dr_amani;13513841:
اني ساكنه فوق عزوزتي و ديما راجلي بحداها ويشوف فيها
لكن هي طبعها صععععععععععععععععععععععععععععب
حتى لما جبت صغار .. اني نخدم .. عرضت عليها نخلي الولد بحداها لما نمشي للخدمة لين نروح .. تقولك لا اني منتحملش بدلي شمالات وعياطات من غير سبب ..
باهي هي تشكي من الكساد الصغار يحولوا الكساد كله متبيش مسؤولية ..
حتى الغدي تركب كل يوم تتغذى .. اني بصغاري ونخدم وحامل و كل يوم نطيب ...
باهي مره مره اطيب هي .. منها تضيع الكساد واتساعد ..
كل شي لا ..
سبحان الله كانك تحكي على عزوزتي نفس الشي رغم انه زوجي مش وحيدها عندها تلاتة من غيره واحد بس متزوج واتنن مازالو سلفتي هي مرت الكبير لكن مازالت وراه لين طلقتها منه وتوا تبي تزوجه وهو عنده صغار وبنت كبيرة مخطوبة
ومستحيل تشدلك عيل وكان تموتي قدامها لكن صغار بناتها عادي تشد وتشمل وتغير وكل شي ادير فيه
وبالرغم من هدا كله عمري ما انتقدتها قدام ولدها ولا نقوله امك قالت والا دارت مخلياته هو بروحه يشوف ويحكم على اللي يصير
وفي النهاية هادي امه ونشوف انه من الواجب اني نتحملها على خاطره هوا