن عادي ....

للأسف هذا هو حالنا في التجارة ... قالوا لفرعون ايش فرعنك ؟ قالهم ملقيتش حد يلمني !!!!

معلش انتي سألتي سؤال برئ وانا رديت عليكي بموشح

بس نحب حتى بين صديقاتي يفكرن لما يشرن ويسألن نفسهن تستاهل حقها أو لأ وهي من ايش وقماش شنو ووين مصنعة والقماش مخيط ولا ملصق .... وبس

سامحيني كان دوختك

ومن قلبي تتهني ان شاء الله بكل خطوات تجهيزاتك ..... موفقة

اروجااااااا مبارك ما شريتي وحتي انا من راي عروسة ضياء ماتبالغيش في تغليفها يعني خوديلها بوكس حلو زي متاع داماس يبدا شاموا من فوق ومن تحت حلو ونازك وخلاص

:rolleyes:

طرابلسية لسرتاوي;13530166:
جمعتكم مباركه جميعا

رخااااااااااااااااااااااااااااص هلبه هلبه هلبه تقريبا خدي 6 كتابات ب 30 ومش عاديات تعرفي بس اغلب الكتب عالبزنس والاكاونتق لان انا وصيته علي كتب تانيه مالقاليش
وهو بياخد متع طيران ماحصلش بري للمعرض قبل لا يسكر بيسكر 4 11 تقريبا :L:


ا :thumbs_up:

ايه ايه ان شاء الله بنمشي بعد العصر ... لان مسافرة بعد بكرة انا ...